KIRUOGIK 9:5 - BUKUIT NE TILIL

⁵ Ak kiwa gotab kwandanyi eng’ Opra, ak kibarji koita agenge tupchosiekyik werikab Jerubaal, che ki bik tamanwogik tisab: ago king’et Jotam werit ne ming’in ne bo Jerubaal; amu kiunygei.

Bukuit Ne Tilil

⁵ Ki wo anyun kootap kwandanyi eng' Ophrah, ak kibarchi koita agenge tupchosyekyik, weeriigap Jerubaal, chooto tamanwogik tisap. Ago kichilil Jotham weeriit ne ming'in ne po Jerubaal, amu kiunygei.

BUKUIT NE TILIIL Sireet ne Dutero Kanon

⁵ Ki wo anyun kootap kwandanyi eng' Ophrah, ak kibarchi koita agenge tupchosyekyik, weeriigap Jerubaal, chooto tamanwogik tisap. Ago kichilil Jotham weeriit ne ming'in ne po Jerubaal, amu kiunygei.

KIRUOGIK 9:5 ပူးပေါင်းရင်းမြစ်များ

1 LAITORINIK 1:12

Nyo anyun, asomin ale, ngang’omitin, si kobiit isoru sobondang’ung’, ak sobondab wering’ung’ Solomon.

1 LAITORINIK 1:21

Anan ngot ko ma u noto, ko ye kagoru kiptaiyandennyu laitoriat koboto kwanisiekyik, kiita ane ak werinnyu Solomon keegu ngelelik.

2 LAITORINIK 10:17

Ak kingoit Samaria, kobar bik tugul che kiga ng’etyi Ahab eng’ Samaria, agoi koges inendet ko u ng’olyotab Jehovah, ne kimwachi Elija.

2 LAITORINIK 10:7

Ak kingoit baruet oldanywa, konam werikab laitoriat ak kobar, che ichek ko ki bik tamanwogik tisab, ak konde metowekwak kitongok, ak koyoktochi inendet eng’ Jesreel.

2 LAITORINIK 11:3

Ak kitebi ak inendet, kounyegei eng’ gotab Jehovah kenyisiek lo: ak kilaitoran Atalia koboi emet.

2 ATEPTAP PEETUUSYEK 21:4

Ak kingong’eet Jeoram konam bounatetab kwandanyi, ak kogimitgei, kobar tupchosiekyik tugul eng’ rotwetab chok, ak alak che bo bounikab Israel.

MATAYO 2:16

Kingogeer Herod anyun, kole, kigong’al inendet bik che ng’omen, konerech mising’, ak kiiyokto, kebar lagok tugul che ng’etik che mi Betlehem, ak eng’ tabanwekyik tugul, koboch che bo kenyisiek aeng’ ak che tomo koit choto, eng’ betut ne kigine bik che ng’omen.

MATAYO 2:20

kolenji, Ng’eet, imut lakwet ne ming’in ak kamet, oba emetab Israel; amu kogobek che kicheng’ei kobar lakwanato ming’in.

KIRUOGIK 6:11

Ak kinyo malaikaiyatab Jehovah, ak kotebe ketit kel ne kimi Opra, ne ki bo Joas Abiesrindet: ak kituei werinnyi Gideon nganok eng’ ole kitue sabibuk, si kobiit kouny nganochoto eng’ Midianik.

KIRUOGIK 6:24

Koteekyi Gideon anyun Jehovah kaptisisiet eng’ yoto, ak koguure Jehovah-salom: mitei agoi kora eng’ Opra ne bo Abiesrik.

KIRUOGIK 8:30

Ak kitinyei Gideon werik tamanwogik tisab che kisichei: amu kitinyei osotik che chang’.

KIRUOGIK 9:18

ak kong’eetyi gotab baba ra, ak kaobar werikyik, bik tamanwogik tisab eng’ koita agenge, ak kaoyai Abimelek, weritab otwogindennyi ne chepto, koek laitoriat eng’ bikab Sekem, amu inendet ko ne otupche;)

KIRUOGIK 9:2

Kaigai omwachi bik tugul che bo Sekem kogas ngo mie eng’ okwek koboiywok werik tugul che bo Jerubaal che tamanwogik tisab, anan boiywok agenge? Obwat kogeny ole a kowekwok ak ko a banyekwok.

KIRUOGIK 9:6

Ak kiiyumgei bik tugul che bo Sekem, ak got tugul ne bo Milo, ak koba koyai Abimelek koek laitoriat, eng’ ole negite ketitab toloita ne kimi Sekem.