KIRUOGIK 8:12 - BUKUIT NE TILIL

¹² Ak kimwei Seba ak Salmuna; ak kion ichek; ak kinam laitorinichoto aeng’ bo Midian, Seba ak Salmuna, ak kiimu lugonoto tugul.

Bukuit Ne Tilil

¹² Ki mwei Seba ak Salmuna. Ki oon `ineendet icheek; ki nam laitorinichooto aeng' po Midian koek piik che ratotiin, Seba ak Salmuna, ak ye kingo kagenam koaragen miising' lugonooto tugul.

BUKUIT NE TILIIL Sireet ne Dutero Kanon

¹² Ki mwei Seba ak Salmuna. Ki oon `ineendet icheek; ki nam laitorinichooto aeng' po Midian koek piik che ratotiin, Seba ak Salmuna, ak ye kingo kagenam koaragen miising' lugonooto tugul.

KIRUOGIK 8:12 ပူးပေါင်းရင်းမြစ်များ

Kitabuutap JOB 34:19

Kotam nee anyun eng’ inendet ne magonyiti bounik, Ne mageerei magorek kosiir kibananok? Amu boisionikab eunekyik ichek tugul.

TIENWOGIKAL 83:11

Yachi bikwak che toogunotin kogergeit ak Oreb ak Seeb; Ee, yachi bounikwak tugul kogergeit ak Seba ak Salmuna:

ISAIAH 9:3

Kiites bororiet, kiites boiboiyenywa: boiboitu eng’ taing’ung’ ko u boiboiyet ne bo kesisiet, ko u bik che boiboitu ye pchei barunenik.

AMOS 2:14

Ak kobetyi chepchebindo che mweei, amaigimiti che kimen kimnatenywa, ama sorugei ne nyigan:

HABAKUK 3:7

Kiageer emaisiekab Kusan komi nyalilda: Kibotanso tuguk che kioiye emet che bo Midian.

KIRUOGIK 8:11

Ak kitogosta Gideon kobun oretab bik che kimenyei emaisiek eng’ komostab kong’asis ne bo Noba ak Jogbea, ak kibar luget; amu kimi luget eng’ kalyet.

KIRUOGIK 8:13

Ak kiweek Gideon weritab Joas eng’ luget kobun ole kitogostoe ne bo Heres.