LUKA 2:49 - BUKUIT NE TILIL

⁴⁹ Ak kilenji ichek, Amu nee si ocheng’a? Ma onai ole kanyolja atebe boisietab Baba?

Bukuit Ne Tilil

⁴⁹ Ak ki leenji icheek, “Amu nee si ocheeng'a? Ma onai ole kanyolja atebee poisyetap Abba?”

BUKUIT NE TILIIL Sireet ne Dutero Kanon

⁴⁹ Ak ki leenji icheek, “Amu nee si ocheeng'a? Ma onai ole kanyolja atebee poisyetap Abba?”

LUKA 2:49 ပူးပေါင်းရင်းမြစ်များ

TIENWOGIKAL 40:8

Abaibai ayai mageng’ung’, ee Kamuktaindennyu; Ee, mitei ng’atutieng’ung’ muguleldanyu.

MALAKI 3:1

Ogeero, ayogu chito nenyu, ne kiyoktoi, ak kochob oret eng’ tainnyu: ak sib konyonei hekalunnyi Kiptaiyat ne ocheng’e; ne chito ne kiyoktoi ne bo arorutiet, ne oboiboitune, ogeero, nyonei, mwaei Jehovah ne bo lugosiek.

MATAYO 21:12

Ak kiwa Jesu hekalutab Jehovah, ak koon tugul che kialdoisiei ak che kialisiei eng’ goyoto, ak kogabui mesosiek che bo walikab siling’isiek, ak ng’echerokab che kialdoi cheptugenik;

LUKA 2:48

Ak ye kingogeer inendet, kokwong’io: ak kilenji kamennyi inendet, Lakwani, kalya si iyaiywech ko u ni? Keero, kogicheng’in ane ak kwandang’ung’ eng’ arogenet.

JOHANA 4:34

Kolenji Jesu, Amitwogikyuk ko ayai magetab inendet ne kiiyokwa, ak agesu boisiennyi.

JOHANA 5:17

Ak kiwolji Jesu kolenji, Boisiei Baba agoi kora, ak aboisiei agane.

JOHANA 5:36

Ago baornatet ne atinye ko o kosiir ne bo Johana: amu boisionik che kigona Kwanda ages, choto che ayae, ko che baorianjina, kole kiiyokwa Kwanda.

JOHANA 6:38

Amu kiachoruge eng’ kipsengwet, ma si ayai magennyu, ago magetab inendet ne kiiyokwa.

JOHANA 8:29

Ak kimi tuwai ak inendet ne kiiyokwa; ma bagakta anege; amu ayae kotugul tuguchoto chamaksei eng’ inendet.

JOHANA 9:4

Kanyol keyai boisiosiekab inendet ne kiiyokwa, ko ta ko bet: nyonei kemout, ye ma komuchi chi kobois.