KOMONG'U 5:3 - BUKUIT NE TILIL

³ Ak kile, Kinyonjech Kamuktaindet ne bo Hebranik: kisain anyun kele, Undech kebe bandab betusiek somok eng’ ong’atet, kebe keeng’ji Jehovah Kamuktaindennyo, tiseiywot; si mabirenech koroito, anan ko rotwetab chok.

Bukuit Ne Tilil

³ Ak ki le icheek, “Kinyonjech Kamuktaindet ne po Yahudik. Kaigai anyun undech keebe pandap peetuusyek somok eng' surkwen, si keeng'ji Kamuktaindet ne Toroor, Kamuktaindennyo, tiseiywot, si ma pirenech koroito, anan ko rotwetap chok.”

BUKUIT NE TILIIL Sireet ne Dutero Kanon

³ Ak ki le icheek, “Kinyonjech Kamuktaindet ne po Yahudik. Kaigai anyun undech keebe pandap peetuusyek somok eng' surkwen, si keeng'ji Kamuktaindet ne Toroor, Kamuktaindennyo, tiseiywot, si ma pirenech koroito, anan ko rotwetap chok.”

KOMONG'U 5:3 ပူးပေါင်းရင်းမြစ်များ

2 LAITORINIK 17:25

Ak ma iywei Jehovah eng’ taunetab meng’enywa ne bo oloto: koyokyi anyun Jehovah ichek ng’etunyik, che kibar alak eng’ ichek.

2 ATEPTAP PEETUUSYEK 30:8

Amoegu anyun che uui kaat, ko u ye ki u kwanisiekwok; ago ogochige Jehovah, ak obe oldanyi ole tilil, ne kigotaban kobunji koigeny, ak oboisiechi Jehovah Kamuktaindeng’wong’, si koistoenogei neregekyik che koromen.

EZRAH 7:23

Ak kit age tugul ne ng’atei Kamuktaindetab kipsengwet, koyaak ko u noto agobo gotab Kamuktaindetab kipsengwet, amu nee si ko tos nyonji nereknatet bounatetab laitoriat ak werikyik?

KOMONG'U 3:18

Ak tun kasei it kuting’ung’: ak iwe gab laitoriatab Misri, inye ak boisiekab Israel, ak olenji, Kogetuiye ak Jehovah, Kamuktaindet ne bo Hebranik: ara anyun, kisain kele, undech kebe bandab betusiek somok eng’ ong’atet, si kobiit keeng’ji Jehovah Kamuktaindennyo tiseiywot.

KOMONG'U 7:16

Ak ilenji, Kagoyokwa Jehovah Kamuktaindet ne bo Hebranik, anyonjin, kole, Unde bikyuk koba, si kobiit koboisiewa eng’ ong’atet: keero, tom igas kora.

KOMONG'U 8:1

Ak kilenji Jehovah Musa, Ui oldab Parao, ak ilenji, Kamwa Jehovah ko u ni kole, Unde bikyuk koba, si kobiit koboisiewa.

KOMONG'U 8:20

Ak kilenji Jehovah Musa, Ng’eet karon, muste ak itonon eng’ taitab Parao; keero, wendi ainet; ak ilenji inendet, Kamwa Jehovah ko u ni kole, Unde biguk koba, koba koboisiewa.

KOMONG'U 8:27

Kibendi banda ne bo betusiek somok eng’ ong’atet, si keeng’ji tiseiywot Jehovah Kamuktaindennyo, ko u ye ta kong’atech.

EZEKIEL 6:11

Mwaei Kiptaiyat Jehovah ko u ni kole: Irabach eng’ eung’ung’ ak itiech eng’ keldang’ung’, ak ile, Bwa! Amu tuguk tugul che kiwechei che yaachen che bo gotab Israel: amu barei ichek rotwetab chok, ak rubet, ak koroito.

ATEPTAP LAWIK 26:25

Ak aibwok rotwetab chok, ne yaakwok mugetut ne bo kayomiset; ak oyumjige nganasokwok: ak ayokwok koroito konyo kweng’wong’, ak kindeak eunekab bunikwok.

NG'ATUTIK 28:21

Konin Jehovah koroito konamin agoi kowong’un eng’ emet ne iwendi iname kobunjin.