KOMONG'U 15:2 - BUKUIT NE TILIL

² Jehovah kimnatennyu ak tiendanyu, Ak kaek yetunennyu: Nito ko Kamuktaindennyu, ak alosu inendet; Inendet ko Kamuktaindet ne bo baba, atorori inendet.

Bukuit Ne Tilil

² Kamuktaindet ne Toroor ko kimnateennyu ak tyendanyu, ak yetunennyu. Niito Kamuktaindennyu ak alasu ineendet; Ineendet ko Kamuktaindet ne po abba, atoroori ineendet.

BUKUIT NE TILIIL Sireet ne Dutero Kanon

² Kamuktaindet ne Toroor ko kimnateennyu ak tyendanyu, ak yetunennyu. Niito Kamuktaindennyu ak alasu ineendet; Ineendet ko Kamuktaindet ne po abba, atoroori ineendet.

KOMONG'U 15:2 ပူးပေါင်းရင်းမြစ်များ

TAUNET 17:7

Ak agimiti kayomisennyu eng’ kwenunnyo, inye ak ane, ak iyoteng’ung’ ne biitu let eng’ inye, eng’ ibinwekwak tugul, si koek kayomiset ne wendi agoi koigeny, ale aek Kamuktaindet eng’ inye ak eng’ iyoteng’ung’ ne biitu let eng’ inye.

TAUNET 49:18

Kiagen yetuneng’ung’, ee Jehovah.

2 SAMUEL 22:3

Kamuktaindetab ruandennyu, amang’u inendet; Long’ennyu, ak kuinetab yetunennyu, teeksennyu ne koi, ak ole amwechini; Yetindennyu, isorua eng’ koromnatet.

2 SAMUEL 22:47

Sobei Jehovah; ak iberurot ruandennyu; Ak ingotororit Kamuktaindetab ruandetab yetunennyu:

2 SAMUEL 22:51

Igochin laitoriandennyi sorunet ne o; Ak koborjin nenyi ne iilat chamnyennyi ne tala, Daudi ak iyotennyi agoi koigeny.

2 SAMUEL 7:24

Kiigimityigei biguk Israel koek biguk koigeny; ak kiiegu inye Jehovah Kamuktaindenywa.

2 SAMUEL 7:5

Ui imwachi otwogindennyu Daudi, ilenji, Kamwa ko u ni Jehovah, Iteekwa got ne amenye?

1 LAITORINIK 8:13

Kaateegun iman got ne imenye, komostang’ung’ ne imenye koigeny.

1 LAITORINIK 8:27

Ago tos meny Kamuktaindet ng’ony iman? Keero, mayamin kipsengwet itebe, anan ko kipsengwet ne bo kipsengwetisiek; ko ming’in ne tia anyun goi koateech!

1 ATEPTAP PEETUUSYEK 16:14

Inendet ko Jehovah Kamuktaindennyo: Mitei kiruogutikyik ng’ony komugul.

TIENWOGIKAL 109:1

Amesis, ee Kamuktaindet ne bo kalosunennyu;

TIENWOGIKAL 118:14

Kimnatennyu ak tiendanyu Jehovah; Ak kagoek yetunennyu.

TIENWOGIKAL 118:21

Amwaun kongoi, amu kiiwolwa, Ak kaiegu yetunennyu.

TIENWOGIKAL 118:28

I Kamuktaindennyu, ak amwaun kongoi: I Kamuktaindennyu, atororin.

TIENWOGIKAL 132:5

Agoi acheng’ji Jehovah oldo, Meng’otetab Inendet ne bo Kamuktaet ne bo Jakobo.

TIENWOGIKAL 140:7

Ee Jehovah Kiptaiyat, kimnatetab yetunennyu, Kiituch metinnyu eng’ betutab luget.

TIENWOGIKAL 145:1

Alosun inye, Kamuktaindennyu, ee Laitoriat; Ak alosu kaineng’ung’ koigeny ak koigeny.

TIENWOGIKAL 18:46

Sobei Jehovah; ak iberurot ruandennyu; Ingotororit Kamuktaindet ne bo yetunennyu:

TIENWOGIKAL 22:10

Kigiwirja oldang’ung’, koboch ami mo: Koboch ami moetab kamennyu, ko i Kamuktaindennyu.

TIENWOGIKAL 22:3

Ago i tilil, Ee, inye ne imenye kalosunoikab Israel.

TIENWOGIKAL 27:1

Jehovah lapkeiyennyu ak yetunennyu; tos aiywei ng’o? Jehovah kimnatetab sobondanyu; aiywei ng’o?

TIENWOGIKAL 28:8

Jehovah kimnatetab bikyik, Ak inendet irimetab yetunetab nenyinet ne kigiil.

TIENWOGIKAL 30:1

Alosun, ee Jehovah; amu kiieeta, Ama igochi bunikyuk kogasenagei.

TIENWOGIKAL 34:3

Ongilosu Jehovah, okwek ak ane, Ak ongitoror tugul kainennyi.

TIENWOGIKAL 48:14

Amu Kamuktaindet nito ko Kamuktaindennyo koigeny ak koigeny: Inendet kandoindennyo agoi meet.

TIENWOGIKAL 59:17

Ee kimnatennyu, atienun inye kalosunoik: Amu Kamuktaindet ko irimennyu ne koi, ak Kamuktaindetab rirenennyu.

TIENWOGIKAL 68:20

Kamuktaindet eng’ achek ko Kamuktaindet ne bo sorunoik; Bo JEHOVAH Kiptaiyat ortinwek che kechilile eng’ meet.

TIENWOGIKAL 99:5

Otoror Jehovah Kamuktaindennyo, Ak ogutung’ji eng’ ng’echeretab kelyekyik kel: Tilil inendet.

TIENWOGIKAL 99:9

Otoror Jehovah Kamuktaindennyo, Ak ogutung’ji eng’ tulwennyi ne tilil; Amu tilil Jehovah Kamuktaindennyo.

KOMONG'U 14:13

Ak kilenji Musa bik, Amoiywei, otononse kityo, si ogeer yetunetab Jehovah ne yaiywok rani: amu ma ogeere kogeny Misrichu koigeny, chu ogeere rani.

KOMONG'U 3:6

Ak kilenji kogeny, A Kamuktaindet ne bo kwandang’ung’, a Kamuktaindet ne bo Abraham, a Kamuktaindet ne bo Isak, a Kamuktaindet ne bo Jakobo. Ak kiuny Musa togennyi; amu kiiywei kogeer Kamuktaindet.

KOMONG'U 4:22

Ak ilenji Parao, Kamwa ko u ni Jehovah, Werinnyu Israel, taitanyu:

KOMONG'U 40:34

Kinyo kotuch anyun boldet emait ne kituiyechin, ak kinyi got lilindab Jehovah.

KOMONG'U 6:7

ak anamak oegu bikyuk, ak aegu Kamuktaindet eng’ okwek: si onai ole A JEHOVAH Kamuktaindeng’wong’ ne imoong’wok omong’une laisetab Misrik.

ISAIAH 12:2

Ogeero, Kamuktaindet ko yetunennyu; amang’u ama aiyweisiei: amu Jehovah JEHOVAH ko kimnatennyu ak ko tiendanyu; ak kagoek inendet yetunennyu.

ISAIAH 25:1

Ee, Jehovah, i Kamuktaindennyu; atororin, alosu kaineng’ung’; amu kiiyai tuguk che kikwong’e, kiruogutik che bo keny, eng’ imanda ak eng’ imanit.

ISAIAH 45:17

Ago soru Jehovah Israel eng’ yetunet ne bo koigeny: molilandosi anan otoptobense koigeny ak koigeny.

ISAIAH 49:6

ee, mwaei kole, Kiy ne ming’in iegu otwogindennyu, si kobiit ing’eet bororiosiek che bo Jakobo, ak iweech che kigirib che bo Israel: agonin kogeny iegu lapkeiyetab Bororiosiek, si kobiit iegu yetunennyu agoi tabanwekab ng’ony.

ISAIAH 66:1

Mwaei Jehovah ko u ni kole, Kipsengwet ko ng’echerennyu ne bo laitornatet, ak ng’ony ko ng’echeretab kelyekyuk: oteekwa got ne u nee? Ak komosta ano ole amuung’e?

JEREMIA 3:23

Iman, kigeni buch toretet ne bunu tulonok, wasetab ge ne mi tulonok. Iman mi yetunetab Israel eng’ Jehovah Kamuktaindennyo.

JEREMIA 31:33

Ago ni kayomiset ne kiyomisige ak gotab Israel ye ibata betusiechoto, mwaei Jehovah; andoi ng’atutiennyu orinywa, ak asirjini mugulelwekwak: ak aegu Kamuktaindenywa, ak koek bikyuk.

JEREMIA 32:38

Ak koek bikyuk, ak aegu Kamuktaindenywa:

HABAKUK 3:13

Kiimong’u agobo yetunetab biguk, Agobo yetunetab neng’ung’ ne iilat; Kiiguoten kandoindetab gotab kiptengeginik, Ing’anye lumeiywot agoi kaatit.

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

LUKA 1:77

Si igochi bikyik naet ne bo yetunet Eng’ nyoetab kaat ne bo tengekwogikwak,

LUKA 2:30

Amu kagogeer konyekyuk yetuneng’ung’,

JOHANA 4:22

Osae ne mongen: kisae achek ne kingen: amu bunu yetunet Yahudik.

JOHANA 5:23

si kobiit koteech tugul Werit, ko u ye teechei Kwanda. Inendet ne mateechei Werit ko mateechei Kwanda ne kiiyok inendet.

POISYONIGAP CHE KIYOKTOI 4:12

Ama mi yetunet eng’ chito age: amu mami kainet age eng’ kureretab kipsengwet, ne kigigochi bik, ne kanyol kesorunenech.

2 KORINTOEK 5:19

kele kimi Jehovah eng’ Kristo kotuitos ng’ony ak inendet, ko maiityin ichek yaitwogikwak, ko kagogonech ng’olyotab katuiyet.

EPESOEK 2:22

kigiteechak ak okwek oegu agenge eng’ inendet, ole menyei Jehovah eng’ Tamirmiriet.

NG'ATUTIK 10:21

Inendet kalosuneng’ung’, ak ko Kamuktaindeng’ung’, ne kiyaun tuguchu eechen che bo kamuiset, che kiigeer.

PILIPIK 2:11

si kong’any ng’elyepta age tugul kole Jesu Kristo ko Kiptaiyat, agoi torornatetab Jehovah Kwanda.

PILIPIK 4:13

Amuchi ayai tuguk tugul eng’ inendet ne igimita.

KOLOSAIK 2:9

amu menyei eng’ inendet eng’ borto nyiiet tugul ne bo Jehovah,

NG'ANG'UTYET 15:3

Ak kotieni ichek tiendab Musa otwogindetab Jehovah, ak tiendab Aruet, kolen, Eechen boisioniguk ak ko bo kwong’et, ee, Kiptaiyat Jehovah, Kamuktaindet; bo imanda ak ko bo iman ortinweguk, inye Laitoriatab bororiosiek.

NG'ANG'UTYET 19:1

Kingobata tuguchu, agas kit ne u kutit ne o ne bo tuiyet ne o eng’ kipsengwet, kole, Haleluya. Bo Jehovah nenyo yetunet, torornatet, ak kamuktaet;

KIRUOGIK 5:21

Kiib ainetab Kison ichek, Ainonoto bo keny, ainetab Kison. Ee sobondanyun, ui tai eng’ kimnatet.