LUKA 11:42 - BUKUIT NE TILIL

⁴² Ago bwa okwek Parisaik! Amu ogoitoi kebebertab taman ne bo heduosmon ak ketik che mengech che ng’uu, ak che bo sogek alak tugul, ak ometoi kiruoget ak chamnyetab Jehovah: ago kita nyolu oyai chuto, amomete chun alak.

Bukuit Ne Tilil

⁴² Ago pwo eng' okweek Pharisaik! Amu ogoitoi kebebertap taman ne po heduosmon ak keetiik che mengech che ng'uu, ak che po sogeek alak tugul, ak ometoi kirwooget ak chamyetap Kamuktaindet: ago kita nyolu oyai chuuto, amomete chuun alak.

BUKUIT NE TILIIL Sireet ne Dutero Kanon

⁴² Ago pwo eng' okweek Pharisaik! Amu ogoitoi kebebertap taman ne po heduosmon ak keetiik che mengech che ng'uu, ak che po sogeek alak tugul, ak ometoi kirwooget ak chamyetap Kamuktaindet: ago kita nyolu oyai chuuto, amomete chuun alak.

LUKA 11:42 ပူးပေါင်းရင်းမြစ်များ

NEEMIA 10:37

ak keibu makatinik che tuonen che bo tongoanik, ak kagochinoikyok che kinamjin barak, ak logoekab ketik alak tugul, ak divaik, ak mwanik, kobwa ole mi tisiik, agoi gorik che bo orit che bo gotab Kamuktaindennyo; ak keipchi Lawik kebeberwekab taman che bo tugukab mbarenikyok; amu iyumi Lawik kebeberwekab taman che bo kabatisiennyo eng’ nganasok tugul.

KALEWANAIK 21:3

Keyaei iman ak kiruoget Ko taachaksei eng’ taitab Jehovah kosiir korosiot.

AMDOINDET 7:18

Mie inam komie nito; ee, ameistoe eung’ung’ ng’olyondoni agine; amu inendet ne iywei Kamuktaindet komong’une choto tugul.

MIKAH 6:8

Ee inye chi, kagoborun inendet kit ne mie; ak nee ne magenen Jehovah, kobate iyai imanda, ak icham rirenet, ak iwendote eng’ kaming’inetab ge koboto Kamuktaindeng’ung’?

MALAKI 1:6

Teechei werit kwandanyi, ak koteech otwogindet kiptaiyandennyi: ngot ko a kwanda anyun, ko mi ano teegistanyu? Ak ngot ko a kiptaiyat, komi ano kaiyweisiet ne kiywea? Mwawok Jehovah ne bo lugosiek, ee tisiik, che osase kainennyu. Ak omwae ole, Kigisas eng’ nee kaineng’ung’?

MALAKI 2:17

Kooiim Jehovah eng’ ng’alekwok. Ago omwae ole, Kigiime nee? Amu omwae ole, Mie age tugul eng’ taitab Jehovah ne yaei yaitiet ak koboiboitune bichoto: anan mi ano Kamuktaindet ne bo kiruoget?

MALAKI 3:8

Tos chorei chi Kamuktaindet? Ago ochora. Ago omwae ole, Kigichorten ano? Kiochor kebeberwekab taman ak kagochinoik.

MATAYO 23:13

Ago bwa okwek, sirik ak Parisaik, chombilik! Amu ogere bik bounatetab kipsengwet: amu moite okweget oloto, amochamjini che machei koit oloto, koba.

MATAYO 23:23

Bwa okwek, sirik ak Parisaik, chombilik! Amu ogoitoi kebebertab taman ne bo heduosmon ak bisalik ak kamon, amoyae ng’alek che eechen che bo Ng’atutik, choto ko kiruoget, ak rirenetab ge, ak kayanet; ago kanyoljinok oyai chuto, amobagach chun alak.

MATAYO 23:27

Bwa okwek, sirik ak Parisaik, chombilik! Amu o kerge ak kererisiek che kigesal koleelagitu, che kororon iman barak eng’ keeret, ago nyiitotin orit kowek che bo bik che kigobek, ak muruonindo tugul.

LUKA 18:12

Arugutige konyil aeng’ eng’ wigit; agoitoi kebeberta ne bo taman eng’ tuguk tugul che anyoru.

JOHANA 5:42

Ago angenok ale motinye chamnyetab Jehovah eng’ oring’wong’.

1 JOHANA 4:20

Ngot komwa chi kole, Achame Jehovah, ago wechei ne tupcho, ko kiplembechwa: amu inendet ne machamei ne tupcho ne kigogeer, ko maimuchi kocham Jehovah ne tomo kogeer.

1 SAMUEL 15:22

Ak kimwa Samuel kole, Tos, ting’e Jehovah boiboiyet ne o kagochinoik che kibeelei ak tiseiywek, ko u ye ting’e kasetab it ne bo ng’olyotab Jehovah? Keero, siirei kasetab it tiseiywek, ak siirei kasetab it mwanikab mengichik.