LUKA 1:79 - BUKUIT NE TILIL

⁷⁹ Si koluuchi icheget che tebyei eng’ mesundeito ak che mi uruetab meet; Si kondochi kelyekyok kot koit oretab kalyet.

Bukuit Ne Tilil

⁷⁹ si koluuchi icheeget che tebyei eng' mesundeito ak che mi urwetap meet; si kondochi keelyekyok kot koit ooreetap kaalyeet.”

BUKUIT NE TILIIL Sireet ne Dutero Kanon

⁷⁹ si koluuchi icheeget che tebyei eng' mesundeito ak che mi urwetap meet; si kondochi keelyekyok kot koit ooreetap kaalyeet.”

LUKA 1:79 ပူးပေါင်းရင်းမြစ်များ

Kitabuutap JOB 10:22

Emetab mesundeito ne o, ne u mesundeito; Ne bo uruetab meet, ne matinyei ng’atut age tugul, Ak ole u lapkeiyet mesundeito.

Kitabuutap JOB 3:5

Ingonam betunoto mesundeito ak uruetab meet kobunji; Ingotebe boldet betunoto; Ingomu betunoto tugul che yaei, koimenit.

TIENWOGIKAL 107:10

Ichek che kitebe mesundeito ak uruetab meet, Ko ratotin eng’ nyalilda ak karik;

TIENWOGIKAL 107:14

Kiimoong’une mesundeito ak uruetab meet, Ak kong’eti tugukwak che kigirate.

TIENWOGIKAL 23:4

Ee, agot ngabune atebwetab uruetab meet, Ko maiywei yaitio; amu imi kobota: Igaigaa kiroktang’ung’ ak siaring’ung’.

TIENWOGIKAL 25:12

Chi ng’o ne iywei Jehovah? Ineti Jehovah inendet eng’ or ne leweni.

TIENWOGIKAL 44:19

Agot ye kiibirech mising’ eng’ oldab suik, Ak kiitugenech uruetab meet.

KALEWANAIK 3:17

Bo kagasetab ge ortinwekyik, Ak kalyet ortinwekyik tugul.

KALEWANAIK 8:20

Awendote oretab imanda, Eng’ kwenutab ortinwekab kiruoget:

ISAIAH 42:16

Ak amutune kipkoratinik oret ne manaei; andochini eng’ ortinwek che manaei: awale mesundeito koek lapkeiyet eng’ tainywa, ak alitit komoswek che kunuren. Ayae tuguchuto, amabagaktoi.

ISAIAH 42:7

iyat konyek che koriotin, imoong’u kimonjororinik eng’ korgoret, ak imoong’u che tebe mesundeito komong’une got ne kigiratyi.

ISAIAH 48:17

Mwaei ko u ni Jehovah, katiangindeng’ung’, Inendet ne Tilil ne bo Israel: A Jehovah Kamuktaindeng’ung’, ne inetin ibor, ne indoun eng’ oret ne kanyol ibun.

ISAIAH 48:22

Mwaei Jehovah kole, Mami kalyet eng’ kiptengeginik.

ISAIAH 49:6

ee, mwaei kole, Kiy ne ming’in iegu otwogindennyu, si kobiit ing’eet bororiosiek che bo Jakobo, ak iweech che kigirib che bo Israel: agonin kogeny iegu lapkeiyetab Bororiosiek, si kobiit iegu yetunennyu agoi tabanwekab ng’ony.

ISAIAH 49:9

kolenjin ichek che ratotin, Omande; ak kolenjin che mi mesundeito, Obartege. Amisioti eng’ ortinwek, ak egu komoswek che tororen ole churat, ole kiagete.

ISAIAH 59:8

Maingen ichek oretab kalyet; ama mi kiruoget eng’ ortinwekwak: kigoyachigei ortinwek che kunuren; maingen kalyet age tugul ne bunei oloto.

ISAIAH 9:2

Kogogeer lapkeiyet ne o bik che kibendote mesundeito: kogoluuchi lapkeiyet ichek che kimenyei emetab uruetab meet.

JEREMIA 2:6

Ama mwa ichek kole, Mi ano Jehovah ne kiimutwech kemong’u eng’ emetab Misri; ne kiindoiywech kebun ong’atet, kebun emet ne surkwen ak ne bo keringonik, kebun emetab kemeut ak ne bo uruetab meet, kebun emet ne mabunei chi, ole mamenyei chi?

JEREMIA 6:16

Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

MATAYO 4:16

Kigeer bik che kitebe mesundeito Lapkeiyet ne o, Ak kichorjigei lapkeiyet, Che kitebe koret ak uruet ne bo meet.

LUKA 2:32

Lapkeiyet ne bo ng’ang’utiet ne king’ang’jin Bororiosiek, Ak torornatetab biguk Israel.

JOHANA 1:9

Kimi lapkeiyet ne bo iman, ne nyonei ng’ony, ne iluuchin chi tugul.

JOHANA 12:46

Kianyo aegu lapkeiyet eng’ ng’ony, si ma kotebyei eng’ mesundeito chi age tugul ne iyana.

JOHANA 8:12

Kimwachi Jesu anyun ichek kogeny, kolenji, A lapkeiyet ne bo ng’ony: inendet ne isuba ko mawendoti eng’ mesundeito, ago nyoru lapkeiyetab sobondo.

JOHANA 9:5

Ye ta ami ng’ony, ko a lapkeiyetab ng’ony.

POISYONIGAP CHE KIYOKTOI 10:36

Ng’olyot ne kiiyokyi inendet lagokab Israel, ko koamda ng’alek che miach che bo kalyet eng’ Jesu Kristo (inendet ko Kiptiyat ne bo tugul)-

POISYONIGAP CHE KIYOKTOI 26:18

si kobiit ing’any konyekwak, ak koweek eng’ mesundeito kobwanji lapkeiyet, ak eng’ kimnatetab Setani kobwanji Jehovah, si konyor ichek nyoetab kaat ne bo tengekwogik ak borotet eng’ ichek che kigitilil amu kayanet ne mi eng’ ane.

ROMANIK 3:17

Ama nai oretab kalyet:

EPESOEK 5:8

amu kio mesundeito eng’ betusiek alak, ago o lapkeiyet nguno eng’ Kiptaiyat: obendate ko u lagokab lapkeiyet