LUKA 16:24 - BUKUIT NE TILIL

²⁴ Ak kiite kole, Baba Abraham, rirena, ak iyogu Lasaro, koting’e beek walitab mornennyi, si kotiswa ng’elyeptanyu, amu ami ng’wanindo mising’ eng’ mai lalei.

Bukuit Ne Tilil

²⁴ Ak ki ite kole, “Abba Abraham, rireena, ak iyoogu Lazaro, koting'e peek walitap mornennyi, si kotiswa ng'elyeptanyu, amu ami ng'wanindo miising' eng' mai lalei.”

BUKUIT NE TILIIL Sireet ne Dutero Kanon

²⁴ Ak ki ite kole, “Abba Abraham, rireena, ak iyoogu Lazaro, koting'e peek walitap mornennyi, si kotiswa ng'elyeptanyu, amu ami ng'wanindo miising' eng' mai lalei.”

LUKA 16:24 ပူးပေါင်းရင်းမြစ်များ

Kitabuutap JOB 20:21

Ma ng’et kiy ne kima am; Noto anyun, matebyei magornatennyi.

ISAIAH 27:11

Ye kagoresyo temenikyik, koilyo; bwanei kwonyik ak kobeel: amu bororiot ne matinyei naet; noto anyun marire ichek inendet ne kiyai, ama tiytii ichek inendet ne kimimii.

ISAIAH 66:24

Ak komanda koba kogeer muswekab bik che kiingelelja: amu mabegu kutikwak, ama kimisi manywa; ak koek che wechei bik tugul.

SEKARIA 14:12

Ak biitu koroitab ng’ony ne bire Jehovah bik tugul che kibargei ak Jerusalem: nundos borwekwak kota kotonondos, ak konunio konyekwak eng’ kelongonikwak, ak konunio ng’elyebwekwak eng’ kutuswekwak.

MATAYO 25:41

Kolenji anyun ichek che mi eutab katam, Oba eng’ ole ami, okwek che o chubotin, oba mat ne bo koigeny ne kigechopchi oindet ak malaikaisiekyik:

MATAYO 3:9

amat obwat eng’ oring’wong’ ole, Kitinye kwandanyo Abraham: amu amwawok ale, imuchi Jehovah kong’eetyi Abraham lagok eng’ koichu.

MATAYO 5:22

ago amwawok ale, Age tugul ne nerekyin ne tupcho ko kagorikyi kiruoget; ak age tugul ne lenji ne tupcho, Raca, ko kagorikyi kapkiruoget; ak age tugul ne mwaei kole, Abusanani, ko kagorikyi Gehenna, oldab mat.

LUKA 16:30

Ago kile, Achicha, baba Abraham: ago ngot kwo chi ole mi ichek ne bunei oldab che kigobek, kosigu.

LUKA 19:9

Ak kilenji Jesu, Kagonyo yetunet rani goi, amu weritab Abraham agine inendet.

LUKA 3:8

Oii anyun logoek che nyoljin sigunet, amotau omwa eng’ mugulelwekwok ole, Kitinye kwandanyo Abraham: amu amwawok ale, eng’ koichu komuchi Jehovah kong’eetyi Abraham lagok.

JOHANA 4:10

Kowolji Jesu kolenji, Nda kengen konunetab Jehovah, ak inendet ne kalenjin, Inaga beek aee; ta kaisom inendet, ak ta kagogonin beekab sobon.

JOHANA 4:14

ago age tugul ne eei beek che agochini ko ma koamei melel agoi; ago egu beek che agochini kondab beek eng’ inendet, che kutu agoi sobondab koigeny.

JOHANA 7:37

Eng’ betut ne bo let, betunoto o bo igorta, kotonon Jesu ak komwa eng’ kutit ne o, kole, Ngo amei chi melel, ko ingonyonja, ak koee.

ROMANIK 4:12

ak koek kwandab che imuratanotin eng’ ichek che ma bo kamuratanet kityo, ago che bendi agichek eng’ tiegutikab kayanonoto bo kwandanyo Abraham ne kitinyei ye kitom kimuratan.

2 THESSALONIKEK 1:8

eng’ mat ne lalei, koyaakyi mugetut icheget che ma nai Jehovah, ak ichek che magase it logoiywek che miach che bo Kiptaiyandennyo Jesu:

JAKOBO 2:13

Amu matinyei kiruoget rirenetab ge eng’ inendet ne ma ibor rirenetab ge: itororegei rirenetab ge kogirindoi kiruoget.

JAKOBO 3:6

Ak ng’elyepta ko mat: ng’onyut ne bo tengekto eng’ kebeberwekyok ko ng’elyepta, ne imuruoni borto komugul, ak konaami mat eng’ bandab chi kote kosobei ak kinaami eng’ matab Gehenna.

NG'ANG'UTYET 19:20

Ak kiginam tiondo, koboto maotiondonoto ki bo lembech ne kiyaei kaborunoik eng’ tainnyi, ne kiiberberi che kiga kinde berutietab tiondo, ak ichek che kiilosu kanamwennyi: kigiwirji choto tuwai kosoptos araraita ne bo mat ne lalei eng’ koik che laldos:

NG'ANG'UTYET 20:15

Ak ngot kenyor chi age tugul ne kima kisirji bukuitab sobondo, kewirjin araraitab mat.

NG'ANG'UTYET 22:1

Ak kiiborua ainetab beekab sobon, ne tilil ko u krustalo, kobunu ng’echeretab laitornatet ne bo Jehovah ak ne bo Aruet,

1 SAMUEL 28:16

Ak kile Samuel, Amu nee si iteebena, ago kigometen Jehovah, ak kigoek bunyondeng’ung’?