LUKA 16:15 - BUKUIT NE TILIL

¹⁵ Ak kilenji, Okweget che omieitige eng’ taitab bik; ago ingen Jehovah mugulelwekwok: amu kit ne itorori bik ko wegot mising’ eng’ taitab Jehovah.

Bukuit Ne Tilil

¹⁵ Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”

BUKUIT NE TILIIL Sireet ne Dutero Kanon

¹⁵ Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”

LUKA 16:15 ပူးပေါင်းရင်းမြစ်များ

1 ATEPTAP PEETUUSYEK 29:17

Angen kogeny, ee Kamuktaindennyu ale, itieme muguleldo, ak ibaibaitune lititindo. Ak kiagonin tuguchuto tugul eng’ chamnyet ak lititindab muguleldanyu: ak kaageer nguno eng’ boiboiyet biguk che mi yu kogonin eng’ chamnyet.

2 ATEPTAP PEETUUSYEK 6:30

igas anyun eng’ kipsengwet oldang’ung’ ole imenye, ak inyochi kaat ak iyaakyi chi age tugul ko u ortinwekyik tugul, ne ingen muguleldanyi; (amu inye inyege ne ingen mugulelwekab werikab bik;)

TIENWOGIKAL 10:3

Amu ilosunegei kiptengekyot magetab muguleldanyi, Ak koberuri ne koi kong’, ak kosas Jehovah:

TIENWOGIKAL 49:13

Bo berberindo oraninywa: Ak chamei bik alage che biitu ng’ololutikwak.

TIENWOGIKAL 49:18

Agot nga kiiberuri sobondanyi ye kita kosobei, Ak kolosun bik, ye iyachinigei ne mie,

TIENWOGIKAL 7:9

Ingowong’gei tengektab kiptengeginik, ago igimit ne bo imanda: Amu tiemei Kamuktaindet ne bo imanda mugulelwek ak soromok.

KALEWANAIK 16:5

Kit ne wechei Jehovah ko muguleldo age tugul ne menei: Agot ngo namgei eunek, ko magimetoi ama kibir.

KALEWANAIK 20:6

Ibortoi chi age tugul eng’ bik che chang’ mieindanyi: Ago imuchi ng’o konyor chito ne kiyani?

KALEWANAIK 21:2

Len chi bo iman orennyi age tugul: Ago kerei Jehovah mugulelwek eng’ karogendoet.

JEREMIA 17:10

Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

MALAKI 3:15

Ak nguno keguure menotik bik che boiboi, ee, kigimiti ichek che yaei yaitiet; ee, tiemei Kamuktaindet ak kochilildos.

MATAYO 23:5

Ago yaei boisionikwak tugul si kogeer bik: amu yaei kotebeesitu lolotinwekab sirutik; ak kobaroi tabanwekab ngoroikwak,

MATAYO 6:16

Kogeny ye orugutge, ko moige chombilik, eng’ togochik che bo arogenet; amu walei togochikwak, si kogeer bik kole, koirugutgei. Amwawok, iman, ale, Kagonyor ichek melektanywa.

MATAYO 6:2

Noto anyun, ye igoite kagochinoiguk che bo rirenetab ge, ko mat iguut igondit eng’ taing’ung’, ko u ye yaei chombilik eng’ sunagogisiek ak ortinwek, si kobiit konyor kalosunet eng’ bik. Amwawok, iman, ale, Kagonyor ichek melektanywa.

MATAYO 6:5

Ak ye osae, ko moige chombilik; amu chamei ichek kosaei kotonondos eng’ sunagogisiek ak besiebor si kobiit kogeer bik ichek. Amwawok, iman, ale, Kagonyor ichek melektanywa.

LUKA 10:29

Ago ye kimachei komieitgei, kolenji Jesu, Ng’o chitab kokwennyu?

LUKA 11:39

Kolenji Kiptaiyat, Okwek Parisaik, ouni barak kikombet ak sanit; ago nyiitat oring’wong’ rebisiet ak yaitiet.

LUKA 18:11

Kitonon Parisaindet kosa kong’alal inegei ko u ni kole, Jehovah, amwaun kongoi, amu ma ki kergei ak bik alak, che rebik, che ma bo iman, che ibegei, anan taagindoni bo aisurut.

LUKA 18:14

Amwawok ale, kichortagei chichoto gonnyi ko kagoek ne bo imanda kosiir nin age: amu chi age tugul ne itororigei kiming’ini; ak age tugul ne iming’inigei ko tun kitorori.

LUKA 18:21

Ak kile, Kiarib tuguchuto tugul koboch ko a neran.

LUKA 18:9

Ak kimwachi kogeny kalewenoni alak che kiimang’ugei kole, ki bo imanda, ak kosasei bik tugul,

LUKA 20:20

Ak kiriboti icheget inendet, ak koyokto segeik, che kiyaigei koek che bo imanda, si kobiit koname inendet ng’alekyik, si kogoito inendet kwo taitab bounatet ak kimnatetab bounindet.

LUKA 20:47

ak korebe mosogik gorikwak, ak kosaei sautik che koen kong’alsei: tun nyoru chuto kiruoget ne o kosiir.

JOHANA 2:25

ak amu kima komage kiy chi ne baoriani agobo chi age; amu kiingen inendet kit ne mi chi orit.

JOHANA 21:17

Kolenji ne bo somok, Simon, weritab Johana, ichama? Koarogen Petero amu kamwachi ne bo somok, kolenji, Ichama? Ak kolenji, Kiptaiyandani, ingen tuguk tugul; ingen ile achamin. Kolenji Jesu inendet, Bai kechirekyuk.

POISYONIGAP CHE KIYOKTOI 1:18

Ak kinyor chichi mbaret eng’ melektab tengektanyi; ak kingobut kosieb mo, kobetak moet, komong’ agutanikyik tugul.

POISYONIGAP CHE KIYOKTOI 1:24

Ak kisa, kole, Inye, Kiptaiyat, ne ingen mugulelwekab bik tugul, iboruech eng’ bichu aeng’, ne kailewen,

POISYONIGAP CHE KIYOKTOI 15:8

Ak kibaorianji ichek Jehovah ne ingen mugulelwekab bik, kogochi ichek Tamirmiriet ne Tilil, ko u ye kigonech;

ROMANIK 3:20

amu mami chi ne kiityin imanda eng’ tainnyi eng’ boisionikab Ng’atutiet: amu bunu naetab tengekto Ng’atutiet.

ROMANIK 8:27

ak inendet ne isiachi mugulelwek kongen kit ne ibwati Tamirmiriet, amu saei agobo bik che tililen ko u magetab Jehovah.

1 KORINTOEK 4:5

Noto anyun amat oruokyi kiy kotom koit betut, agoi konyo Kiptaiyat, ne tun ng’anyei tuguk che ung’otin che bo mesundeito, ak kobarta kabwatutik che bo mugulelwek; si konyor chi age tugul anyun kalosunennyi eng’ Jehovah.

1 PETERO 3:4

ago ingoek chito ne ung’at ne bo muguleldo, eng’ lelesta ne ma ng’emaksei ne bo tamirmiriet, ne tala ak kosisei, ne eng’ taitab Jehovah ko bo kamanutiet ne o.

1 PETERO 5:5

Ko u noto ak okwek che o mengechen, ogas it boisiek. Ee, ogermenge okwek tugul eng’ kaming’inetab ge si kobiit oboisiechige okwege eng’ okwege: amu kirindoi Jehovah menotik, ak kogochin mieindo che iming’inegei.

NG'ANG'UTYET 2:23

Ak abare lagokyik meet; ak konai kanisosiek tugul kole anendet ne isiachi kabwatutik ak mugulelwek: ak agochini age tugul eng’ okwek ko u boisionikwok.

1 SAMUEL 16:7

Ago kilenji Jehovah Samuel, Amat igeer togennyi, anan ko koindab tononennyi; amu kaesie inendet: amu mageerei Jehovah ko u ye keerei bik; amu keerei bik itonda, ago keerei Jehovah muguleldo.