KOMONG'U 18:4 - BUKUIT NE TILIL

⁴ ak kigiguure age Elieser; amu kile, Kiek toretindennyu Kamuktaindet ne bo baba, ak kisorua eng’ rotwetab chok ne bo Parao:

Bukuit Ne Tilil

⁴ ak ki kiguure age Elieser; amu ki le, “Ki ek toretindennyu Kamuktaindet ne po abba ak kisarwo eng' rotwetap chok ne po Pharaoh.”

BUKUIT NE TILIIL Sireet ne Dutero Kanon

⁴ ak ki kiguure age Elieser; amu ki le, “Ki ek toretindennyu Kamuktaindet ne po abba ak kisarwo eng' rotwetap chok ne po Pharaoh.”

KOMONG'U 18:4 ပူးပေါင်းရင်းမြစ်များ

TAUNET 49:25

Agot eng’ Kamuktaindet ne bo kwandang’ung’, ne tun toretin, Ak eng’ Kamuktaindet ne tun iberurin, Eng’ berurwogik che bo barak kipsengwet, Ak berurwogik che mitune riret, Berurwogik che bo kinaik, ak che bo iyotet.

1 ATEPTAP PEETUUSYEK 23:15

Werikab Musa ko ki: Gersom ak Elieser.

1 ATEPTAP PEETUUSYEK 23:17

Ak werikab Elieser: ne o ko ki: Reabia. Ak kima kotinyei Elieser werik alak; ago ki chang’ mising’ werikab Reabia.

TIENWOGIKAL 18:1

Achamin, ee Jehovah, kimnatennyu.

TIENWOGIKAL 18:48

Sorua inendet eng’ bunikyuk: Ee, itorora asiir ichek che ng’eetyina: Isorua eng’ chito ne korom.

TIENWOGIKAL 34:4

Kiacheng’ Jehovah ak kiwolwa, Ak kisorua eng’ kaiyweisiosiekyuk tugul.

TIENWOGIKAL 46:1

Kamuktaindet ole kemwechini, ak kimnatennyo, Toretindet ne negit ye mi nyalilda.

KOMONG'U 10:28

Ak kilenji Parao Musa, Ui eng’ ole ami, iripge, amata igeera togoch kogeny; amu imee eng’ betut ne igeere togennyu.

KOMONG'U 2:15

Kingogas Parao anyun ng’olyondonoto, kocheng’ kobar Musa. Ago kimwei Musa eng’ taitab Parao, kwo komeny emetab Midian: ak kotebi ng’ony eng’ ole negite keringetab beek.

KOMONG'U 2:22

Ak kisich werit, ak kiguure kainennyi Gersom: kole, A kiprutoiyo eng’ emetab bororiosiek alak.

KOMONG'U 4:20

Ak kiimut Musa osotiondennyi ak werikyik, ak kichob kolany ichek sigiriet, ak koweek kwo emetab Misri: kiib anyun Musa siaritab Kamuktaindet eng’ eunnyi.

DANIEL 6:22

Koiyok Kamuktaindennyu malaikaiyandennyi koger kutuswekab ng’etunyik, ama ita kiy: amu ma kinyorja kiy ne ya eng’ tainnyi; ak kogeny, tom ayai kiy ne ya eng’ taing’ung’, ee laitoriandani.

POISYONIGAP CHE KIYOKTOI 12:11

Ak ye kingobwat Petero, komwa kole, Kaanai nguno iman, ale, kagoyok Kiptaiyat malaikaiyandennyi ak kasorua eng’ eutab Herod, ak eng’ kagenisiet tugul ne bo bikab Yahudik.

POISYONIGAP CHE KIYOKTOI 7:29

Kimwee Musa anyun ng’olyondonoto, kwo koek bunotyo eng’ emetab Midian, ole kisikyi werik aeng’.

2 TIMOTEO 4:17

Ago kitonon Kiptaiyat kobota, ak kogimita; si kobiit keamda eng’ ane ng’alek komie, ak si kogas Bororiosiek tugul: ak kigisorua eng’ kutitab ng’etundo.

HEBRANIK 11:34

kiimis kimnatet ne bo mat, kichililye rotwetab chok, kigigimit komong’ eng’ nyalulet, kigimegitu eng’ luget, kion lugosiekab bunik koweekta.

HEBRANIK 13:6

Noto anyun kimwae eng’ nyiganatet ne mie kele, Toretindennyu Kiptaiyat; maiyweisiei: Yaiywa nee chi?