LUKA 17:6 - BUKUIT NE TILIL

⁶ Ak kile Kiptaiyat, Ndotinye kayanet ne u keswotab karadali, ko ye omwachi mogoiywoni, olenji, Kitutin, ak keminin eng’ nyanjet; kogasok it.

Bukuit Ne Tilil

⁶ Ak ki le Kiptaiyat, Ndotinye kayaneet ne uu keswootap karadali, ko ye omwachi mogoywoni, oleenji, Kitutin, ak keminin eng' araraita; kogasook iit.

BUKUIT NE TILIIL Sireet ne Dutero Kanon

⁶ Ak ki le Kiptaiyat, Ndotinye kayaneet ne uu keswootap karadali, ko ye omwachi mogoywoni, oleenji, Kitutin, ak keminin eng' araraita; kogasook iit.

LUKA 17:6 ပူးပေါင်းရင်းမြစ်များ

MATAYO 14:29

Ak kile, Nyo. Ak kichortagei Petero eng’ moingetab beek, kobun beek barak kwo ole mi Jesu.

MATAYO 17:20

Ak kilenji, Amu kayaneng’wong’ ne ming’in: amu amwawok iman ale, Ndotinye kayanet ne te keswotab karadali, ta ngomwachi tulwoni olenji, Inakte ui olin; konaktoi; ta mami kiy ne maimugaksei eng’ okwek.

MATAYO 21:21

Ak kiwolji Jesu kolenji, Amwawok, iman, ale, Ngotinye kayanet, amosage, ko moyae ne kageyachi mogoiywondoni kityo, ago agot ngomwachi tulwoni, olenji Ngesutin ak kewirjin nyanjet, koyaaksei.

MARIKO 4:31

Kergei ak keswotab karadali, ne, ye kageminji ng’ung’unyek, ko agot nganda ming’in eng’ keswek tugul che mi ng’ony,

MARIKO 9:23

Ak kilenji Jesu, Ngimuchi! Imugaksei tuguk tugul eng’ inendet ne iyani.

LUKA 13:19

Kergei ak keswotab karadali, ne kinam chito, ak kominji mbarennyi; ak kibit, agoi koek ketit; ak kitebe taritik che bo barak temenikyik.

LUKA 17:7

Ago mi ng’o eng’ okwek ne tinyei otwogindet ne ibatisiei anan ne iyagi kechirek, ne lenjin, ye kait kobunu mbar, Nyo ngunoto ak itebi ng’ony iamisie?

LUKA 19:4

Ak kilabat kondo, kwo kolany mogoiywet si kogeer inendet: amu kinyo kosiirtoe oranato.

LUKA 7:13

Ak ye kingogeer Kiptaiyat inendet, korire, ak kolenji, Amat irir.

LUKA 7:19

Ak kiguurjigei Johana aeng’ che bo alamalyennyi ak koyokto koba ole mi Kiptaiyat, koteebe kole, Tos inyendet ni nyonei, anan kigeni age?

1 KORINTOEK 13:2

Ak ngot atinye konunetab maoinatet, ak angen ung’otik tugul ak naet tugul, ak ngatinye kayanet tugul, kot amuch autoe tulonok, ago matinye chamnyet, ko a buch.