LUKA 23:34 - BUKUIT NE TILIL

³⁴ Ak kile Jesu, Baba, nyochi kaat ichek; amu ma nai kit ne yaei. Ak kipchechigei ngoroikyik, eng’ seretab barbarek.

Bukuit Ne Tilil

³⁴ Ak ki le Jeso, Abba, nyochi kaat icheek; amu ma nai kiit ne yaei. Ak kipchechigei ngoroikyik, eng' seretap parbareek.

BUKUIT NE TILIIL Sireet ne Dutero Kanon

³⁴ Ak ki le Jeso, Abba, nyochi kaat icheek; amu ma nai kiit ne yaei. Ak kipchechigei ngoroikyik, eng' seretap parbareek.

LUKA 23:34 ပူးပေါင်းရင်းမြစ်များ

TAUNET 50:17

Omwachi Josep olenji, Kaigai inyochi kaat tupchosieguk amu bistoenywa, ak tengektanywa, amu kiyaun yaitiet: ara anyun, kisain kele, Nyoiywech kaat achek otwogikab Kamuktaindet ne bo kwandang’ung’. Ak kirir Josep ye king’aleljin icheget inendet.

TIENWOGIKAL 22:18

Pchechingei ngoroikyuk, Ak serei barbarek agobo ngoriennyu.

ISAIAH 53:12

Apchechini anyun inendet kebeberta koboto bik che eechen, ak kopchei barunenik koboto bik che kimen; amu kiigoito sobondanyi agoi meet, ak kigiitito bistoik: ago kigesen tengekwogikab bik che chang’, ak kisa agobo bistoik.

MATAYO 11:25

Eng’ betusiechoto kowol Jesu kole, Amwaun kongoi, we Baba, Kiptaiyatab kipsengwet ak ng’ony, amu kiiung’e tuguchu che ng’omen ak che iguitos, ak kiing’ang’ji manyurunik:

MATAYO 11:26

ee, Baba, amu kiicham inye ko u noto.

MATAYO 5:44

ago amwawok ale, Ocham bunikwok, ak osachi ichek che usok;

MARIKO 15:24

Ak kogartat, ak kopchechigei ngoroikyik, ak koser barbarek, konai ne te ne ibei chi tugul.

LUKA 22:42

kole, Baba, ngicham, iistoena kikombani: ago ma ko u magennyu, ago ingoyaak ko u mageng’ung’.

JOHANA 17:9

Asae agobo ichek: masae agobo ng’ony, ago agobo ichek che kiigona; amu cheguk:

JOHANA 19:11

Kowolji Jesu kolenji, Kama ko tetinye kimnatet iyaiywa kiy, nda kama kigonin eng’ barak; noto anyun, tinyei inendet ne koindea euneguk tengekto ne o kosiir.

POISYONIGAP CHE KIYOKTOI 16:28

Ago kimwa Paulo eng’ kutit ne o, kole, Ameyachige kiy ne ya: amu kimi yu achek tugul.

POISYONIGAP CHE KIYOKTOI 3:17

Ak nguno anyun, che kitupche, angen ale, kioyai noto amu kima ongen, ko u ye kiyai bounikwok agichek.

POISYONIGAP CHE KIYOKTOI 7:60

Ak kigutuny, ak komwa eng’ kutit ne o, kole, Kiptaiyat, ameiityi ichek tengegi. Ak kingo kagomwa nito, konuuch.

ROMANIK 12:14

Oberur che usok; oberur, amochub.

1 KORINTOEK 2:8

ne manaei agot agenge eng’ bounik che bo betusiechu: amu nda kiga nai, ta kima kogartati Kiptaiyatab torornatet:

1 KORINTOEK 4:12

ak kibirtoige, keboisie eunekyok: ye king’emwech kut, kiberur; ye kiusech, kemuitoi;

1 TIMOTEO 1:13

nganda kia chi ne chubisiei eng’ tai, ak ne usisiei, ak kia kolgol: ago kianyoru rirenetab ge, amu kiayae ko mangen kotom ayan;

1 PETERO 3:9

che mayaaktoi yaitio eng’ yaitio, anan ko ng’emetab kut eng’ ng’emetab kut; ago oegu che iberurisiei; amu kigiguurjok nito, si onam kaberuret.