LUKA 20:20 - BUKUIT NE TILIL

²⁰ Ak kiriboti icheget inendet, ak koyokto segeik, che kiyaigei koek che bo imanda, si kobiit koname inendet ng’alekyik, si kogoito inendet kwo taitab bounatet ak kimnatetab bounindet.

Bukuit Ne Tilil

²⁰ Ak kiriibooti icheeget ineendet ak koyookto segeik, che ki yaigei koek che po imanda, si kobiit koname ineendet ng'aleekyik, si kogoito ineendet kwo taitap pounateet ak kimnateetap pounindet.

BUKUIT NE TILIIL Sireet ne Dutero Kanon

²⁰ Ak kiriibooti icheeget ineendet ak koyookto segeik, che ki yaigei koek che po imanda, si kobiit koname ineendet ng'aleekyik, si kogoito ineendet kwo taitap pounateet ak kimnateetap pounindet.

LUKA 20:20 ပူးပေါင်းရင်းမြစ်များ

2 SAMUEL 14:2

Ak kiiyokto Joab keguur kwondo ne ng’om eng’ Tekoa, ak kolenji, Asain ale, yaige ogergeitu ak chito ne rirei, ak asain ale ilaach ngoroikab rirek, amat iilege mwaita, ago ogergeitu ak kwondo ne kigorir keny agobo chito ne kime:

TIENWOGIKAL 38:12

Ak chobei mestonok kole konama che cheng’ei sobondanyu; Ak mwaei yaitwogik che cheng’ena kiy ne ya, Ak kobwatoti ng’alsosiek bet komugul.

TIENWOGIKAL 66:3

Olenji Kamuktaindet, Bo kamuiset ne tia boisioniguk! Iming’injiningei buniguk amu etunatetab kimnateng’ung’.

TIENWOGIKAL 81:15

Yaegei koek che kase it icheget che wechei Jehovah: Ago kata teptoi betusiekwak koigeny.

JEREMIA 11:19

Ago kia u aruetab kechir ne tala, ne kikweriei kwo ole kieng’e; ak kima anai ale kigochob ichek chobutik che yaachen agobo ane, kole, Ongeng’em ketit koboto logoekyik, ak ongeiste inendet eng’ emetab che soptos, si mata kibwat kainennyi kogeny.

JEREMIA 18:18

Kimwa anyun kole, Obwa kechob kit ne kiitoi Jeremia; amu mabetei ng’atutiet eng’ tisiindet, ama betei kiruoget eng’ chito ne ng’om, ama betei ng’olyot eng’ maotiot. Obwa, kebire ng’elyepta, amat ongeepchi it agot ng’olyot agenge eng’ ng’alekyik.

JEREMIA 20:10

Amu koagas katewerisietab che chang’, kamuiset eng’ komosta age tugul. Mwaei choronokyuk tugul che achame, che machei kotaama, kole, Omwaite, si kemwaite inendet; tamangab kigaigai, si kiterter inendet, ak kiyaaktochinege mugetut.

DANIEL 6:4

Kicheng’ anyun boisiechoto koboto bounik kochaam Daniel agobo bounatet; ago ma imuch konyorji inendet ng’olyo anan ko lelut; amu ki bo iman inendet, ama kinyorji kiy ne ma litit anan ko lelut.

MATAYO 27:2

ak kirat inendet ak komut kwo kogochi Pilato, bounindet.

MARIKO 3:2

Ak kirib ichek inendet, kole kogeer, ngo tos isoob chichoto eng’ betutab sabato; si kobiit komwaita.

LUKA 11:54

korib kole tamangab konyor ng’olyo ne mong’une kutinnyi.

LUKA 20:21

Ak kiteebe inendet kole, Konetindoni, kingen kele imwae ak inetisiei eng’ iman, ago metiytii chi, ak ineti iman oretab Jehovah:

LUKA 20:26

Ak kima imuch koname mwaonato eng’ taitab bik; ak kikwong’io eng’ wolunennyi, ak kisisyo.

2 PETERO 2:3

Ak kocheng’jingei borotet eng’ okwek eng’ ng’alekab ng’alset amu kasenywa ne bo miat: che ma igaegei kiruogenywa koboch keny, ama ruei ng’emisienywa.