LUKA 12:15 - BUKUIT NE TILIL

¹⁵ Ak kilenji ichek, Ogeer, ak oripge eng’ kasetab miat tugul: amu matebyei sobondab chi eng’ chang’indab tuguk che tinyei.

Bukuit Ne Tilil

¹⁵ Ak ki leenji icheek, Ogeer, ak oriipkei eng' kasetap myat tugul: amu ma tebyei saboondap chii eng' chaang'indap tuguuk che tinyei.

BUKUIT NE TILIIL Sireet ne Dutero Kanon

¹⁵ Ak ki leenji icheek, Ogeer, ak oriipkei eng' kasetap myat tugul: amu ma tebyei saboondap chii eng' chaang'indap tuguuk che tinyei.

LUKA 12:15 ပူးပေါင်းရင်းမြစ်များ

1 LAITORINIK 2:40

Ak king’eet Simei, ak koiito sigiriennyi, ak kwo Gat agoi oldab Akis, kocheng’ otwogikyik: ak kiwa Simei komut otwogikyik eng’ Got.

Kitabuutap JOB 2:4

Ak kiwolji Setani Jehovah kolenji, Kigeere iririot iririot, ee, igoitoi chito tugukyik tugul agobo sobondanyi.

TIENWOGIKAL 10:3

Amu ilosunegei kiptengekyot magetab muguleldanyi, Ak koberuri ne koi kong’, ak kosas Jehovah:

TIENWOGIKAL 37:16

Kaigai che ng’ering’ che tinyei ne bo imanda Kosiir chang’indab che bo kiptengeginik.

TIENWOGIKAL 62:10

Amomang’u sastaet, Amomene rebisiet: Ngotesak magornatosiek, ko mat otiiege.

KALEWANAIK 15:16

Kaigai tuguk che matia koboto kaiyweisiet ne kiywei Jehovah, Kosiir konoraik che chang’ koboto nyalilda.

KALEWANAIK 16:16

Kararan anyun ne tia kenyor ng’omnatet kosiir tahabu! Ee, kaigai kelewen naet kosiir feda.

KALEWANAIK 28:16

Usindet ne o agine bounindet ne matinyei kaguiyet: Ago inendet ne wechei kasetab miat kotesei betusiekyik.

JEREMIA 6:13

Amu koboch ne ming’in agoi ne o eng’ ichek, kotinyei age tugul kasetab miat; ak yaei age tugul kaberberisiet koboch maotiot agoi tisiindet.

EZEKIEL 33:31

Ak kobwanjin ko u ye bwanei bik, ak koteb ng’ony eng’ taing’ung’ ko u bikyuk, ak kogas ichek ng’aleguk, ago mayaei: amu ibortoi chamnyet ne o eng’ ng’alekwak, ago isubi mugulelwekwak kelunenywa.

MIKAH 2:2

Kasei miat mbarenik, ak koreb; koboto gorik, ak koib: ak kous chito koboto gonnyi, chito koboto tugukyik.

HABAKUK 2:9

Bwa inendet ne taachei kelunet ne ya agobo gonnyi, si kobiit koteech keswennyi eng’ ole toror, si kobiit kesor eng’ eutab yaitiet!

MARIKO 7:22

kasetab miat, yaitiet, ng’alset, maget ne ya, kong’ ne ya, ng’alek che yaach, menotet, ak berberindo:

LUKA 12:16

Ak kimwachi kalewenet kolenji, Kimi magoriot age ne kiga rur mbarennyi mising’:

LUKA 16:14

Ak kigas Parisaik tuguchuto tugul. Kichamei siling’isiek icheget, ak kororechi inendet.

LUKA 21:34

Ago oripge anyun okwek, si manyi mugulelwekwok keiyandit, ak bogitet, ak kaiimutikab sobetab betusiechu, ak konyonjok betunoto kocheak ko u mestet:

LUKA 8:14

Ak che kiibutyi katok, ko icheget che kigas, ak ye kaba kogiich kererwekab met ak magornatosiek, ak boiboiyetab tugukab soboni, ama iyo logoek che nyiitotin.

1 KORINTOEK 6:10

anan chorik, anan kipkeinik, anan kibogitinik, anan che chubisiei, anan rebik, che nyoru bounatetab Jehovah.

KOLOSAIK 3:5

Obar anyun kebeberwekwok che mitei ng’ony; sokset, simdo, magutik che samisen, maget ne ya, ak kasetab miat, noto saetab kanamonik;

2 TIMOTEO 3:2

Amu egu bik che chamegei ichegei, che chamei siling’isiek, che ichaugei, che mendos, che boisie chemereret, che ingeleljin sigikwak, che matinyei kongoi, che ma tililen,

HEBRANIK 13:5

Oegu che itiogotin eng’ chametab siling’isiek; ingoyamak tuguk che otinye: amu kigomwa inendet, kole, Magoi abagakten, magoi ameten.

JOSHUA 7:21

kingageer eng’ tuguk che kigiluul ngoriet ne kararan ne bo Babulon, ak sekelisiek bogol aeng’ che bo feda, ak tahabu ne u chamaniet ne nyigisindanyi ko sekelisiek konom, agase miat anyun, ak aib; ak ogeero, ung’otin tukchoto eng’ ng’ony, eng’ kwenutab emainnyu, ak tabanu ng’ony feda eng’ tukchoto.

2 PETERO 2:14

bik che tinyei konyek che nyiitotin ibetab ge, amaimuchi kometo tengekto; che ichuuti sobonwek che ma tononiotin; che tinyei mugulelwek che kigonetgei kasetab miat; lagokab chubet;

2 PETERO 2:3

Ak kocheng’jingei borotet eng’ okwek eng’ ng’alekab ng’alset amu kasenywa ne bo miat: che ma igaegei kiruogenywa koboch keny, ama ruei ng’emisienywa.