LUKA 3:11 - BUKUIT NE TILIL

¹¹ Ak kiwolji ichek kolenji, Inendet ne tinyei sumotik aeng’, kogochi ne matinyei; ak ingoyai ko u noto agine ne tinyei amitwogik.

Bukuit Ne Tilil

¹¹ Ak ki wolji icheek koleenji, “Ineendet ne tinyei sumotik aeng', kogoochi ne ma tinyei; ak ingoyai ko uu nooto agine ne tinyei amitwogik.”

BUKUIT NE TILIIL Sireet ne Dutero Kanon

¹¹ Ak ki wolji icheek koleenji, “Ineendet ne tinyei sumotik aeng', kogoochi ne ma tinyei; ak ingoyai ko uu nooto agine ne tinyei amitwogik.”

LUKA 3:11 ပူးပေါင်းရင်းမြစ်များ

EZEKIEL 18:7

ak tom koyachi chi kiy ne ya, ago kogoweekta kit ne kiginame besendo, koweekyi chito ne kiginame besendo, koweekyi chito ne kiyaachei, ama rebe chi kiy eng’ koromnatet, ak kigogochi amitwogik chito ne amei rubet, ak kolaaksechi ne mi ach ngor;

DANIEL 4:27

Noto anyun, ee laitoriandani, ingochamak kiruogennyu eng’ inye, ak itabanege tengekwogiguk, ye iyae imanda, ak itabanege yaitwogiguk ye irire kibananok; si kotesak kalyeng’ung’.

MATAYO 25:40

Ak kowolji Laitoriat kolenji, Amwawok, iman, ale, Ko u ye kioyachi agenge eng’ tupchosiechuchuk, agot che mengechen eng’ tugul, ko kioyaiywa.

LUKA 11:41

Ogoite kagochinoik che bo tuguk che mi orit; ak ogeero, tililitu tuguk tugul eng’ okwek.

LUKA 18:22

Ak ye kingogas Jesu, kolenji, Ta ko rartaat kit agenge eng’ inye: alde tugul che itinye, ak ipchechi kibananok, si inyoru konoruet eng’ kipsengwet: ak inyo, isubwa.

LUKA 19:8

Ak kitonon Sakayo, ak kolenji Kiptaiyat, Keero, Kiptaiyandani, agochini kibananok kebebertab tugukyuk; ak ngo kiaibe chi age tugul kiy eng’ ng’alset, aweekyini konyil ang’wan.

JOHANA 13:29

Amu kilen alak eng’ ichek kalenji Jesu, Ial tuguk che kimachei eng’ igorta, amu kiting’oti Judas lolet; anan ko kalenji kogochi kiy kibanaok.

POISYONIGAP CHE KIYOKTOI 10:2

chito ne kigonyiti Jehovah ak koiywei inendet koboto gonnyi tugul, ne kiigochin bik kagochinoik che chang’, ak kosaei Jehovah kotugul.

POISYONIGAP CHE KIYOKTOI 10:31

ak kole, Kornelio, kigegas saeng’ung’, ak kigoek kabwatet eng’ taitab Jehovah kagochinoiguk.

POISYONIGAP CHE KIYOKTOI 10:4

Ak kingogeer inendet mising’ eng’ kaiyweisiet, kole, Tos nee, Kiptaiyandani? Kolenji, Kigoit barak sautiguk ak kagochinoiguk koek kabwatet eng’ taitab Jehovah.

EPESOEK 4:28

Inendet ne kigochorso ko matata kochorso: ago kaigai kobois, koyai eng’ eunekyik noto mie, si kobiit kosich kit ne igochin inendet ne banani.

1 TIMOTEO 6:17

Ng’at magorek che bo betusiechu, si mamenio, anan konde kamang’unenywa magornatosiek che matonondos, ago eng’ Jehovah inendet ne konech tuguk tugul eng’ aiyebindo si kobiit keboiboitune;

1 TIMOTEO 6:18

ile koyai ne mie, si kobiit koek magorek eng’ boisionik che miach, si kochobogis kogoito, koyomogei ak alak;

HEBRANIK 6:10

amu Jehovah, ko ma Jehovah ne ma bo iman, kot koutie boisieng’wong’ ak chamnyet ne kiobarte agobo kainennyi, ye kioboisiechini che tililen, ak kota oboisiechini.

JAKOBO 1:27

Kayanet ne tilil ne matinyei muruonindo eng’ taitab Jehovah Kwanda, ko ni: kowendi kogeerei che matinyei sigikwak ak mosogik eng’ nyalildanywa, ak koripgei inendet eng’ ng’ony koek ne matinyei tisia.

JAKOBO 2:14

Kelu nee, tupchosiekyuk, ngot kole chi tinyei kayanet, ama tinyei boisionik? Komuchi kayanonato kosor inendet?

1 JOHANA 3:17

Ago chito ne tinyei tugukab ng’onyuni, ak kogeerei ne tupcho kobanani, ak koger muguleldanyi, ama rire inendet, komeng’doi ano chamnyetab Jehovah inendet?

1 JOHANA 4:20

Ngot komwa chi kole, Achame Jehovah, ago wechei ne tupcho, ko kiplembechwa: amu inendet ne machamei ne tupcho ne kigogeer, ko maimuchi kocham Jehovah ne tomo kogeer.