LUKA 4:35 - BUKUIT NE TILIL

³⁵ Ak kiger kong’ Jesu inendet, ak kolenji, Sis, ak imong’u eng’ inendet. Ak kingo kagowirji oindet kwenunywa, komong’une inendet anyun, komata koita kiy.

Bukuit Ne Tilil

³⁵ Ak ki kergong' `Jeso ineendet ak koleenji, “Siis, ak imong'u eng' ineendet” Ak kingo kagowiirchi oindet kwenunnywa, komang'une ineendet anyun, ko mata koita kiy.

BUKUIT NE TILIIL Sireet ne Dutero Kanon

³⁵ Ak ki kergong' `Jeso ineendet ak koleenji, “Siis, ak imong'u eng' ineendet” Ak kingo kagowiirchi oindet kwenunnywa, komang'une ineendet anyun, ko mata koita kiy.

LUKA 4:35 ပူးပေါင်းရင်းမြစ်များ

TIENWOGIKAL 50:16

Ago lenjin Kamuktaindet kiptengekyot, Itinye nee inye, si imwae ng’atutikyuk, Ak kende arorutiennyu kuting’ung’?

SEKARIA 3:2

Ak kilenji Jehovah Setani, Ingogeerin kong’ Jehovah, ee Setani; ee, ingogerin kong’ Jehovah ne kilewen Jerusalem: tos ma mecheita nito ne kaginemune ma?

MATAYO 17:18

Ak kiger kong’ Jesu oindet; ak komanda oindet eng’ inendet: ak kosob weroto koboch sainato.

MATAYO 8:26

Ak kilenji, Kalya si oiywei, okwek che otinye kayanet ne ming’in? King’eet anyun koger kong’ usonaik ak nyanjet; ak kiimung’do anyun mising’ nyanjet.

MARIKO 1:26

Ak ye kimandoi tamirmiriet ne muruon eng’ inendet, kobirabirto inendet, ak kowaachei eng’ kutit ne o.

MARIKO 4:39

Kong’eet anyun, ak koger kong’ usonet, ak kolenji araraita, Imutyon, sis. Kisis anyun usonet, ak komung’do anyun mising’.

MARIKO 9:26

Ak kingo kagowaach ak kobirto inendet mising’, komanda: ak koigei lakwet ne kagome; kot komwa che chang’ kole, Kagome.

LUKA 11:22

ak ye nyonji chito ne kim kosiir inendet, ak koterter, korebe anyun inendet karikyik tugul che cham komang’u, ak kopcheita bareiywekyik.

LUKA 4:23

Ak kiwolji ichek kolenji, Iman omwawa kalewenoni, Isoopge inye, chepkerichot: tuguk tugul che kigegas kele kiyaak eng’ Kapernaum, iyai choto agichek eng’ yu eng’ emoning’ung’.

LUKA 4:39

Ak kotonon eng’ ye negit, ak koger kong’ eset; kibagakta anyun eset inendet: ak ngunoto kong’eet ak koboisiechi ichek.

LUKA 4:41

Komong’une anyun oik bik che chang’, kowaachei kolen, Inyendet ko i Weritab Jehovah. Koger kong’ Jesu icheget, ma chamji kotwek, amu kiingen ichek kole, inendet ko Kristo.

LUKA 8:24

Ak kibwa ole mi inendet, ak kong’eet, kolenji, Konetindoni, konetindoni, kagibegu. Kong’eet anyun, ak koger kong’ usonet ak wasetab ge ne bo beek: kosis anyun araraita komung’do.

LUKA 9:39

ak keero, namei inendet tamirmiriet, ak ngunoto kowaach; ak kobirabirto kot kobun bugat kutinnyi, konyalili mising’ ama chamei komanda.

LUKA 9:42

Ak kingota konyonei, kowirji ng’ony oindet inendet, ak kobirabirto mising’. Ago kiger kong’ Jesu tamirmiriet ne muruon, ak kosoob lakwet, ak koweekyi kwanda.

NG'ANG'UTYET 12:12

Noto anyun oboiboitu, okwek kipsengwetisiek, ak okwek che omenye oloto. Bwa agobo ng’ony ak nyanjet: amu kachorgei oindet konyo ole omi, kotinyei nereknatet ne o, amu ingen kole tinyei betusiek che ng’ering’ kityo.