LUKA 13:35 - BUKUIT NE TILIL

³⁵ Ogeero, kagebagakwok gong’wong’ koek kipkubere: ak amwawok ale, Maogeera, agoi tun ole, Iberurot ne nyonei eng’ kainetab Kiptaiyat.

Bukuit Ne Tilil

³⁵ Ogeero, kagebagakwok koonng'wong' koek kipkuubere: ak amwaiwok ale, Maogeera, agoi tuun ole, ‘Iberuurot ne nyoonei eng' kainetap Kiptaiyat.’ ”

BUKUIT NE TILIIL Sireet ne Dutero Kanon

³⁵ Ogeero, kagebagakwok koonng'wong' koek kipkuubere: ak amwaiwok ale, Maogeera, agoi tuun ole, ‘Iberuurot ne nyoonei eng' kainetap Kiptaiyat.’ ”

LUKA 13:35 ပူးပေါင်းရင်းမြစ်များ

TIENWOGIKAL 118:26

Iberurot inendet ne nyonei eng’ kainetab Jehovah: Kagiberurok achek eng’ kaberuret ne bunu gotab Jehovah.

TIENWOGIKAL 69:25

Ingoguber ole menyei; Amat komeny chi emaisiekwak.

ISAIAH 52:7

Kororon ne tia eng’ tulonok, kelyekab inendet ne ibu logoiywek che miach, ne mwaitoi kalyet, ne ibu logoiywek che miach che bo mieindo, ne mwaitoi yetunet; ne mwachin Sion kolenjin, Laitorani Kamuktaindeng’ung’!

JEREMIA 22:5

Ago ngot ko mogas it ng’alechuto, ayosiechinige anyun, mwaei Jehovah, ale, egu goi karatia.

JEREMIA 35:17

mwaei anyun Jehovah, Kamuktaindet ne bo lugosiek, Kamuktaindetab Israel, ko u ni kole: Ogeero, aipchini Juda ak bik tugul che menyei Jerusalem, yaitiet tugul ne kiamwa agobo ichek: amu kiang’alalji, ago ma kas; ago kiaguur ichek, ago ma wol.

MIKAH 3:12

Kibati anyun Sion agobo okwek ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

SEKARIA 12:10

Ak arong’ji tamirmirietab mieindo ak ne bo somet gotab Daudi, ak bik che menyei Jerusalem, ak konyala ichek che kitoora: ak kotee agobo inendet ko u ye iteei chi agobo werinnyi ne kigii inegeik ak konyo ng’wanindo agobo inendet, ko u inendet ne mi eng’ ng’wanindo agobo taitanyi.

SEKARIA 14:2

Amu tun ayumi bororiosiek tugul kobokyi Jerusalem kobargei; ak kenam nganaset, ak keluul gorik, ak kesuub kwonyik: ak kimut kebebertab nganaset koek luulenik, ama kibarei bik che kang’et eng’ nganaset.

MATAYO 21:9

Ak kimwaoti eng’ kutit ne o tuiyosiek che kiindoe inendet, ak che kiisubi, kolen, Hosanna weritab Daudi: iberurot inendet ne nyonei eng’ kainetab Kiptaiyat; Hosanna eng’ ole toror mising’.

MATAYO 23:37

Ee Jerusalem, Jerusalem, ne barei maotik, ak kolage koik ichek che kigiyokyi! Kiamach konyil ata ayum lagoguk, agot ko u ye iyumi ngogiet arekyik eng’ kebebaikyik, ago ma ocham!

LUKA 19:41

Ak kingorik, kogeer nganaset ak korirji,

LUKA 21:24

Ak kobutyo ichek eng’ ng’atibindab rotwetab chok, ak kimut luulenik koba bororiosiek tugul: ak kotiech Bororiosiek Jerusalem, agoi kosulda betusiekab Bororiosiek.

JOHANA 12:13

konam temenik che bo sosik, ak koba kotorokta inendet, ak komwa eng’ kutit ne o kole, Hosanna: Iberurot inendet ne nyonei eng’ kainetab Kiptaiyat, noto Laitoriatab Israel.