LUKA 1:32 - BUKUIT NE TILIL

³² Egu ne o inendet, ak tun kiguure Weritab Inendet ne Toror Mising’: ak kigochin Kiptaiyat Jehovah ng’echeretab laitornatet ne bo kwandanyi Daudi:

Bukuit Ne Tilil

³² Egu ne oo ineendet ak tuun kiguuree Weeriitap Ineendet Ne Toroor Miising'; ak kogoochin `Kiptaiyat Kamuktaindet ng'echereetap laitornatet ne po kwandanyi Daudi:

BUKUIT NE TILIIL Sireet ne Dutero Kanon

³² Egu ne oo ineendet ak tuun kiguuree Weeriitap Ineendet Ne Toroor Miising'; ak kogoochin `Kiptaiyat Kamuktaindet ng'echereetap laitornatet ne po kwandanyi Daudi:

LUKA 1:32 ပူးပေါင်းရင်းမြစ်များ

2 SAMUEL 7:16

Ak kigimiti gong’ung’ ak bounateng’ung’ koigeny eng’ taing’ung’: kigimiti ng’echeretab laitornateng’ung’ agoi koigeny.

TIENWOGIKAL 132:11

Kiiyosiechi Jehovah Daudi eng’ iman; Maweechegei let: Andoi ng’echereng’ung’ ne bo bounateng’ung’ age ne bunu bortang’ung’.

TIENWOGIKAL 132:12

Ngot korib lagoguk arorutiennyu Ak bounatennyu ne tun aneti, Kotebe anyun lagokwak agichek ng’echereng’ung’ ne bo bounatet agoi koigeny.

ISAIAH 16:5

Ak kigimiti ng’echeretab laitornatet eng’ rirenet, ak tebe chito ng’echeranato eng’ iman eng’ emaitab Daudi; koruoch ak kocheng’ei kiruoget, ak ko chepcheb koyai imanda.

JEREMIA 17:25

bwanei anyun orit laitorinik ak bounik che tebe ng’echeretab laitornatet ne bo Daudi, kobunu ormarichokab nganasani, kolong’onu karisiek ak mbartanyisiek, icheget ak bounikwak, bikab Juda, ak bik che menyei Jerusalem: ak kemeny nganasani agoi.

JEREMIA 22:2

ile, Kas ng’olyotab Jehovah, ee laitoriatab Juda, ne itebe ng’echeretab laitornatet ne bo Daudi, inye, ak otwogiguk, ak biguk che bendi orit kobunei ormarichochu.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

MATAYO 1:1

Bukuit ne bo oretab Jesu Kristo, weritab Daudi, weritab Abraham.

MATAYO 12:42

Ng’eetei tun laitoriat kobogoriot ne bo murot komostab tai koboto ibini eng’ kiruoget, ak kogikyi: amu kibun tabanwekab ng’ony si kogas ng’omnatetab Solomon; ak ogeero, mi yu ne o kosiir Solomon.

MATAYO 28:18

Ak kinyonji Jesu ichek ak kong’alalji, kolenji, Kigegona kimnatet tugul eng’ kipsengwet ak ng’ony.

MATAYO 3:11

Abatisanok iman eng’ beek amu sigunet: ago tinyei kimnatet kosiira inendet ne isubwa, ma nyolu aipchinot kweonikyik: ibatisanok inendet eng’ Tamirmiriet ne Tilil ak mat:

MARIKO 14:61

Ago kisis, ama wol kiy. Kiteebe kogeny tisiindet ne o, kole, I Kristo inye, Weritab Ne Iberurot?

MARIKO 5:7

ak kowaach eng’ kutit ne o, kole, Ating’enen nee inye, Jesu, Weritab Jehovah ne Toror Mising’? Ayosieun eng’ Jehovah, ale, amenyalila.

LUKA 1:15

Amu tun egu ne o eng’ taitab Kiptaiyat, ama eei divaik anan maiyek; ago kinyiiti Tamirmiriet ne Tilil, koboch komi moetab kamet.

LUKA 1:35

Ak kiwolji malaikaiyat kolenji, Nyonjinin Tamirmiriet ne Tilil ak kouurin kamuktaetab Inendet ne Toror Mising’: noto anyun kiguure ne tilil, Weritab Jehovah, inendet ne tun kisichei.

LUKA 1:76

Ee lakwani, kiguurenen maotiotab Inendet ne Toror Mising’: Amu iwendi eng’ taitab Kiptaiyet indoi, si kobiit ichob ortinwekyik;

LUKA 3:16

kowolji Johana ichek tugul kolenji, Abatisanok eng’ beek iman; ago nyonei inendet ne kim kosiira, ne manyoljina atiach anokab kweonikyik: ibatisanok inendet eng’ Tamirmiriet ne Tilil ak mat:

LUKA 6:35

Ago ocham bunikwok, ak oyai ne mie, ak obesende, amongen onyoru kogeny; si koeet melektang’wong’, ak oegu werikab Inendet ne Toror Mising’: amu tala inendet eng’ icheget che matinyei kongoi ak che yaachen.

JOHANA 12:34

Kiwolji anyun tuiyet inendet, kolenji, Kigegas eng’ Ng’atutik kele tebyei Kristo koigeny: teptoi ano anyun si imwa ile, Kanyol keuito Weritab chi? Ng’o Weroto bo chi?

JOHANA 6:69

Ak kigiyan ak kingen kele i Ne Tilil ne bo Jehovah.

POISYONIGAP CHE KIYOKTOI 16:17

Kiisubot Paulo kebendi tugul, ak komwaei eng’ kutit ne o, kolen, Bichu ko otwogikab Jehovah ne Toror Mising’, che mwawok oretab yetunet.

POISYONIGAP CHE KIYOKTOI 2:30

Ak amu kimaotio, ak kiingen kole kiga koyosiechi Jehovah inendet kole, indoi Jehovah ng’echerennyi chito ne tun bunu iyotennyi;

POISYONIGAP CHE KIYOKTOI 2:36

Ingonai anyun komie got komugul ne bo Israel, kole, kigoyai Jehovah inendet koek Kiptaiyat ak ko Kristo, Jesu nito ne kiogartat.

POISYONIGAP CHE KIYOKTOI 7:48

Ago mamenyei Inendet ne Toror Mising’ gorik che kiyae eunek; ko u ye mwaei maotiot, kole,

ROMANIK 1:4

ne kigimwaita kele Weritab Jehovah eng’ kimnatet, ko u tamirmiriet ne bo tililindo, eng’ ng’eetyetab che kibek; Jesu Kristo Kiptaiyandennyo,

NG'ANG'UTYET 3:7

Ak isirji malaikaiyatab kaniset ne mi eng’ Piladelpia, ilenji: Mwaei tuguchu inendet ne tilil, inendet ne bo iman, inendet ne tinyei yateiywotab Daudi, inendet ne yatei, ama kerei chi, ak ne kerei, ama yatei chi: