LUKA 10:20 - BUKUIT NE TILIL

²⁰ Ago amoboiboitu amu ng’olyondoni, amu kasok it oik; ago oboiboitu amu sirotin kainaikwok eng’ kipsengwet.

Bukuit Ne Tilil

²⁰ Ago amoboiboitu amu ng'olyoondoni, amu kasok iit oik; ago oboiboitu amu siraatiin kainaikwok eng' kipsengwet.”

BUKUIT NE TILIIL Sireet ne Dutero Kanon

²⁰ Ago amoboiboitu amu ng'olyoondoni, amu kasok iit oik; ago oboiboitu amu siraatiin kainaikwok eng' kipsengwet.”

LUKA 10:20 ပူးပေါင်းရင်းမြစ်များ

TIENWOGIKAL 69:28

Ingibukto ichek eng’ bukuitab sobon, Amat kesir koboto che bo imanda.

KOMONG'U 32:32

Ago nguno, ngicham inyochi kaat tengektanywa; ak ngo ma u noto asomin ale, iistaa eng’ bukuing’ung’ ne kiisir.

ISAIAH 4:3

Ak tun kiguure ne itabanat inendet ne ng’etu eng’ Sion, ak inendet ne ng’etu eng’ Jerusalem, chito age tugul ne kigisir eng’ che soptos eng’ Jerusalem:

JEREMIA 17:13

Ee Jehovah, inye ne i kamang’unetab Israel, ililandos ichek tugul che metoin; kisirei eng’ ng’ony ichek che istoenagei, amu kigometa Jehovah, kondametutab beek che soptos.

EZEKIEL 13:9

Ak koborie eunnyu maotik che keerei tangoita, ak che ng’orei lembechek: matebe kapkiruogetab bikyuk, ama kisirjin bukuit ole kisirjin gotab Israel, ama bendi emetab Israel; si onai ole a Kiptaiyat Jehovah.

DANIEL 12:1

Ak kotonon eng’ betunoto Mikael, bounindet ne o ne toreti lagokab biguk: ak biitu betusiek che bo nyalilda, che kitomo kobiitu koboch ngab kobiit bororiet agoi betunoto: ak kisoru biguk eng’ betusiechoto, age tugul ne kigisirji kainennyi bukuit.

MATAYO 10:1

Ak kiguur alamalyennyi taman ak aeng’ kobwanji inendet, ak kogochi kimnatet si koon tamirmirik che muruonen, ak kosoob che miandos eng’ koroito age tugul ak eng’ nyalulnatet age tugul.

MATAYO 26:24

Wendi Weritab chi, ko u ye kigisir agobo inendet: ago bwa chichoto ne king’wektoe Weritab chi! Kita mie eng’ chichoto nda kima kisich.

MATAYO 27:5

Ak kiwirji fedaisiek hekalut, ole tilil, ak komanda; ak kiwa anyun kogetgei.

PILIPIK 4:3

Ee, asomin aginye, kiboitiot ne bo iman kobota, ale toret kobogoriosiechu, amu kigiboisiei tugul eng’ logoiywek che miach, koboto Klement agine, ak chun alak che ki kiboitinik tugul, che mi kainaikwak bukuitab sobondo.

HEBRANIK 12:23

ak tuiyetab bik tugul ak kaniset ne bo che bo tai eng’ siget che kigesir eng’ kipsengwet, ak Jehovah kiruogindetab tugul, ak tamirmirik che bo bikab imanda che kigiyai koek che igesunotingei,

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

NG'ANG'UTYET 17:8

Tionyi kegeere komi, ama komi; ak ko negit komong’ eng’ keringet ne maigoksei, ak kwo luset. Ak kwong’dos ichek che menyei ng’ony, che kima kisirji kainaikwak bukuitab sobondo koboch ngab kelumda ng’ony, ye keer tiondo, amu kimi, ama komi, ak kota konyonei.

NG'ANG'UTYET 20:12

Ak kiageer che kigobek, che eechen ak che mengechen, kotonondos eng’ taitab ng’echeretab laitornatet; ak kigiyat bukuisiek: ak kigiyat bukuit age, noto ko bukuitab sobondo: ak kigiruokyi che kigobek eng’ tuguk che kiga kisirji bukuisiechoto, ko u boisionikwak.

NG'ANG'UTYET 20:15

Ak ngot kenyor chi age tugul ne kima kisirji bukuitab sobondo, kewirjin araraitab mat.

NG'ANG'UTYET 21:27

ak magoi wa orit kiy age tugul ne muruon, anan ko ne yaei kiy ne kiwechei, ak lembeita, kobate ichek che kigisirji bukuitab sobondo ne bo Aruet.

NG'ANG'UTYET 3:5

Inendet ne iterteri kotun kilaakyin ko u noto ngoroik che leelach; ak magoi abuch kainennyi eng’ bukuitab sobondo, ago ang’anye kainennyi eng’ taitab Baba, ak eng’ taitab malaikaisiekyik.