KIRUOGIK 7:22 - BUKUIT NE TILIL

²² Ak kiguut igondisiechoto bogol somok, ak kogochi Jehovah kobar chi age tugul chito ne kaonei, ak kobargei ak luget tugul: ak kimwei luget kot koit Bet-sita kotokyigei Serera, kot koit kiwotetab Abel-meola, ole negite Tabat.

Bukuit Ne Tilil

²² Ye ki kiguute igondisyechooto pogol somok, kogoochi Kamuktaindet ne Toroor kobar chii age tugul chiito ne kaonei eng' nganaseet tugul. Kimwei lugeet kot koit Beth-sita kotokyigei Serera, agoi kiwotetap Abel-meolah ole neegitee Tabat.

BUKUIT NE TILIIL Sireet ne Dutero Kanon

²² Ye ki kiguute igondisyechooto pogol somok, kogoochi Kamuktaindet ne Toroor kobar chii age tugul chiito ne kaonei eng' nganaseet tugul. Kimwei lugeet kot koit Beth-sita kotokyigei Serera, agoi kiwotetap Abel-meolah ole neegitee Tabat.

KIRUOGIK 7:22 ပူးပေါင်းရင်းမြစ်များ

1 LAITORINIK 19:16

ak iil Jeu weritab Nimsi koek laitoriat eng’ Israel; ak iil Elisha weritab Sapat ne bo Abel-meola koek maotiot kogeerin.

1 LAITORINIK 4:12

Baana weritab Ailud, eng’ Taanak ak Megido, ak Bet-sean tugul ne negite Saretan, ne mi atebwetab Jesreel, koboch Bet-sean agoi Abel-meola, agoi koit bitetab Jokmeam:

2 ATEPTAP PEETUUSYEK 20:23

Amu kitononso lagokab Amon ak Moab kobargei ak che kimenyei tulwetab Seir, kobar koges ak kong’em: ak ye kingo kagoges che kimenyei Seir, kotoret chi tugul kobar chito ne kami tuwai.

TIENWOGIKAL 83:9

Yachi ichek ko u ye kiiyachi Midian; Ko u ye kiiyachi Sisera, ak Jabin, eng’ ainet Kison:

ISAIAH 19:2

Ak ang’eet Misrik kobargei ak Misrik: ak kobargei chi tugul ak tupchennyi, ak kobargei chi tugul ak chitab kokwennyi; baregei nganaset age ak age, ak kobargei bounatet age ak age.

ISAIAH 9:3

Kiites bororiet, kiites boiboiyenywa: boiboitu eng’ taing’ung’ ko u boiboiyet ne bo kesisiet, ko u bik che boiboitu ye pchei barunenik.

ISAIAH 9:4

Amu koiiri chogitab lautiennyi, ak siaritab tigikyiennyi, ak kiroktab usindennyi, ko u eng’ betusiekab Midian.

EZEKIEL 38:21

Ak aguur rotwetab chok kobargei ak inendet agoi tulonokyuk tugul, mwaei Kiptaiyat Jehovah: baregei chi tugul ak tupchennyi.

HABAKUK 3:14

Kiitoore kiplitokyik kandoindetab bikyik che bo luget: Kibwa ko u kipchurjuriet kole koseera: Ki u boiboindanywa che amei kibananok eng’ ung’ot.

HAGGAI 2:22

ak agabui ng’echeretab laitornatet ne bo bounatosiek, ak ang’eme kimnatetab bounatosiekab bororiosiek; ak agabui karisiek che bo luget, koboto che lanyei; ak kobutyo mbartanyisiek koboto che lanyei, kibarei age tugul eng’ rotwetab chok ne bo tupchennyi.

SEKARIA 14:13

Bunu Jehovah eng’ betunoto wasetab ge ne o, ne nyonei kwenunywa; ak konam age tugul eng’ ichek eutab chitab kokwennyi, ak kobargei inendet ak chitab kokwennyi.

2 KORINTOEK 4:7

Ago kitinye konoruani eng’ terenik che bo ng’ung’unyek, si kobiit kobunji Jehovah oindo ne siirtoot mising’ ne bo kamuktaet, ago ma achek;

JOSHUA 3:16

kotononso anyun beek che bunu meto koba barak, kototen eng’ ole loo, eng’ Adam, nganaset ne negite Saretan: ak beek che kichortagei koba araraitab Araba, noto ko Araraita ne bo Munyuk, ko kiigestagei: kolanda anyun bik kolong’ji ole tokyingei Jeriko.

JOSHUA 6:16

Ak eng’ ne bo tisab, ko kiguutei tisiik igondisiek, kolenji Josua bik, Owaach anyun: amu kagogonok Jehovah nganasani.

JOSHUA 6:20

Kowaach anyun bik, ak koguut tisiik igondisiek, ak kingogas bik cheetab igondit, kowaach bik eng’ waagat ne o, ak kolul irimet kobutyi ng’ony, kot kolany bik koba nganaset orit, kwo chi tugul tai kotoorjigei ye kageerei, ak kinam nganaset.

JOSHUA 6:4

Ak koib tisiik tisabu igondisiek tisab che bo kuinoikab mengichik eng’ taitab moinget: ak eng’ betut ne bo tisab oyiem nganaset konyil tisab, koguut tisiik igondisiek.

1 SAMUEL 18:19

Ago eng’ betut ne kita kigochin Merab Daudi cheptab Saul, kigochi Adriel Meolatindet kotun.