LUKA 11:2 - BUKUIT NE TILIL

² Ak kilenji ichek, Ye osae, omwa ole, Kwandanyo, ingotililit kaineng’ung’. Ingonyo bounateng’ung’. [Ingoyaak mageng’ung’ ko u eng’ kipsengwet, ko u noto eng’ ng’ony.]

Bukuit Ne Tilil

² Ak ki leenji icheek, “Ye osaae, omwa ole, ‘Kwandanyo, ingoloosunok kaineng'ung'. Ingonyo laitornateng'ung'.

BUKUIT NE TILIIL Sireet ne Dutero Kanon

² Ak ki leenji icheek, “Ye osaae, omwa ole, ‘Kwandanyo, ingoloosunok kaineng'ung'. Ingonyo laitornateng'ung'.

LUKA 11:2 ပူးပေါင်းရင်းမြစ်များ

1 LAITORINIK 8:43

igas eng’ kipsengwet oldang’ung’ ole imenye, ak iyai ko u tuguk tugul che kaguurjin chichoto bo bororiosiek; si kobiit konai kaineng’ung’ bik tugul che bo ng’ony, koiywein, ko u ye iywein biguk Israel, ak si kobiit konai kole goi kiateech kemwaitoe kaineng’ung’.

2 LAITORINIK 19:19

Ara anyun, ee Jehovah Kamuktaindennyo, asain ale soruech eng’ eunnyi, si konai bounatosiek tugul che bo ng’ony kole i Jehovah Kamuktaindet, inye inyege.

2 ATEPTAP PEETUUSYEK 20:6

ak kile, Ee Jehovah, Kamuktaindetab kwanisiekyok, tos ma i Kamuktaindet eng’ kipsengwet? Ak tos ma i bounindet ne bou bounatosiek tugul che bo bororiosiek? Ak mi eung’ung’ kimnatet ak kamuktaet, ne mami ne imuchi kogirinden.

TIENWOGIKAL 103:20

Olosu Jehovah, okwek malaikaisiekyik: Okwek che o kimen eng’ kamuktaet, che osuldoi ng’olyondennyi, Che oepchini it tugetab ng’olyondennyi.

TIENWOGIKAL 108:5

Tororitu, ee Kamuktaindet, isiir kipsengwetisiek: Ak ingotororit torornateng’ung’ kosiir ng’ony komugul.

TIENWOGIKAL 11:4

Mitei Jehovah hekalunnyi ne tilil, Mitei kipsengwet ng’echeretab laitornatet ne bo Jehovah; Keerei konyekyik, tiemei iririotab konyekyik werikab bik.

TIENWOGIKAL 57:11

Tororitu, ee Kamuktaindet, isiir kipsengwetisiek, Ingoeet teegistang’ung’ eng’ ng’ony komugul.

AMDOINDET 5:2

Amat kosartae kuting’ung’, ak amat kosartae muguleldang’ung’ komwa kiy age tugul eng’ taitab Kamuktaindet; amu mi Kamuktaindet kipsengwet, ak imi ng’ony: ingong’ering’itu anyun ng’aleguk.

ISAIAH 63:16

Amu i kwandanyo, agot ngo maingenech Abraham, ama naech Israel; ee, Jehovah, inye ko i kwandanyo; kaineng’ung’ ko katiagindennyo koboch keny.

EZEKIEL 36:23

Ak ataban kainennyu ne o ne kigimuruon eng’ kwenunywa; si konai bororiosiek kole a Jehovah, mwaei Kiptaiyat Jehovah, ye aegu ne kitabanat eng’ okwek eng’ tainywa.

DANIEL 2:28

ago mi Kamuktaindet kipsengwet ne ng’anyei ung’otik, ak kagoborji inendet laitoriat Nebukadnesar tuguk che tun biitu eng’ betusiek che bo let. Karuotitoeng’ung’ ak ng’ang’utik che kibwa meting’ung’ eng’ itogung’ung’ ko chu:

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 7:18

Ago tun taachei bounatet bik che tililen che bo Inendet ne Toror Mising’, ak konam bounatet kobunji ichek koigeny ak koigeny.

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

HOSEA 14:2

Ib ng’alek, ak iweekyige Jehovah: ilenji inendet: Iste tengekwogik tugul, ak itaach che miach: kigoitoi anyun kagochinetab kutuswekyok ne kata kigoitoi kirugik.

ATEPTAP LAWIK 10:3

Kilenji Musa anyun Aron, Ni kit ne kimwa Jehovah, kole, Aegu ne tilil eng’ ichek che rikyina, ak anyoru torornatet eng’ taitab bik tugul. Ak kisis Aron.

ATEPTAP LAWIK 22:23

Imuchi igoite koek kagochinetab chamnyet kirgit anan aruetab kechir ne tinyei tuguk che u kunduenik, anan kebeberta ne mami eng’ bortanyi; ago magitaachei ngo bo kit ne kigiaror.

HABAKUK 2:14

Amu nyiiei ng’ony naetab torornatetab Jehovah, ko u ye nyiiei beek nyanjet.

MATAYO 10:32

Noto anyun age tugul ne ibortoa eng’ taitab bik, abortoi agine eng’ taitab Baba ne mi kipsengwet.

MATAYO 3:2

kolen, Osigu; amu kagorik bounatetab kipsengwet.

MATAYO 5:16

Ongoluu lapkeiyeng’wong’ ko u noto eng’ taitab bik, si komuch kogeer boisionikwok che miach, si kolos Kwandang’wong’ ne mi kipsengwet.

LUKA 11:1

Ak ye kita kosaei eng’ oldo age, ak kingoges, kolenji age eng’ alamalyennyi, Kiptaiyandani, inetech kesa, ko u ye kiineti Johana alamalyennyi.

ROMANIK 1:7

eng’ okwek tugul che omite Rom, chamanikab Jehovah, che kigiguur koek che tililen: Ingoteb kobotok mieindo ak kalyet ne bunu Jehovah Kwandanyo ak Kiptaiyat Jesu Kristo.

ROMANIK 8:15

Amu kima otaach kogeny tamirmirietab otwoknot ne konok oiyweisie; ago kiotaach tamirmiriet ne kigiyaenak oegu lagok, eng’ noto anyun kerire kele, Aba, Kwanda.

1 KORINTOEK 1:3

Ingoteb kobotok mieindo ak kalyet ne bunu Jehovah Kwandanyo ak Kiptaiyat Jesu Kristo.

2 KORINTOEK 1:2

Ingoteb kobotok mieindo ak kalyet ne bunu Jehovah Kwandanyo ak Kiptaiyat Jesu Kristo.

GALATYEK 1:4

ne kiigoitogei agobo tengekwogikyok, si kobiit kosoruech eng’ betusiechu yaachen, ko u magetab Jehovah nenyo ak ko Kwandanyo:

EPESOEK 1:2

Ingoteb mieindo kobotok ak kalyet che bunu Jehovah Kwandanyo ak Kiptaiyat Jesu Kristo.

PILIPIK 1:2

Ingoteb mieindo kobotok ak kalyet che bunu Jehovah Kwandanyo ak Kiptaiyat Jesu Kristo.

PILIPIK 4:20

Nguno anyun ingobunji Jehovah nenyo, inendet Kwandanyo, torornatet koigeny ak koigeny. Amen.

KOLOSAIK 1:2

kisirjini che tililen che kitupche che iyanotin eng’ Kristo, che mi Kolosai: Ingotebi kobotok mieindo ak kalyet che bunu Jehovah Kwandanyo.

1 THESSALONIKEK 1:1

Paulo, ak Silbano, ak Timoteo, kisirjini kanisetab Tesalonikek eng’ Jehovah Kwanda ak Kiptaiyat Jesu Kristo: Ingoteb kobotok mieindo ak kalyet.

1 THESSALONIKEK 1:3

kibwati ne magisise, boisieng’wong’ ne bo kayanet ak boisiet ne uui ne bo chamnyet ak muitaetab kamang’unet eng’ Kiptaiyandennyo Jesu Kristo, eng’ taitab Jehovah nenyo ak ko Kwanda;

2 THESSALONIKEK 2:16

Nguno anyun, ingogaigai Kiptaiyandennyo Jesu Kristo, ak Jehovah Kwandanyo ne kichamech ak kogonech kagaigaet ne bo koigeny ak kamang’unet ne mie eng’ mieindo,

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 15:4

Ng’o ne maiywei kaineng’ung’, ak kotorori, ee Kiptaiyat? Amu i tilil inyege; amu bwanei bororiosiek tugul kogutung’so eng’ taing’ung’; amu kagong’ang’ak boisioniguk che bo imanda.

NG'ANG'UTYET 19:6

Ak kiagas kit ne u kutitab tuiyet ne o, ak ko u cheetab beek che chang’, ak ko u cheetab tulosiek che kimen, kole, Haleluya: amu laitorani Kiptaiyat Jehovah nenyo, Kamuktaindet.

NG'ANG'UTYET 20:4

Ak kiageer ng’echerokab laitornatet, ak kitebe ichek, ak kigigochi ichek koruoch: ak kiageer sobonwekab ichek che kigitil metowek amu baornatetab Jesu, ak agobo ng’olyotab Jehovah, ak ichek che kima kolosu tiondo, anan kanamwennyi, ak che kimanyor berutiet eng’ togochikwak anan eng’ eunekwak; ak kisopcho ak kolaitoran koboto Kristo kenyisiek elfut.