LUKA 15:20 - BUKUIT NE TILIL

²⁰ King’eet anyun kwo oldab kwandanyi. Ago, ye kita komi ole loo, kogeer inendet kwandanyi, ak korire inendet, ak kilabat kwo kosuub kaatit, ak kong’utut.

Bukuit Ne Tilil

²⁰ Ki ng'eet anyun kwo kapkwandanyi. Ago, ye kita komi ole loo, kogeer ineendet kwandanyi, ak koriiree ineendet, ak kilabat kwo kosuup kaatit, ak kong'utut.

BUKUIT NE TILIIL Sireet ne Dutero Kanon

²⁰ Ki ng'eet anyun kwo kapkwandanyi. Ago, ye kita komi ole loo, kogeer ineendet kwandanyi, ak koriiree ineendet, ak kilabat kwo kosuup kaatit, ak kong'utut.

LUKA 15:20 ပူးပေါင်းရင်းမြစ်များ

TAUNET 33:4

Ak kilabat Esau kotorokta, ak konam koue eut, kosuub kaatinnyi, kong’utut: ak koririo.

TAUNET 45:14

Ak kisuub kaatitab ng’etab kamet Benjamin, ak kirir; ak kirir Benjamin agine komi kaatitab Josep.

TAUNET 46:29

Kichob anyun Josep karinnyi, ak kwo kotorokta kwandanyi Israel agoi Gosen; ak kiiborjigei Josep, ak kotoroigei, ak korir eng’ kaatinnyi konyil ak konyil.

2 SAMUEL 14:33

Kinyo anyun Joab oldab laitoriat, ak komwachi: ak kingo kageguur Absalom, konyo anyun oldab laitoriat, ak kong’uruk kot kotiiny toget ng’ony eng’ taitab laitoriat: ak king’utut laitoriat Absalom.

TIENWOGIKAL 86:15

Ago inye, ee Kiptaiyat, ko i Kamuktaindet ne nyiitat rirenet ak ko bo mieindo, Ne masib konerechi, ne tinyei chang’indab rirenetab ge ak imanit.

TIENWOGIKAL 86:5

Amu i mie inye Kiptaiyat, ak i chobot inyochi kaat, Ak itinye chang’indab rirenetab ge eng’ ichek che kuurin.

ISAIAH 49:15

Tos imuchi kwondo koutie lakwennyi ne chuchuni, kot ko marire werit ne kisichei? Ee, imuchi chuto koutie, ago mautienen.

ISAIAH 57:18

Kiageer ortinwekyik, ak asoobi inendet: andochini kogeny, ak aweekyi inendet kagaigaosiek koboto bikyik che rirtos.

JEREMIA 31:20

Tos werinnyu ne achame, Epraim? Tos inendet ko lakwet ne kiboiboitune? Amu ye ang’alali kotugul arenye inendet, abwati inendet mising’ kora: iima moennyu amu inendet; arire inendet iman, mwaei Jehovah.

HOSEA 11:8

Amuktoi ano ameten, inye Epraim? Amuktoi ano asorun, inye Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira mo.

LUKA 15:19

ma ko nyoljina kota keguurena wering’ung’: ingaek ko u age eng’ otwogiguk.

LUKA 15:21

Ak kilenji werit, Baba, kiachalwogenji kipsengwet, ak kiachalwogen eng’ taing’ung’: ma ko nyoljina kota keguurena wering’ung’.

POISYONIGAP CHE KIYOKTOI 2:39

Amu neng’wong’ kayomisoni, ak lagokwok, ak tugul che mi ole loo, ak tugul che ta koguurei Kiptaiyat Jehovah nenyo kobwanji inendet.

POISYONIGAP CHE KIYOKTOI 20:37

Ak kiririo ichek tugul mising’, ak kosuub kaatitab Paulo, ak kong’utut inendet,

EPESOEK 2:13

Ago nguno eng’ Kristo Jesu okwek che kio looen eng’ betusiek alak, ko kagegonok origu eng’ korotikab Kristo.

EPESOEK 2:17

Ak kinyo koamwok kalyet okwek che kio looen, ak kalyet eng’ ichek che ki negiten: