LUKA 21:8 - BUKUIT NE TILIL

⁸ Ak kile, Oripge si ma kibeetok: amu tun bwanei bik che chang’ eng’ kainennyu, kolen, A inendet; ak, Kagorik betusiek: amosub ichek.

Bukuit Ne Tilil

⁸ Ak ki le, Oriipkei si ma kibeetook: amu tuun pwoonei piik che chaang' eng' kainennyu, koleen, Aa ineendet; ak, Kagoriik peetuusyek: amosup icheek.

BUKUIT NE TILIIL Sireet ne Dutero Kanon

⁸ Ak ki le, Oriipkei si ma kibeetook: amu tuun pwoonei piik che chaang' eng' kainennyu, koleen, Aa ineendet; ak, Kagoriik peetuusyek: amosup icheek.

LUKA 21:8 ပူးပေါင်းရင်းမြစ်များ

JEREMIA 29:8

Amu mwaei Jehovah ne bo lugosiek, Kamuktaindetab Israel, ko u ni kole: Amongoberberak maotik che mi kwenung’wong’, ak bikwok che ng’orsei, anan oyan karuotitaosiekwok che oruotyini.

MATAYO 24:11

Ak tun ng’eetos maotik che chang’ che bo lembech, ak kobeet che chang’.

MATAYO 3:2

kolen, Osigu; amu kagorik bounatetab kipsengwet.

MATAYO 4:17

Koboch yoto kotoi Jesu koamda, ak kole, Osigu; amu kagorik bounatetab kipsengwet.

LUKA 17:23

Ak tun lenjinok, Ogeero, mi olin! Ogeero, mi oli! Amat obe, anan osub ichek:

LUKA 21:7

Ak kiteebe, kole, Konetindoni, egu anyun tuguchuto auyo? Ak u nee kaborunet ye tun machei korik kosulda tuguchuto?

LUKA 21:9

Ak ye tun ogas agobo lugosiek ak chemarget, ko mat oarogense: amu kanyol kosib kosulda tuguchoto korok; ago tom korik kagesunet.

JOHANA 5:43

Kianyo eng’ kainetab Baba, ama otaacha: ngo nyo age eng’ kainennyi otaache inendet.

JOHANA 8:24

Noto kaamwawok, ale, obegu eng’ tengekwogikwok: amu ngo moyuani ole a inendet, obegu eng’ tengekwogikwok.

JOHANA 8:28

Kilenji Jesu anyun, Ye kaouite Weritab chi, onai anyun eng’ betunoto ole a inendet, amayae kiy anege, ago amwae tuguchu ko u ye kiineta Kwanda.

1 KORINTOEK 6:9

Anan mongen ole matun nyoru icheget che ma bo iman bounatetab Jehovah? Amat kiberberak: mami eng’ che soksei, anan che saei kanamonik, anan che kibegei, anan chemulkwonyinik, anan chemogorgoinik,

EPESOEK 5:6

Amat koberberak chi eng’ ng’alek che manamegei ak kiy: amu nyonjin nereknatet ne bo Jehovah werikab ngelelnatet amu tuguchuto.

2 THESSALONIKEK 2:3

amat kong’alak chi eng’ kiy age tugul; amu maitu betunoto, kobate indou katuituet ak keng’any chito ne bo tengekto, weritab luset,

2 TIMOTEO 3:13

Ago tesoksei kiptengeginik ak kenik eng’ yaitiet, koberberisiei ak kiberberi.

1 JOHANA 4:1

Chamanichu, amoyan tamirmiriet age tugul, ago otiem tamirmirik, ngo bo Jehovah: amu kigomong’ji ng’ony maotik che chang’ che bo lembech.

2 JOHANA 1:7

Amu kigomong’ji ng’ony kenik che chang’, ichek che mang’anyei kole kinyo Jesu Kristo eng’ borto. Nito ko kenindet, ak ko kirindoindetab Kristo.

NG'ANG'UTYET 1:3

Baibai inendet ne somani, ak ichek che kasei ng’alekab maoinatoni, ak koribei tuguk che kigisir eng’ maoinatonito: amu kagorik betut.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.