LUKA 1:13 - BUKUIT NE TILIL

¹³ Ago kilenji malaikaiyat inendet, Ameiyweisie, Sakaria: amu kogegasun someng’ung’, ak ta kosigun osotiondeng’ung’ Elisabet werit, ak iguure kainennyi Johana.

Bukuit Ne Tilil

¹³ Ago ki leenji malaikaiyat ineendet, Mearagen Zekariah: amu kogegasun soomeng'ung', ak ta kosigun osotyondeng'ung' Elizabeth weeriit, ak iguure kainennyi Johana.

BUKUIT NE TILIIL Sireet ne Dutero Kanon

¹³ Ago ki leenji malaikaiyat ineendet, Mearagen Zekariah: amu kogegasun soomeng'ung', ak ta kosigun osotyondeng'ung' Elizabeth weeriit, ak iguure kainennyi Johana.

LUKA 1:13 ပူးပေါင်းရင်းမြစ်များ

TAUNET 17:10

Kayomisennyu ni, ne kanyol orib, eng’ kwenunnyo, inye ak ane, ak lagoguk che biitu let eng’ inye: kiyatitoi ng’etet age tugul eng’ okwek.

TAUNET 17:19

Ak kile Kamuktaindet, Achicha, sigun iman Sara kaing’ung’ werit; ak tun iguure kainennyi Isak: ak agimiti kayomisennyu koboto inendet ak iyotennyi ne tun biitu let eng’ inendet, si koek kayomiset ne wendi agoi koigeny.

TAUNET 18:14

Tos mi kiy age tugul ne temene Jehovah? Aweekyininge eng’ kenyit ne nyonei, eng’ betusiechuto, eng’ betut ne kaachob, ak kosich Sara werit.

TAUNET 25:21

Ak kirirji Isak Jehovah mising’ agobo osotiondennyi, amu ki sonen: ak kigasyi Jehovah rirekyik, ak kimanach Rebeka osotiondennyi.

TIENWOGIKAL 113:9

Igochin ne son korib got, Ak koek kamet ne baibai ne bo lagok. Olosu Jehovah.

TIENWOGIKAL 118:21

Amwaun kongoi, amu kiiwolwa, Ak kaiegu yetunennyu.

ISAIAH 8:3

Kiawe anyun oldab chebioset ne maotio; ak kimanach, ak kosich werit. Kilenja Jehovah anyun, Tochi kainennyi Maer-salal-hasbas.

DANIEL 10:12

Kolenja anyun, Ameiyweisie, Daniel; amu kigigasun ng’aleguk koboch betut ne bo tai ye kiimach iguiye eng’ muguleldang’ung’, ak iming’inge eng’ taitab Kamuktaindeng’ung’: ak kanyo amu ng’aleguk.

HOSEA 1:4

Ak kilenji Jehovah inendet, Kuure kainennyi Jesreel; amu tomo ne matia, si kayaakta mugetut agobo gorotikab Jesreel, eng’ gotab Jeu, ak agesu bounatetab gotab Israel.

HOSEA 1:6

Ak kimanach kogeny, ak kosich chepto. Ak kolenji Jehovah inendet, Kuure kainennyi Lo-ruhama: amu ma arire gotab Israel, anyochini kaat eng’ kiy age tugul.

MATAYO 1:21

Ak tun sichei werit; ak iguure kainennyi JESU; amu inendet ne soru bikyik eng’ tengekwogikwak.

MATAYO 14:27

Ago king’alalji Jesu ichek eng’ yoto kolenji, Onyiganitu; ane; amoiyweisie.

MATAYO 28:5

Ak kiwolji malaikaiyat kobogorisiek kolenji, Amoiywei okwek: amu angen ale, ocheng’e Jesu, ne kigigartat.

MARIKO 16:6

Ak kilenji ichek, Amokwong’ie: ocheng’e Jesu, Nasaretindet, ne kiga kigartat: kagong’eet; ma komi yu: ogeer ole kiga kinde inendet!

LUKA 1:14

Ak inyoru boiboiyet ak kagasetab ge; ak boiboitu bik che chang’ eng’ sigennyi.

LUKA 1:30

Ak kilenji malaikaiyat inendet, Ameiywei, Maria: amu kainyoru chamet eng’ Jehovah.

LUKA 2:21

Ak kingoit betusiek sisiit che kiyatitoe inendet, keguure kainennyi JESU, ko u ye kiga kotochi malaikaiyat kotomo kemanach.

POISYONIGAP CHE KIYOKTOI 10:31

ak kole, Kornelio, kigegas saeng’ung’, ak kigoek kabwatet eng’ taitab Jehovah kagochinoiguk.

KIRUOGIK 6:23

Ak kilenji Jehovah inendet, Ingoteb kalyet koboten; ameiywei: memee.

1 SAMUEL 2:21

Ak kirutochi Jehovah Hana, ak kimanach, ak kisich werik somok ak tibik aeng’. Ak kieet lakwet Samuel eng’ taitab Jehovah.