LUKA 20:47 - BUKUIT NE TILIL

⁴⁷ ak korebe mosogik gorikwak, ak kosaei sautik che koen kong’alsei: tun nyoru chuto kiruoget ne o kosiir.

Bukuit Ne Tilil

⁴⁷ ak korebe mosoogik kooriikwak, ak kosaaei saautik che kooen kong'aalsei: tuun nyooru chuuto kirwooget ne oo kosiir.

BUKUIT NE TILIIL Sireet ne Dutero Kanon

⁴⁷ ak korebe mosoogik kooriikwak, ak kosaaei saautik che kooen kong'aalsei: tuun nyooru chuuto kirwooget ne oo kosiir.

LUKA 20:47 ပူးပေါင်းရင်းမြစ်များ

ISAIAH 10:2

kobeet ne nyalili eng’ kiruoget, ak korebe imanit kibananokab bikyuk, si kobiit koek mosogik barunenikwak, ak si kobiit koluul che matinyei kwanda!

EZEKIEL 22:7

Kigosas ichek eng’ inye kwanda ak kamet; kigonyalil ichek toek eng’ kwenung’ung’: kigoyachi ne ya eng’ inye ne matinyei kwanda ak mosoget.

EZEKIEL 33:31

Ak kobwanjin ko u ye bwanei bik, ak koteb ng’ony eng’ taing’ung’ ko u bikyuk, ak kogas ichek ng’aleguk, ago mayaei: amu ibortoi chamnyet ne o eng’ ng’alekwak, ago isubi mugulelwekwak kelunenywa.

AMOS 2:7

che isienyi komachei temburiekab emet eng’ metowekab kibananok, ak komaas ortinwekab che taloen: ak koba kwanda ak werinnyi koipgei ak chepto agenge, si kong’wanit kainennyu ne tilil:

MIKAH 2:2

Kasei miat mbarenik, ak koreb; koboto gorik, ak koib: ak kous chito koboto gonnyi, chito koboto tugukyik.

MIKAH 2:8

Ago kota koboriena bikyuk ko u bunyot: oreegune ngoriet ne tabanu barak ichek che siirtoi eng’ kalyet, ko u bik che machamei luget.

MIKAH 3:2

Che oweche mieindo ak ochame yaitiet; che onemu irirenikwak koboto banyekwak eng’ kowekwak;

MATAYO 23:13

Ago bwa okwek, sirik ak Parisaik, chombilik! Amu ogere bik bounatetab kipsengwet: amu moite okweget oloto, amochamjini che machei koit oloto, koba.

MATAYO 23:14

Bwa okwek, sirik ak Parisaik, chombilik! Amu oame gorikab mosogik, ak osae sautik che koen eng’ ng’alseng’wong’: noto anyun onyoru kiruoget ne siirtoot.

MARIKO 12:40

ak korebe ichek mosogik gorikwak, ak kosaei sautik che koen kong’alsei; nyoru bichu kiruoget ne o kosiir.

LUKA 12:1

Eng’ saisiechoto, ye kingoyumgei bik ng’isiat che bo tuiyet, kot kotiech ge ichegei, kosib kotoi kolenji alamalyennyi, Oribege mermerekab Parisaik, noto chombilisiet.

LUKA 20:46

Oripge eng’ sirik, che chamei kobendat kolaachi ngoroik che koen, ak kochamei kagatosiek eng’ oldinwekab aldaisiet, ak ng’echerok che bo tai eng’ sunagogisiek, ak oldinwek che bo tai eng’ igorwek;

LUKA 21:1

Ak kiyot met, kogeer magorek kondoi kagochinoikwak ole kiyumjin.

1 THESSALONIKEK 2:5

Amu kima kinyoruech eng’ sait age tugul keboisie ng’alekab kachaunetab ge, ko u ye ongen, anan ng’alekab ung’ot che bo keiyandit, baoriat Jehovah;

TITO 1:16

Mwaei kole ingen Jehovah; ago esioi inendet eng’ boisionikwak, kigoek che kiwechei, ak che magase it, ama tilei kiy eng’ boisiet age tugul ne mie.

JAKOBO 3:1

Amat koek che chang’ eng’ okwek konetik, tupchosiekyuk, ongen ole tun kinyoru kiruoget ne o mising’.