LUKA 12:19 - BUKUIT NE TILIL

¹⁹ Si alenji sobondanyu, Sobondanyu, itinye tuguk che chang’ che miachen che konorotin che yamei kenyisiek che chang’; imuuny, amisie, eeise, ak ibaibaitu.

Bukuit Ne Tilil

¹⁹ Si aleenji saboondanyu, Saboondanyu, itinye tuguuk che chaang' che myachen che konorotiin che yamei kenyiisyek che chaang'; imuuny, amisye, eeise, ak ibaibaitu.’

BUKUIT NE TILIIL Sireet ne Dutero Kanon

¹⁹ Si aleenji saboondanyu, Saboondanyu, itinye tuguuk che chaang' che myachen che konorotiin che yamei kenyiisyek che chaang'; imuuny, amisye, eeise, ak ibaibaitu.’

LUKA 12:19 ပူးပေါင်းရင်းမြစ်များ

Kitabuutap JOB 14:1

Ng’ering’ betusiekab chi ne sichei kwondo, Ak ko chang’ nyalilwogikyik.

TIENWOGIKAL 49:18

Agot nga kiiberuri sobondanyi ye kita kosobei, Ak kolosun bik, ye iyachinigei ne mie,

TIENWOGIKAL 62:10

Amomang’u sastaet, Amomene rebisiet: Ngotesak magornatosiek, ko mat otiiege.

KALEWANAIK 10:2

Mami keluno konoraikab yaitiet: Ago soru imanda eng’ meet.

KALEWANAIK 14:24

Chepkuletab che ng’omen ko magornatosiekwak: Ago berberindab che berber ko berberindo kityo.

KALEWANAIK 18:11

Magornatetab magoriot ko nganasennyi ne kim, Ak u irimet ne koi eng’ kabwatutikyik.

KALEWANAIK 23:5

Tos igase miat kit ne mami? Amu yachingei magornatet kebebaik, Ko u ye tirireni kipsichit kotokyingei barak.

KALEWANAIK 27:1

Amechauge agobo mutai; Amu mengen kit ne biitu eng’ betut age tugul.

AMDOINDET 11:9

Ee, baibaitu murenoni, eng’ betusiekab ming’inateng’ung’; ak ingobaibain muguleldang’ung’ eng’ betusiekab ming’inateng’ung’, ak isub ortinwekab muguleldang’ung’, ak ko u ye igeere: ago nai ile, imutyinin Kamuktaindet kiruoget amu tuguchuto tugul.

AMDOINDET 2:24

Mami kit ne kaigai eng’ chito kosiir koamis ak koeeiso, ak kobaibae sobondanyi tuguk che miach eng’ birtoennyi bo ge. Kiageer kogeny ale bunu nito eutab Kamuktaindet.

ISAIAH 22:13

ak ogeero, boiboiyet ak kagasetab ge, eng’setab kechirek ak ne bo tuga, oame banyek ak oee divaik: ongeamisie ak keeise, amu kibegu mutai.

ISAIAH 5:11

Bwa eng’ ichek che ng’eetos karon mising’, kocheng’at maiywek; che eeisei agoi kemoi kwen, kot kobogityo mising’!

ISAIAH 5:8

Bwa eng’ ichek che ituitos gorik, ak mbarenik, kot ko ma komi boroindo, ak kebirjok omeny okwege kwenutab emet!

ISAIAH 56:12

Mwaei kole, Obwa, si aib divaik, si kee maiyek konyiiech; ak kergeitu betuni ak mutai; betut ne o, ne siirtoot.

HOSEA 12:8

Ak kimwa Epraim kole, Iman, kaaegu magoriot, kaanyoru magornatet: matun nyoru ichek yaitiet ne ki tengekto, eng’ boisionikyuk tugul.

AMOS 6:13

okwek che oboiboitune kit ne bo buch, che omwae ole, Tos ma kiib eng’ kimnatennyo kuinoik kobunjech?

HABAKUK 1:16

Eng’jin anyun regereiywondennyi ne kiname njirenik, ak kobeeljin nyamdutik regereiywondennyi ne o; amu nyorune choto tugukyik che miach, ak amitwogikyik che chang’.

LUKA 12:18

Ak kile, Ayae ko u ni: abute chogenikyuk, si ateech che eechen kosiir chu: si agonore bekyuk ak tugukyuk tugul che miach.

LUKA 16:19

Ak kimi chi anum ne ki magorio ne kiilaachi ngoroik che arusen ne birir, ak che bo katanit ne kararan, ak kibaibai betut age tugul, ak kotalbisi:

LUKA 21:34

Ago oripge anyun okwek, si manyi mugulelwekwok keiyandit, ak bogitet, ak kaiimutikab sobetab betusiechu, ak konyonjok betunoto kocheak ko u mestet:

1 KORINTOEK 15:32

Ngo kigibarge ak tiong’ik eng’ Epeso ko u biteetab bik, atinye borot nee anyun? Ngo kaga maging’eeti che begu, ongeamisie ak kee, amu kibegu mutai.

PILIPIK 3:19

ne kagesunenywa ko luset, ne cheptalelinywa ko moet, ne kalosunenywa ko tewernatenywa, che ibwati tugukab ng’ony.

1 TIMOTEO 5:6

Ago inendet ne suegei ko kagome agot ngo sobei.

1 TIMOTEO 6:17

Ng’at magorek che bo betusiechu, si mamenio, anan konde kamang’unenywa magornatosiek che matonondos, ago eng’ Jehovah inendet ne konech tuguk tugul eng’ aiyebindo si kobiit keboiboitune;

2 TIMOTEO 3:4

ng’wektoik, ngelelik, che ilosugei, che chamei ureriet kosiir koek che chamei Jehovah;

JAKOBO 5:5

Kiomeng’isie eng’ ng’ony eng’ kabaibaetab ge, ne kiobaibaege magutikwok; kiobai mugulelwekwok eng’ betutab eng’set.

1 PETERO 4:3

Amu kigoyam betusiek che kigosiirto kosulda magetab Bororiosiek, ye kiobendoti eng’ magutik che yaachen, ak kasetab miat, eetab maiyek, ak wasang’natet, ak saetab kanamonik che etei ng’atutik:

NG'ANG'UTYET 18:7

Ko u ye kiilosgei ak koser tugukyik, ogochi inendet ng’wanindo ak arogenet ko u noto: amu mwaei inendet eng’ muguleldanyi, kole, Atebye ko a laitoriat ne kwondo, ma a mosok, ak magoi ageer rirek.

1 SAMUEL 30:16

Ak kingo kagomut kochortagei, ogeero, kiga yom bichoto ola tugul eng’ emet, koamisiei ak koeeisei, ak kourerendos, amu barunenik che chang’ che kiga luul eng’ emetab Pilistik, ak eng’ emetab Juda.