KOMONG'U 12:3 - BUKUIT NE TILIL

³ Omwachi tuiyet komugul ne bo Israel olenji, Ingonam chi age tugul aruet eng’ betutab taman ne bo arawani, ko u ole te gorikab kwanisiekwak, aruet eng’ got age tugul:

Bukuit Ne Tilil

³ Omwachi tuiyet komugul ne po Israel oleenji eng' peetuutap taman ne po arawani, konam chii age tugul eng' koot age tugul aarwet ko uu ole tee kooriigap kwanisyekwak.

BUKUIT NE TILIIL Sireet ne Dutero Kanon

³ Omwachi tuiyet komugul ne po Israel oleenji eng' peetuutap taman ne po arawani, konam chii age tugul eng' koot age tugul aarwet ko uu ole tee kooriigap kwanisyekwak.

KOMONG'U 12:3 ပူးပေါင်းရင်းမြစ်များ

TAUNET 22:8

Ak kilenji Abraham, Werinnyu, cheng’jingei Kamuktaindet aruetab kechir ne egu kagochinet ne kibeelei: yeityo koba tuwai.

TAUNET 4:4

Ak kikwerichi Abil agine che kigitwatei che bo akwennyi che akwaen. Ak kicham Jehovah Abil ak kagochinennyi.

2 ATEPTAP PEETUUSYEK 35:7

Ak kiigochi Josia bik, che bo akwetab kechirek, arekab kechir ak che bo ng’ororek, kobunji choto tugul che bo kagochinoikab Paska, kogochi bik tugul che kimi yoto; kiek tugul elfusiek sosom, ak kirugik elfusiek somok: ki bo laitoriat chuto.

KOMONG'U 12:2

Egu arawani taunetab arawek eng’ okwek: egu arawet ne bo tai ne bo kenyit eng’ okwek.

KOMONG'U 12:21

Kiguur anyun Musa boisiek tugul che bo Israel, kolenji, Oba olewenote eng’ akwetab kechirek kobeeate gab chi, ak oeny koek tiseiywotab paska.

KOMONG'U 12:4

ak ngo ng’ering’ bik eng’ gab chi eng’ aruanato, ko kanyol anyun koyomogei chitab goyoto ak chito ne rubegei gonnyi ak nenyinet, ko u koitetab bik; oiityi got age tugul che te che imuchi koam chi.

KOMONG'U 12:6

ak otaban agoi koit betutab taman ak ang’wan ne bo arawanito: si koeny tuiyet komugul ne bo Israel aruanato koskoleny.

KOMONG'U 14:15

Ak kilenji Jehovah Musa, Amu nee si irirja? Ilenji lagokab Israel koba tai.

KOMONG'U 20:19

Ak kilenji ichek Musa, Ng’alalwech inye, si kegasin: ago amengong’alalwech Kamuktaindet si ma kibegu.

KOMONG'U 4:30

ak kimwa Aron ng’alek tugul che kiga komwachi Jehovah Musa, ak kiyai kaborunoik eng’ taitab bik.

KOMONG'U 6:6

Ilenji anyun lagokab Israel amu noto, A JEHOVAH, ak amoong’wok omong’une laisetab Misrik, ak asoruok eng’ otwognatenywa ak atiachak eng’ eut ne chuulat, ak eng’ kiruogutik che eechen:

EZEKIEL 40:1

Kimi baragunnyu eutab Jehovah eng’ kenyitab tiptem ak mut, koboch ngab keluulech, eng’ taunetab kenyit, eng’ betutab taman ne bo arawet, eng’ kenyitab taman ak ang’wan koboch ngab kebar nganaset, ak komutwa anyo oloto eng’ betunoto.

ATEPTAP LAWIK 1:2

Mwachi lagokab Israel ilenji, Ye igoitoi chi age tugul eng’ okwek kagochinet, kogochin Jehovah, ogoitoi che bo akwotisiekwok, che bo tuga ak che bo nego.

ATEPTAP LAWIK 5:6

ak koib kagochinetab chalwoktanyi, koipchi Jehovah amu tengektanyi ne kogoyai, subendo ne bunu akwet, ngo aruetab kechir anan ko ne bo ng’oror, koek kagochinetab tengekto; ak koyai tisiindet kagaigaet agobo inendet amu tengektanyi.

KAITOSYEK 15:11

Kiyachin ko u noto kirgit age tugul, anan mengit age tugul, anan aruet age tugul ne bo kechir ne mengit, anan aruetab ng’oror.

JOHANA 1:29

Eng’ betut ne bo aeng’ kogeer Johana Jesu konyonjin, ak kole, Ogeero, Aruet ne bo Jehovah, ne ibei tengektab ng’ony!

JOHANA 1:36

ak kigeerot inendet Jesu kowendoti, ak kole, Ogeero, Aruet ne bo Jehovah!

JOHANA 12:1

Ak kingota komi betusiek lo si koit paska konyo Jesu Bertania, ole kimi Lasaro, ne kiing’eeti Jesu komong’ eng’ che kibek.

JOHANA 12:12

Ak eng’ betut ne kiisubi noto, ye kingogas tuiyet ne o ne bo bik che kigabwa igorta, kole nyonei Jesu Jerusalem,

1 KORINTOEK 5:7

Ounde mermerek che bo keny, si kobiit oegu kererutiet ne leel, ko u ye mami mermerek eng’ okwek. Amu kigeeny agine aruennyo ne bo Paska, noto ko Kristo:

JOSHUA 7:14

Kimutwok karon origu kobee bororiosiekwok: ak korik bororiet ne namei Jehovah kobee ortinwekwak: ak korik oret ne namei Jehovah kobee gorikwak: ak got ne kanam Jehovah korigu chito agenge agenge.

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

1 SAMUEL 7:9

Ak kinam Samuel aruetab kechir ne reriei, ak kogoito koek kagochinet ne kibeeljin Jehovah komugul: ak kirirji Samuel Jehovah agobo Israel; ak kiwolji Jehovah inendet.