KOMONG'U 20:3 - BUKUIT NE TILIL

³ Amecheng’jige cheptalelisiek che ter, kobatena anege.

Bukuit Ne Tilil

³ “Amecheeng'jigei cheptalelisyek che teer, kobatena aneege.

BUKUIT NE TILIIL Sireet ne Dutero Kanon

³ Amecheeng'jigei cheptalelisyek che teer, kobatena aneege.

KOMONG'U 20:3 ပူးပေါင်းရင်းမြစ်များ

1 LAITORINIK 11:4

Amu kingoosit Solomon, komaas osotikyik muguleldanyi kosub kanamonikwak, ak kima kogesunotgei eng’ Jehovah Kamuktaindennyi, ko u kit ne ki u muguleldab Daudi kwandanyi.

TIENWOGIKAL 29:2

Ogochi Jehovah teegisto ne nyoljin kainennyi; Ogutung’ji Jehovah eng’ telunatetab tililindo.

TIENWOGIKAL 73:25

Ng’o ne atinye eng’ kipsengwet ne ma inye? Ama mi age ne amache eng’ ng’ony kosiirin.

TIENWOGIKAL 81:10

A Jehovah Kamuktaindeng’ung’, Ne kiamutun itogosu eng’ emetab Misri: Iseng’eng’e, si anyiit kuting’ung’.

TIENWOGIKAL 81:9

Amat kobiitunenen kanamwet ne too; Anan igutung’ji cheptalelit age tugul ne bo bororiosiek alak.

KOMONG'U 15:11

Ee Jehovah, tos ngoro ne u inye eng’ cheptalelisiek? Tos ng’o ne u inye, ne konyitot eng’ tililindo, Ne kiywei eng’ kalosunet, ne yaei kwong’utik?

KOMONG'U 20:23

Amat oyachige kanamonik alak otesena, che bo feda, anan kanamonik che bo tahabu.

KOMONG'U 22:19

Kibarei age tugul ne ruitos ak che kiyagi.

KOMONG'U 23:24

Amat isa kanamonikwak, anan iot, anan isub boisionikwak: ago oluul kot ko mang’et kiy, ak obut kotonogis tolochikwak.

KOMONG'U 32:8

kosib komasta kometo oret ne kiga ang’atyi: kagoyachigei kanamwet ne bo moita ne kigitany, ak kogutung’ji, ak kagoeng’ji tiseiywek, ak kolen, Kanamoniguk chu, inye Israel, che kiimutun imong’une emetab Misri.

KOMONG'U 34:14

among’urukyi cheptalelit age tugul: amu Jehovah ne kainennyi ko ng’etkong’, inendet Kamuktaindet ne amei ng’etkong’:

ISAIAH 26:4

Omang’u Jehovah koigeny: amu mi eng’ Jehovah JEHOVAH ruandet ne bo koigeny.

ISAIAH 42:8

A Jehovah; kainennyu noto: amagochini torornatennyu chito age, amagochini kanamonik che kiwaei, kalosunennyu.

ISAIAH 43:10

O baorinikyuk, mwaei Jehovah, ak otwogindennyu ne kialewen; si kobiit onai ak oyana, ak oguiye ole a inendet; mami Kamuktaindet age ne kisib keyai eng’ ane, ama kobiitu age eng’ let.

ISAIAH 44:8

Amoiywei, anan oarogense: tos ma amwaun nito keny, aborun? O baorinikyuk. Tos mi Kamuktaindet age kobatena? Ee, mamitei Ruandet; mangen age.

ISAIAH 46:9

Obwat tuguk che bo tai che bo keny; amu a Kamuktaindet, ama mi age; a Kamuktaindet, ama mi age ne kegerge;

JEREMIA 25:6

amosubote cheptalelisiek che ter, oot ak olosu ichek, amotacha eng’ boisionikab eunekwok; si mayaiywok ne ya.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 7:9

Tos ochorsei, orumisiei, ak oyae ibetab ge, ak oyostosi eng’ lembech, ak obeeljini nyamdutik Baal, ak osuboti cheptalelisiek che ter che mongen,

DANIEL 3:18

Ago ngot ko ma u noto, ko kanyol inai inye, ee laitoriandani ile, magiote cheptalelisieguk, anan kilosu kanamwetab tahabu ne koilumde.

HOSEA 13:4

Ago, a Jehovah Kamuktaindeng’ung’ koboch emetab Misri: amecheng’jige cheptalelit ne ter, kobatena anege, ama mi yetindet age kobatena.

MATAYO 4:10

Kilenji Jesu anyun, Ui eng’ oli, Setani: amu sirat kole, Ilosu Kiptaiyat Jehovah neng’ung’, ak iboisiechi inendet inegei.

1 KORINTOEK 8:4

Noto anyun eng’ amet ne bo tuguk che kieng’jin kanamonik, kingen kele mami kanamwet ne kiy eng’ ng’ony, ama mi Jehovah age kobate agenge.

1 KORINTOEK 8:6

ago eng’ achek komitei Jehovah agenge, inendet Kwanda, ne bunu tuguk tugul ak achek eng’ inendet; ak Kiptaiyat agenge, Jesu Kristo, ne mi tuguk tugul amu inendet, ak achek eng’ inendet.

EPESOEK 5:5

Amu ongen nito iman ole, mami chi ne soksei, anan chitab simdo, anan ne kasei miat, noto ne saei kanamonik, mami eng’ chu ne nyoru borotet eng’ bounatetab Kristo ak Jehovah.

NG'ATUTIK 5:7

Amecheng’jigei cheptalelisiek alak, kobatena anege.

NG'ATUTIK 6:14

Amosub kanamonik, agot che bo bororiosiek che negitenok;

NG'ATUTIK 6:5

ak kanyol icham Jehovah Kamuktaindeng’ung’ eng’ muguleldang’ung’ tugul, ak eng’ sobondang’ung’ tugul, ak eng’ kimnateng’ung’ tugul.

PILIPIK 3:19

ne kagesunenywa ko luset, ne cheptalelinywa ko moet, ne kalosunenywa ko tewernatenywa, che ibwati tugukab ng’ony.

KOLOSAIK 2:18

Amat korebenak chi melektang’wong’ eng’ oret ne machei inendet, ne bo kaming’inetab ge ak kalosunetab malaikaisiek, ak kogimitegei tuguk che kigogeer, ak komene kabwatutikyik che bo borto,

NG'ANG'UTYET 19:10

Ak kiabutyi kelyekyik alosu inendet. Ak kolenja, Ameyai ko u noto: ki otwogik tuwai koboto tupchosieguk che tinyei baornatet ne bo Jesu. Ilosu Jehovah: amu baornatetab Jesu ko tamirmirietab maoinatet.

NG'ANG'UTYET 22:9

Ak kolenja, Amat iyai ko u noto: amu ki otwogik koboto tupchosieguk maotik, ak koboto ichek che ribei ng’alekab bukuini; ilosu Jehovah.

KIRUOGIK 6:10

ak kialenjok, A Jehovah Kamuktaindeng’wong’; moiywei cheptalelisiekab Amorik, che omenye emenywa: ago ma ogas it kutinnyu.