LUKA 14:13 - BUKUIT NE TILIL

¹³ Ago ye ichob igorta, iguur kibananok, ak che bo mugungon, ak che ing’waldos, ak che koriotin:

Bukuit Ne Tilil

¹³ Ago ye ichop igoorto, iguur kibananook, ak che po mugungon, ak che ing'waldos, ak che koryotiin:

BUKUIT NE TILIIL Sireet ne Dutero Kanon

¹³ Ago ye ichop igoorto, iguur kibananook, ak che po mugungon, ak che ing'waldos, ak che koryotiin:

LUKA 14:13 ပူးပေါင်းရင်းမြစ်များ

2 SAMUEL 6:19

Ak kipchechi bik tugul eng’ tuiyet tugul ne bo Israel, murenik ak kwonyik, kogochi chi age tugul makatiat, ak bendo, ak makatiatab sabibuk che yaamnyotin. Kiba anyun bik tugul kwo chi tugul gonnyi.

2 ATEPTAP PEETUUSYEK 30:24

Amu kiigochi Hesekia laitoriatab Juda tuiyet kirugik elfut ak kechirek elfusiek tisab, koek kagochinoik; ak kiigochi bounik tuiyet kirugik elfut ak kechirek elfusiek taman; ak kiianyinygei tisiik che chang’ kot.

NEEMIA 8:10

Yeityo kolenji ichek, Oba, oam che akwaen, ak oee che anyiny, ak oyokyi kebeberwek inendet ne ma kichopchi kiy; amu tilil betuni eng’ Kiptaiyandennyo; amoarogense, amu kimnateng’wong’ boiboiyetab Jehovah.

NEEMIA 8:12

Ak kiba bik tugul koamis, ak koee, ak koyokto kebeberwek, ak koboiboitu mising’ amu kiga koguiyo ng’alek che kiga kimwachi ichek.

Kitabuutap JOB 29:13

Kinyonja kaberuretab inendet ne kimachei kolus: Ak kiagochi muguleldab mosoget kotien eng’ boiboiyet.

KALEWANAIK 14:31

Iteweri Yaindennyi ne usei kibananiat; Ago konyiti Yaindennyi inendet ne rire ne matinyei kiy.

KALEWANAIK 22:9

Kiberuri ne tinyei kondab aiyebindo; Amu igochin amitwogikyik kibananiat.

ISAIAH 58:10

ak ngot irire che amei rubo, ak ibai kobiyo sobondo ne kinyalili: kochor anyun lapkeiyeng’ung’ eng’ mesundeito, ak koigei bet kwen mesundeitang’ung’.

ISAIAH 58:7

Tos ma kebae amitwogiguk che amei rubet, ak imutu kibananok che kigetimda, kobwa gong’ung’? Ye igeer ne mi ach ngor, ituch; ameung’ege bik che bo oreng’ung’?

MATAYO 15:30

Ak kibwanji inendet tuiyosiek che eechen, komutu solomonik, ak che koriotin, che namotin kut, che bo mugungon; ak alak che chang’, ak konde ole bo kelyekyik; ak kiisob ichek:

MATAYO 22:10

Kiba anyun otwogichoto ortinwek, ak koyum tugul che kinyor, che yaach koboto che miach: ak kinyi toek gotab katunisiet.

LUKA 11:41

Ogoite kagochinoik che bo tuguk che mi orit; ak ogeero, tililitu tuguk tugul eng’ okwek.

LUKA 14:12

Kimwachi anyun chichoto kiga kuurso agine, kolenji, Ye ichob amitwogik che bo bet anan che bo koskoleny, ko mat iguur choronoguk, anan che otupche, anan tilionutiguk, anan magorek che bo kokwet; abere tos kuurin agichek, ak koweegun cheguk.

LUKA 14:14

si kiberurin; amu matinyei icheget che weegun: amu tun kiweegun eng’ ng’eetyetab che bo iman.

LUKA 14:21

Konyo anyun otwogindonoto, ak kotetyi kiptaiyandennyi ng’alechuto tugul. Konerech anyun chitab kobo got, ak kolenji otwogindennyi, Ui chakte ortinwek che eechen ak che mengechen che bo nganaset, ak imutu yu kibananok, ak che bo mugungon ak che koriotin ak che ing’waldos.

POISYONIGAP CHE KIYOKTOI 9:39

Kong’eet anyun Petero ak koba ak ichek. Ak kingo kagoit, komut inendet kwo got ne bo barak: ak kitonondos mosogik tugul korirtos eng’ ye negit inendet, ak koborji sumotik ak ngoroik che kinabei Dorkas, ye kita komi koboto ichek.

NG'ATUTIK 14:29

si konyo Lawindet amu matinyei kebeberta anan borotet koboten, ak toondet, ak ne matinyei kwanda, ak mosok, choto mi kurgotiguk nyo koamis ak kobiyong’so; si koberurin Jehovah Kamuktaindeng’ung’ eng’ boisiet tugul ne bo euneguk.

NG'ATUTIK 16:11

ak ibaibaitu eng’ taitab Jehovah Kamuktaindeng’ung’, inye, ak wering’ung’, ak cheptang’ung’, ak otwogindeng’ung’ ne muren, ak otwogindeng’ung’ ne tie, ak Lawindet ne mi kurgotiguk, ak toondet, ak ne matinyei kwanda, ak mosoget, che mi koboten, eng’ ole leweni Jehovah Kamuktaindeng’ung’ kotebe kainennyi.

NG'ATUTIK 16:14

ak ibaibaitu eng’ igortang’ung’, inye, ak wering’ung’, ak cheptang’ung’, ak otwogeng’ung’ ne muren, ak otwogindeng’ung’ ne tie, ak Lawindet, ak toondet, ak ne matinyei kwanda, ak mosoget, che mi kurgotiguk.

1 TIMOTEO 3:2

Kanyolji anyun ribindet koek ne magigeerjin ng’olyo ne ma litit, manong’otiotab osotiot agenge, ne ribegei, ne litit ng’omnatet, ne tebyei komie, ne taachei toek, ne chepcheb konetis;

1 TIMOTEO 5:10

ne kimwaitae inendet boisionik che miach; ngo kigobai lagok, ngo kigotaach toek, ngo kigoun kelyekab che tililen, ngo kigotoret che nyalildos, ngo kigogiilgei eng’ boisiet age tugul ne mie.

TITO 1:8

ago ne taachei toek, ne chamei che miachen, ne bou kabwatutikyik, ne bo imanda, ne tilil, ne ribegei;

PILEMON 1:7

Amu kiatinye boiboiyet ne o ak kagaigaet eng’ chamnyeng’ung’, amu kigonyor kamuung’et mugulelwekab bik che tililen agobo inye, ne kitupche.

HEBRANIK 13:2

Amoutie oborji toek chamnyet: amu kigotaach alak malaikaisiek eng’ noto amaingen.