LUKA 20:10 - BUKUIT NE TILIL

¹⁰ Ak kingoit betut koyokyi otwogindet meechoto, si kobiit kogochi ichek inendet logoekab mbaranato: ago kibir meek inendet, ak koon kwo buch.

Bukuit Ne Tilil

¹⁰ Ak kingo it peetuut koyookyi otwogindet meechooto, si kobiit kogoochi icheek ineendet logoegap mbaranooto: ago kibir meek ineendet ak koon kwo puch.

BUKUIT NE TILIIL Sireet ne Dutero Kanon

¹⁰ Ak kingo it peetuut koyookyi otwogindet meechooto, si kobiit kogoochi icheek ineendet logoegap mbaranooto: ago kibir meek ineendet ak koon kwo puch.

LUKA 20:10 ပူးပေါင်းရင်းမြစ်များ

1 LAITORINIK 22:24

Korik anyun Sedekia weritab Kenaana, ak korabach Mikaia matanda, ak kolenji, Kabun ano tamirmirietab Jehovah ak konyo kong’alalun?

2 LAITORINIK 17:13

Ago kibaorian Jehovah kora agobo Israel, ak agobo Juda, eng’ maotiot age tugul, ak keerindet age tugul kolenji, Oweege eng’ ortinwekwok che yaachen, ak orib ng’atutikyuk ak kayomisutikyuk, ko u Ng’atutiet tugul ne kiang’at kwanisiekwok, ak che kiayokwok eng’ eunekab otwogikyuk maotik.

1 ATEPTAP PEETUUSYEK 19:4

Kinam anyun Hanun otwogikab Daudi, ak konem tamnokwak, ak kotil ngoroikwak komut kwenut, kobochit ngorook, ak kounda koba.

2 ATEPTAP PEETUUSYEK 16:10

Konerekyi anyun Asa keerindet, ak konde inendet korgoret; amu kinerekyi inendet mising’ agobo kiito. Ak kius Asa bik alak eng’ betusiechoto.

NEEMIA 9:26

Ago ma kas it, ak kongeleljin, ak kiwirta Ng’atutiguk kotuktochi batai, ak kobar maotiguk che kibaorianji ichek, kole koweech ichek kobwanjin, ak koyai tagisiosiek che eechen.

NEEMIA 9:30

Ago kiimuitochi ichek eng’ kenyisiek che chang’, ak kiibaorianji ichek eng’ Tamirmirieng’ung’ eng’ maotiguk: ago ma cham kogas: kiinde anyun ichek eunekab bikab emotinwek.

TIENWOGIKAL 1:3

Ak kogergeit ak ketit ne kigiminji ole negite ainosiek, Ne yiei logoekyik eng’ betusiekyik, Ama restos sogekyik; ak koberurok kiy age tugul ne yaei.

JEREMIA 2:30

Kiabir lagokwok buch; ma cham kotigonet: kigobar rotweng’ung’ bo chok maotikwok, ko u ng’etundo ne ng’emisiei.

JEREMIA 20:2

Kibir anyun Pasur maotiot Jeremia, ak koratyi inendet ketik kelyekyik, eng’ ormarichet ne bo meto ne bo Benjamin, ne kimi gotab Jehovah.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 5:24

Ama mwaei eng’ mugulelwekwak kole, Ongiywei anyun Jehovah Kamuktaindennyo, ne konu ropta, ne bo tai ak ne bo let, eng’ betusiekyik; ne ribwech wigisiek che kiging’at che bo kesisiet.

LUKA 13:34

Ee, Jerusalem, Jerusalem, inye ne ibare maotik, ak ilage koik che kiyogun! Kiamach konyil ata ayum lagoguk, ko u ngogiet ne iyumjin arekyik kebebaikyik, ago kima ocham!

LUKA 20:11

Ak kiiyokto kogeny otwogindet age: ak kibir noto agine, ak kotewer, ak koon kwo buch.

LUKA 20:9

Ak kitoi komwachi bik kalewenoni, kole: Kimin chi sabibuk eng’ mbar, ak komanakyi meek, ak kwo emet age kotebi betusiek che chang’.

JOHANA 15:16

Kima olewena, ago kialewenok, ak kiandeak, ale obe ak oii logoek, si kobiit kotebi logoekwok: si kobiit kogonok Kwanda kit age tugul ne osome eng’ kainennyu.

ROMANIK 7:4

Noto anyun, che kitupche, kigeyaak obegu eng’ Ng’atutiet eng’ bortab Kristo; si kobiit obunji chito age, inendet ne kiging’eet komong’une che kibek, si keiichi Jehovah logoek.