LUKA 11:31 - BUKUIT NE TILIL

³¹ Tun ng’eetei laitoriat kobogoriot ne bo murot ne bo tai eng’ kiruoget koboto bikab ibini, ak koruokyi ichek: amu kibun tabanwekab emet konyo kogas ng’omnatetab Solomon; ak ogeero, mitei yu ne o kosiir Solomon.

Bukuit Ne Tilil

³¹ Tuun ng'eetei laitoryat kobogoryot ne po murot tai eng' kirwooget kobooto piigap ibini, ak korwookyi icheek: amu ki pun tabanwegap emet konyo kogas utaatyetap Solomon; ak ogeero, miitei yu ne oo kosiir Solomon.

BUKUIT NE TILIIL Sireet ne Dutero Kanon

³¹ Tuun ng'eetei laitoryat kobogoryot ne po murot tai eng' kirwooget kobooto piigap ibini, ak korwookyi icheek: amu ki pun tabanwegap emet konyo kogas utaatyetap Solomon; ak ogeero, miitei yu ne oo kosiir Solomon.

LUKA 11:31 ပူးပေါင်းရင်းမြစ်များ

2 ATEPTAP PEETUUSYEK 9:1

Ak kingogas laitoriatab Sheba, ne ki kwondo, kalosunetab Solomon, konyo Jerusalem koboto bik che chang’, ak tambesik che ibei tuguk che ng’uu ne anyiny, ak tahabusiek che chang’, ak koik che bo kamanutiet ne o, konyo kotiem Solomon eng’ teebutik che uuen: ak kingoit ole mi Solomon, kong’alal ak inendet agobo tuguk tugul che kimi muguleldanyi.

ISAIAH 54:17

Magiberuri karnet age tugul ne kiyaei si kogirinden; ak igikyini ng’elyepta age tugul ne kirindoin eng’ kiruoget. Nito borotetab otwogikab Jehovah, ak imandanywa ne bunwa, mwaei Jehovah.

JEREMIA 3:11

Kimwawa Jehovah kolenja, Kiibartagei Israel ne kigogetyigei let kole bo iman kosiir Juda kaberberindet.

MATAYO 12:42

Ng’eetei tun laitoriat kobogoriot ne bo murot komostab tai koboto ibini eng’ kiruoget, ak kogikyi: amu kibun tabanwekab ng’ony si kogas ng’omnatetab Solomon; ak ogeero, mi yu ne o kosiir Solomon.

LUKA 3:22

ak kochorjigei inendet Tamirmiriet ne Tilil, eng’ kergeindab cheptuget, ak komong’une kutit kipsengwet kole, Inyendet ko i Werinnyu, chamanennyu; abaibai mising’ eng’ inye.

LUKA 9:35

Ak kimong’ kutit eng’ boldet, ak kole, Ni Werinnyu, ne kialewen: ogas inendet.

ROMANIK 2:27

Ak tos matun iruogun inendet ne ma kimuratan eng’ atebennyi, ngot koyai Ng’atutiet kosulda, inyendet ne i butindetab Ng’atutiet ak itinye ng’atutik che sirotin ak kamuratanet?

HEBRANIK 11:7

Kiyai Noa melit eng’ kayanet, kot kosor gonnyi, ye kingo kagiteechi agobo tuguk che kitomo kegeer, amu kiiywei Jehovah; kiiruokyine anyun ng’ony noto, ak kiek ne kinam imanda ne biitu eng’ kayanet.