LUKA 17:2 - BUKUIT NE TILIL

² Kita kaigai eng’ inendet kirooch kaatinnyi koitab bai ne o ak kewirji nyanjet, kosiir ye inachi age eng’ chu mengech.

Bukuit Ne Tilil

² Kita kaigai eng' ineendet kirooch kaatinnyi koitap pai ne oo ak kewiirchi araraita, kosiir ye inachi age eng' chu mengech.

BUKUIT NE TILIIL Sireet ne Dutero Kanon

² Kita kaigai eng' ineendet kirooch kaatinnyi koitap pai ne oo ak kewiirchi araraita, kosiir ye inachi age eng' chu mengech.

LUKA 17:2 ပူးပေါင်းရင်းမြစ်များ

ISAIAH 40:11

Baei kechirekyik ko u mestowot, iyumi eunnyi arekab kechir, ak komute tegennyi, ak kondochi mutyo che aboen.

SEKARIA 13:7

Ng’eet, ee rotwetab chok, borie mestowondennyu, borie chito ne kimi tuwai, mwaei Jehovah ne bo lugosiek: bir mestowot, si koiyesta kechirek; ak atokyi eunnyu che mengechen.

MATAYO 17:27

Ago, si ma kinach ichek, iwe araraita, ak iwirji katet, ak njiriot ne kamong’ eng’ tai, inam; ak ye kaiyat kutinnyi, inyoru sekel: nam noto, ak igoite agobo ane ak inye.

MATAYO 18:10

Orib si mosas age eng’ chu mengech; amu amwawok ale, keerei eng’ kipsengwet malaikaisiek kotugul togetab Baba ne mi kipsengwet.

MATAYO 18:14

Agot ko u noto ma magetab Kwandang’wong’ ne mi kipsengwet, kolus age eng’ chu mengech.

MATAYO 26:24

Wendi Weritab chi, ko u ye kigisir agobo inendet: ago bwa chichoto ne king’wektoe Weritab chi! Kita mie eng’ chichoto nda kima kisich.

MARIKO 9:42

Ak age tugul ne inachi age eng’ chu mengech che iyana, ko kaigai eng’ inendet kirooch kaatinnyi koitab bai ne o, ak kewirji nyanjet.

JOHANA 21:15

Ye kingo kagoamis anyun, kolenji Jesu Simon Petero, Simon, weritab Johana, tos ichama kosiir chu? Kolenji inendet, Ee, Kiptaiyandani, ingen ile achamin. Kolenji, Bai arekyuk.

1 KORINTOEK 9:15

Ago tom aboisie tuguchoto agot agenge: amasire tuguchu ale keyaiywa ko u noto: amu kata kaigai ame kosiir kowal chi torornatennyu koek buch.

1 KORINTOEK 9:22

Eng’ che nyalulyotin kiaegu ane ne nyalulat, si tamangab anyoru che nyalulyotin: kiaegu tuguk tugul eng’ bik tugul, tamangab amuch asor alak eng’ oret age tugul.