LUKA 11:15 - BUKUIT NE TILIL

¹⁵ Ago kile alak, Onei oik eng’ Beelsebul, laitoriat ne bo oik.

Bukuit Ne Tilil

¹⁵ Ago ki le alak, Oone oik eng' Beelsebul, laitoryat ne po oik.

BUKUIT NE TILIIL Sireet ne Dutero Kanon

¹⁵ Ago ki le alak, Oone oik eng' Beelsebul, laitoryat ne po oik.

LUKA 11:15 ပူးပေါင်းရင်းမြစ်များ

MATAYO 10:25

Yamei koteb ne kineti ko u konetindennyi, ak kotebi otwogindet ko u kiptaiyandennyi. Ak ngo kuure ichek Beelsebul chitab kobo got, kotam nee ichek che bo gonnyi!

MATAYO 12:22

Kigimutyi anyun chito ne kitinyei oindet, ne korat ak ko namat kut: ak kiisoob inendet, kot kong’alal ak kogeerto chito ne namat kut.

MATAYO 4:24

Ak kiyesta ng’alek agobo inendet eng’ Suria komugul, ak kigimutyi inendet bik tugul che miandos, che kinam korotwek ak ng’woninwek che terotin, ak che kitinyei oik, ak che kitanuitos, ak che ki meiyotin borwek; ak kiisoob ichek.

MATAYO 9:34

Ago kimwa Parisaik, kole, Onei oik eng’ ne o ne bo oik.

JOHANA 10:20

Ak kile che chang’ eng’ ichek, Tinyei oindet, ak koamei iywek; kalya si ogas inendet?

JOHANA 7:20

Kowol tuiyet, kole, Itinye oindet: cheng’ei ng’o kobarin?

JOHANA 8:48

Kowolji anyun Yahudik kolenji, Magimwae achek iman kele, I Samarindet, ak itinye oindet?

JOHANA 8:52

Kolenji anyun Yahudik, Kingen nguno kele itinye oindet. Kigome Abraham, ak kigobek maotik; ak imwae ile, Ngo rib chi ng’olyondennyu, ko machamjami meet agoi.