LUKA 11:13 - BUKUIT NE TILIL

¹³ Ngongen okwek che o yaach ogochi lagokwok tuguk che miach, siirei anyun ne tia kagoitoet ne igochin Kwandang’wong’ ne mi kipsengwet Tamirmiriet ne Tilil ichek che somei inendet!

Bukuit Ne Tilil

¹³ Ngo ngen okweek che oo yaach ogoochi lagokwok tuguuk che myach, siirei anyun ne tya kagoitoet ne igoochin Kwandang'wong' ne mi kipsengwet Kabuuset ne Tiliil icheek che soomei ineendet!”

BUKUIT NE TILIIL Sireet ne Dutero Kanon

¹³ Ngo ngen okweek che oo yaach ogoochi lagokwok tuguuk che myach, siirei anyun ne tya kagoitoet ne igoochin Kwandang'wong' ne mi kipsengwet Kabuuset ne Tiliil icheek che soomei ineendet!”

LUKA 11:13 ပူးပေါင်းရင်းမြစ်များ

TAUNET 8:21

Ak king’uuchi Jehovah anyinyindo ne bo nyamdutik; ak kole Jehovah eng’ muguleldanyi, Ma achube ng’ony kogeny agobo chi, amu yaachen kabwatutikab muguleldab chi koboch koming’in; ak ma abare kogeny agoi, tuguk tugul che soptos, ko u ye kiayai.

TIENWOGIKAL 51:5

Keero, kigisikta tengekto; Ak kimanakta kamennyu chalwok.

KALEWANAIK 1:23

Oweege eng’ kateunennyu, Ogeero, arong’wok tamirmiriennyu, Ang’ang’wok ng’alekyuk.

ISAIAH 49:15

Tos imuchi kwondo koutie lakwennyi ne chuchuni, kot ko marire werit ne kisichei? Ee, imuchi chuto koutie, ago mautienen.

EZEKIEL 36:27

Ak andeok Tamirmiriennyu, ak agonok obendate ng’atutikyuk, ak orib kiruogutikyuk ak oyai.

JOEL 2:28

Ak ye ibata choto, ko tun arong’jini Tamirmiriennyu bik tugul; ak komaoten werikwok ak tibikwok, iruotyin boisiekwok karuotitaosiek, keerei murenikwok ng’ang’utik:

MATAYO 5:16

Ongoluu lapkeiyeng’wong’ ko u noto eng’ taitab bik, si komuch kogeer boisionikwok che miach, si kolos Kwandang’wong’ ne mi kipsengwet.

MATAYO 5:45

si oegu werikab Kwandang’wong’ ne mi kipsengwet; amu igochin asistanyi kochorji che yaach ak che miach, ak iyokyin ropta che bo imanda ak che ma bo imanda.

MATAYO 6:14

Amu ngonyochini kaat bik kachiliilutikwak, konyoiywok kaat agine Kwandang’wong’ ne bo kipsengwet.

MATAYO 6:30

Ago ngolaakyin Jehovah ko u noto suswek che bo kewet, che mi rani, ak mutai kewirji ma, ko tos, mayaiywok ko u noto kosiir, okwek che otinye kayanet ne ming’in?

MATAYO 6:32

Amu cheng’ei tuguchu tugul Bororiosiek; amu ingen Kwandang’wong’ ne bo kipsengwet kole, obononi tuguchu tugul.

MATAYO 7:11

Ngot ongen okwek anyun, che o yaach, ogochi lagokwok kagochinoik che miach, ko tos siirei mising’ ne tia Kwandang’wong’ ne mi kipsengwet, tos maigochin che somei inendet tuguk che miach?

LUKA 11:12

Anan ngo som koitab ingok, ko tos igochi melmeldo?

LUKA 11:2

Ak kilenji ichek, Ye osae, omwa ole, Kwandanyo, ingotililit kaineng’ung’. Ingonyo bounateng’ung’. [Ingoyaak mageng’ung’ ko u eng’ kipsengwet, ko u noto eng’ ng’ony.]

LUKA 18:7

Tos mayachin Jehovah imanda che lewenotin, che rirjin inendet bet ak kemoi, ak muitoi inendet eng’ ichek?

JOHANA 4:10

Kowolji Jesu kolenji, Nda kengen konunetab Jehovah, ak inendet ne kalenjin, Inaga beek aee; ta kaisom inendet, ak ta kagogonin beekab sobon.

POISYONIGAP CHE KIYOKTOI 2:38

Kolenji Petero ichek, Osigu, si kibatisan age tugul eng’ okwek eng’ kainetab Jesu Kristo agobo nyoetab kaat ne bo tengekwogikwok; si otaach konunetab Tamirmiriet ne Tilil.

ROMANIK 5:17

Amu ngo kiboi meet eng’ bistoetab agenge; ne siirei mising’ anyun, kobou eng’ sobondo ichek che taachei chang’indab mieindo ak konunet ne bo imanda eng’ agenge, noto Jesu Kristo.

ROMANIK 7:18

Amu angen ale eng’ ane, noto ko eng’ bortanyu, ko mamenyei kiy ne mie: amu mi chamet kobota, ago ale ayai noto mie, ko mayae.

ROMANIK 8:32

Inendet ne kima rire Werinnyi, ago kigon inendet agobo achek tugul, tos magonech tuguk tugul eng’ aiyebindo koboto inendet?

TITO 3:3

Amu kigi berberen agachek keny, kima kegase it, kigiberberech, keote magutik che terotin ak ureriosiek, ketebye eng’ yaitiet ak ng’etkong’, kigi che kiwechei ak kewechege.