LUKA 24:32 - BUKUIT NE TILIL

³² Ak kilenjigei ichegei, Tos kama lal mat eng’ mugulelwekyok, yu kang’alalwech eng’ oret, kong’ang’wech sirutik?

Bukuit Ne Tilil

³² Ak ki leenjigei icheegei, Tos kama lal maat eng' mugulelwekyok, yu kang'alaalwech eng' ooreet, kong'ang'wech siruutik?

BUKUIT NE TILIIL Sireet ne Dutero Kanon

³² Ak ki leenjigei icheegei, Tos kama lal maat eng' mugulelwekyok, yu kang'alaalwech eng' ooreet, kong'ang'wech siruutik?

LUKA 24:32 ပူးပေါင်းရင်းမြစ်များ

TIENWOGIKAL 104:34

Ingoanyinyitu kabwatutikyuk eng’ inendet: Agasige eng’ Jehovah.

TIENWOGIKAL 39:3

Kiek mat muguleldanyu eng’ orinnyu; Ak ye kita abwatoti kolal mat: Yeityo amwa eng’ ng’elyeptanyu ale,

KALEWANAIK 27:17

Litei karnet karnet; Litei ko u noto chi togetab choruennyi.

KALEWANAIK 27:9

Iboiboi muguleldo mwanik ak nyamdutik: Iboiboi ko u noto anyinyindab choruetab chi ye toreti inendet.

ISAIAH 50:4

Kigona Kiptaiyat Jehovah ng’elyepta ne bo icheget che kiginet, si kobiit anai ole agimititoi eng’ ng’alek inendet ne ng’etat: ing’eetisiei karonet age tugul, ing’eeta si kobiit agas ko u che kiginet.

JEREMIA 15:16

Kibiit ng’aleguk, ak kiaam; ak kiek ng’aleguk eng’ ane boiboiyet ak kagasetab ge ne bo muguleldanyu: amu kimwaitoena kaineng’ung’, ee Jehovah Kamuktaindet ne bo lugosiek.

JEREMIA 20:9

Ak ngot amwa ale, Mamwae kiy agobo inendet, anan ang’alal eng’ kainennyi, kobiit anyun eng’ muguleldanyu ko u mat ne lalei eng’ kowekyuk, ak ang’et eng’ muitaet, ak mamuchi asis.

JEREMIA 23:29

Tos ma u ng’olyondennyu mat? Mwaei Jehovah; ak ma u kiriswet ne tonei ruandet?

MARIKO 4:34

Ak kima mwachi bichoto kiy ama eng’ kalewenet: ago kitetyi alamalyennyi ng’alek tugul komi taban ichegei.

LUKA 24:45

Koyat anyun ng’omnatosiekwak, si kobiit konai sirutik;

JOHANA 6:63

Tamirmiriet ne igoitoi sobondo; matilei kiy borto: tamirmiriet ak sobondo ng’alek che kaamwawok.

POISYONIGAP CHE KIYOKTOI 28:23

Ak ye kingo kagochob betut, kobwanji inendet che chang’ eng’ got ne kimenyei; ak kiiborsechi komie, kobaoriani agobo bounatetab Jehovah, ak kogiiljingei koneti ichek agobo Jesu, eng’ Ng’atutiet ne bo Musa, ak eng’ maotik, koboch karon agoi koimen.

HEBRANIK 4:12

Amu sobei ng’olyotab Jehovah, ak ko kim, ak ko ng’atib kosiir rotwetab chok ne ng’atiben komoswek tuwai, ak kotoorei agoi kobesio sobondo ak tamirmiriet, ak ole tuiyechin kowek ak amset, ak chepcheb koguiyo kabwatutik ak magutikab muguleldo.