KOMONG'U 24:3 - BUKUIT NE TILIL

³ Ak kinyo anyun Musa konyo komwachi bik ng’alek tugul che bo Jehovah, ak kiruogutik tugul: ak kiwol bik tugul eng’ kutit agenge kole, Kiyae ng’alechato tugul kamwa Jehovah.

Bukuit Ne Tilil

³ Ki nyo anyun Musa komwachi piik ng'aleek tugul che po Kamuktaindet ne Toroor ak kirwoogutik tugul, ak ki wol piik tugul eng' kutit agenge kole, “Kiyae ng'aleechooto tugul kamwa Kamuktaindet ne Toroor.”

BUKUIT NE TILIIL Sireet ne Dutero Kanon

³ Ki nyo anyun Musa komwachi piik ng'aleek tugul che po Kamuktaindet ne Toroor ak kirwoogutik tugul, ak ki wol piik tugul eng' kutit agenge kole, “Kiyae ng'aleechooto tugul kamwa Kamuktaindet ne Toroor.”

KOMONG'U 24:3 ပူးပေါင်းရင်းမြစ်များ

2 ATEPTAP PEETUUSYEK 15:14

Ak kiiyosiechi Jehovah komwa eng’ kutit ne o, ak eng’ waagat, ak eng’ iriagok, ak eng’ igondisiek.

2 ATEPTAP PEETUUSYEK 15:15

Ak kiboiboitu Juda tugul amu kayosionoto: amu kigayosio eng’ mugulelwekwak tugul, ak kocheng’ inendet eng’ magenywa tugul; ak kinyor inendet: ak kiigochi Jehovah ichek kamuung’et eng’ tabanwekwak tugul.

TIENWOGIKAL 50:5

Oyumja bikyuk che tililen; Choto che kigiyomisge ak ichek eng’ tiseiywek.

KOMONG'U 19:8

Ak kiwol bik tugul kibagenge kole, Kiyae choto tugul kamwa Jehovah. Ak kiipchi Musa Jehovah ng’alekab bik.

KOMONG'U 24:2

ak nyonei Musa inegei korikyin Jehovah; ago marigu ichek; ak matogosu bik koboto inendet.

KOMONG'U 24:7

Ak konam bukuitab arorutiet, ak kosomanji bik kogas: ak kile ichek, Kiyae choto tugul kamwa Jehovah, ak kegas it.

JEREMIA 11:4

ne kiang’at kwanisiekwok eng’ betut ne kiamutu ichek komong’ eng’ emetab Misri, komong’une matab karnet, alenji, Ogas it kutinnyu, ak oyai choto, ko u tugul che ang’atok: si oegu bikyuk anyun, ak aegu Kamuktaindeng’wong’;

JEREMIA 34:13

Mwaei Jehovah, Kamuktaindetab Israel, ko u ni kole: kigiyomisge ak kwanisiekwok eng’ betut ne kiamutu ichek komong’ eng’ emetab Misri, komong’ eng’ gotab otwoknatet, alenji,

HAGGAI 2:5

ko u ng’olyot ne kigiyomisyige ye kiobwane eng’ Misri, ak kitebe kwenung’wong’ Tamirmiriennyu: amoiyweisie.

MALAKI 2:10

Tos magitinye achek tugul kwanda agenge? Tos ma yaech Kamuktaindet agenge? Amu nee si koberberi age tugul eng’ achek tupchennyi, king’waniti kayomisetab kwanisiekyok?

NG'ATUTIK 11:1

Cham anyun Jehovah Kamuktaindeng’ung’, ak irib kotigonennyi, ak konetisiosiekyik, ak kiruogutikyik, ak ng’atutikyik kotugul.

NG'ATUTIK 4:1

Ara anyun, ee Israel, oepchi it ng’atutik ak kiruogutik, che anetok, si kobiit oyai; si osopche, ak obe onam kobunjok emet ne konok Jehovah Kamuktaindetab kwanisiekwok.

NG'ATUTIK 4:45

chuto baornatosiek, ak konetisiosiek, ak kiruogutik, che kimwachi Musa lagokab Israel, ye kingo kagomong’une Misri;

NG'ATUTIK 4:5

Ogeero, kianetak ng’atutik ak kiruogutik, ko u ye king’ata Jehovah Kamuktaindennyu, si kobiit oyai choto eng’ emet ne obendi oname.

NG'ATUTIK 5:1

Ak kiguur Musa Israel tugul, ak kolenji, Ogaso, ee Israel, konetisiosiek ak kiruogutik che amwawok rani, ogas eng’ itikwok, si kobiit onetgei, ak orib oyai.

NG'ATUTIK 5:31

Ago tonon inye eng’ yu ami, ak amwaun tugul, ak konetisiosiek, ak kiruogutik, che ineti, si koyai eng’ emet ne agochini konyaban.

NG'ATUTIK 6:1

Ni ng’atutiet anyun, ak konetisiosiek, ak kiruogutik, che king’at Jehovah Kamuktaindeng’wong’ kinetak, si kobiit oyai eng’ emet ne olandoi oname kobunjok.

JOSHUA 24:21

Ak kilenji bik Josua, Achicha; kiboisiechini Jehovah.

JOSHUA 24:22

Ak kilenji Josua bik, O baorinik che obaorianjinige ole kaolewen Jehovah, oboisiechi inendet. Ak kimwa kole, Ki baorinik.

JOSHUA 24:24

Ak kilenji bik Josua, Kiboisiechini Jehovah Kamuktaindennyo, ak kegas it kutinnyi.