LUKA 13:34 - BUKUIT NE TILIL

³⁴ Ee, Jerusalem, Jerusalem, inye ne ibare maotik, ak ilage koik che kiyogun! Kiamach konyil ata ayum lagoguk, ko u ngogiet ne iyumjin arekyik kebebaikyik, ago kima ocham!

Bukuit Ne Tilil

³⁴ “Ee, Jerusalem, Jerusalem, inyee ne ibare maotik, ak ilage koik che kiyogun! Ki amach konyil ata ayum lagoguk, ko uu ngokyet ne iyumjin aarekyik kebebaikyik, ago ki ma ocham!

BUKUIT NE TILIIL Sireet ne Dutero Kanon

³⁴ “Ee, Jerusalem, Jerusalem, inyee ne ibare maotik, ak ilage koik che kiyogun! Ki amach konyil ata ayum lagoguk, ko uu ngokyet ne iyumjin aarekyik kebebaikyik, ago ki ma ocham!

LUKA 13:34 ပူးပေါင်းရင်းမြစ်များ

NEEMIA 9:26

Ago ma kas it, ak kongeleljin, ak kiwirta Ng’atutiguk kotuktochi batai, ak kobar maotiguk che kibaorianji ichek, kole koweech ichek kobwanjin, ak koyai tagisiosiek che eechen.

NEEMIA 9:30

Ago kiimuitochi ichek eng’ kenyisiek che chang’, ak kiibaorianji ichek eng’ Tamirmirieng’ung’ eng’ maotiguk: ago ma cham kogas: kiinde anyun ichek eunekab bikab emotinwek.

TIENWOGIKAL 149:2

Ingobaibait Israel eng’ yaindennyi: Ingogasgei lagokab Sion eng’ Laitoriandennywa.

TIENWOGIKAL 17:8

Riba ko u laptetab konda, Ung’ena uruetab kebebaiguk,

TIENWOGIKAL 36:7

Kararan ne tia chamnyeng’ung’ ne tala, ee Kamuktaindet! Mwechin anyun werikab bik uruetab kebebaiguk.

TIENWOGIKAL 57:1

Rirena, ee Kamuktaindet, rirena; Amu mwechinin sobondanyu: Ee, amwechini uruetab kebebaiguk, Agoi kosiirto nyalilwogichu.

TIENWOGIKAL 81:13

Bwa, nda kiga epcha it bikyuk, Ee, nda kiga cham Israel kobendate ortinwekyuk!

TIENWOGIKAL 91:4

Tugenen kororikyik, Ak inyoru ole imwechini eng’ kebebaikyik: Imandanyi ko long’et ak ne kiteektoegei.

ISAIAH 30:15

Amu komwa Kiptaiyat Jehovah, Inendet ne Tilil ne bo Israel, ko u ni kole, Kisoruok ye oweege ak omuuny; egu kimnateng’wong’ sisek ak kamang’unet: ago ma ocham.

ISAIAH 50:2

Kilya si mabiit chi ye kianyone? Kingaguurse ko ma biit chi ne wolu? Tos kigonwagit eunnyu kot ko maimuch kotiach? Anan matinyei kamuget ne asorune? Keero, atenyi nyanjet eng’ kergong’iennyu, ayae ainosiek koek ong’atet: boldos njirenikwak, ak kobek eng’ melelda, amu mami beek.

JEREMIA 2:30

Kiabir lagokwok buch; ma cham kotigonet: kigobar rotweng’ung’ bo chok maotikwok, ko u ng’etundo ne ng’emisiei.

JEREMIA 26:23

ak kiimut Uria eng’ Misri, komutyi Jeoiakim laitoriat, ne kibar inendet eng’ rotwetab chok, ak kowirji mustanyi kererisiekab bik che ma toogunotin.

JEREMIA 35:14

Kagosulda ng’alekab Jonadab weritab Rekab, che king’at werikyik, kolenji, Amoee divaik, ak tomo koee ichek agoi betuni, amu kase it ng’atutietab kwandanywa: ago kiang’alalwok, ang’eete karon mising’ ak ang’alali, ago ma oepcha it.

JEREMIA 35:17

mwaei anyun Jehovah, Kamuktaindet ne bo lugosiek, Kamuktaindetab Israel, ko u ni kole: Ogeero, aipchini Juda ak bik tugul che menyei Jerusalem, yaitiet tugul ne kiamwa agobo ichek: amu kiang’alalji, ago ma kas; ago kiaguur ichek, ago ma wol.

JEREMIA 6:16

Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

RIREKAB JEREMIA 1:16

Arire anyun agobo tuguchuto; saitoi beekab kong’ eng’ konyekyuk; Amu loo eng’ ane kagaigaindet ne kata isoobi sobondanyu: Kigoek lagokyuk kibananok, amu kigoterteris bunyot.

RIREKAB JEREMIA 4:13

Kibiit ko u nito amu tengekwogikab maotikyik, ak yaitwogikab tisiikyik, Che kitumda korotikab bik che bo iman eng’ kwenunnyi.

HOSEA 11:2

Kingoguur ichek bichoto, kotes koistoegei: kieng’ji Baalik, ak kibeelji nyamdutik kanamonik che kigiwai.

HOSEA 11:7

Kagobegechi bikyuk kochuchuigei kometa: agot ngo kuurso ichek koguurji ichek inendet ne mi barak, ko mabiitu ne itorori inendet.

JOEL 2:23

Ogasge anyun, okwek lagokab Sion, ak oboiboitu eng’ Jehovah Kamuktaindeng’wong’: amu konok ropta ne bo tai ko u ye nyolu, ak konu ropta korobonjok, ropta ne bo tai ak ne bo let, ko u eng’ tai.

SEKARIA 1:4

Amoige kwanisiekwok, che kiga ititenji maotik che bo tai, kolenji, Mwaei Jehovah ne bo lugosiek ko u ni kole, Oweege anyun nguno omete ortinwekwok che yaach, ak boisionikwok che yaach: ago kima kas ichek, anan koepcha it, mwaei Jehovah.

MATAYO 22:3

ak kiiyokto otwogikyik koguur ichek che kiga kemwachi agobo igortab katunisiet: ak kima cham kobwa.

MATAYO 22:6

ko che king’et, konam otwogikyik, ak konyalil, ak kobar.

LUKA 15:28

Ago kinerech, ak kiesio kwo go: ak kimong’ sang’ kwandanyi, kogaigai.

LUKA 19:44

ak kowirjin ng’ony, ak lagoguk che mi oring’ung’; ama bagagun agot koita agenge ne mi baragutab age; amu kima inai betutab rutochineng’ung’.

LUKA 23:28

Ago kiweleljigei Jesu ichek kolenji, Tibikab Jerusalem, amoririe agobo ane, ago orirjige, ak lagokwok.

POISYONIGAP CHE KIYOKTOI 7:52

Ng’o eng’ maotik ne ma us kwanisiekwok? Ak kibar che kisib kobor nyonunetab Chito ne bo Imanda; ne kaoegu okwek nguno ng’wektoik ak rumik.

POISYONIGAP CHE KIYOKTOI 7:59

Kolach anyun Stepano, koguurei Kiptaiyat, kolen, Kiptaiyat Jesu, taach tamirmiriennyu.

POISYONIGAP CHE KIYOKTOI 8:1

Ak kichamei Saul agine meennyi. Ak king’eet betunoto usisiet ne o agobo kaniset ne kimi Jerusalem; ak kiyesta ichek tugul koyom emotinwekab Judea ak Samaria, kobate che kiyoktoi.

NG'ATUTIK 32:29

Nda ka ng’omen, ta konaei nito, Ak kobwat kagesunenywa!

NG'ATUTIK 5:29

Kata mie nda katinyei muguleldo ne u noto, si koiywea, ak korib kotugul ng’atutikyuk tugul, si komieit eng’ ichek, ak eng’ lagokwak agoi!

NG'ANG'UTYET 11:8

Ak tebyei muswekwak eng’ oretab nganaset ne o, ne kiguure eng’ tamirmiriet Sodom ak Misri, ole kiga kigartate Kiptaiyandenywa agine.

RUTH 2:12

Ingoyaagun Jehovah boisieng’ung’, ingogonin melekto ne nyiitat, Jehovah Kamuktaindetab Israel, ne kiinyo imwechi kebebaikyik.