KIRUOGIK 7:20 - BUKUIT NE TILIL

²⁰ Ak kiguut kweanaichoto somogu igondisiek, ak kotui terenik, ak koname eunekab katam kegenganikab mat, ak konam igondisiek eng’ eunekwak che bo tai si koguut: ak kiwaach kole, Rotwetab chok ne bo Jehovah ak ne bo Gideon.

Bukuit Ne Tilil

²⁰ Ki kuut kweanaichooto somogu igondisyek, ak kotui tereenik. Kiname eunegap kaataam kegenganigap maat ak konam igondisyek eng' eunekwak che po tai si koguut; ak kiwaach kole, “Rotwetap chok ne po Kamuktaindet ne Toroor ak ne po Gideon.”

BUKUIT NE TILIIL Sireet ne Dutero Kanon

²⁰ Ki kuut kweanaichooto somogu igondisyek, ak kotui tereenik. Kiname eunegap kaataam kegenganigap maat ak konam igondisyek eng' eunekwak che po tai si koguut; ak kiwaach kole, “Rotwetap chok ne po Kamuktaindet ne Toroor ak ne po Gideon.”

KIRUOGIK 7:20 ပူးပေါင်းရင်းမြစ်များ

ISAIAH 27:13

Ak tun kiguutei iriaget ne o eng’ betunoto; ak tun bwanei che ki negit kolusyo eng’ emetab Asuria, koboto che kigetimda eng’ emetab Misri; ak tun ilosu Jehovah eng’ tulwet ne tilil eng’ Jerusalem.

JEREMIA 47:6

Ee, inye rotwetab chok ne bo Jehovah, tianitu si tun isis? Weekyige chogeng’ung’; imuuny, ak isis.

1 KORINTOEK 15:52

eng’ ne matia, eng’ kamismisetab konda, eng’ iriaget ne bo let: amu cheei iriaget, si king’eet che kigobek ko ma kotinyei nunet, ak kewalech.

2 KORINTOEK 4:7

Ago kitinye konoruani eng’ terenik che bo ng’ung’unyek, si kobiit kobunji Jehovah oindo ne siirtoot mising’ ne bo kamuktaet, ago ma achek;

1 THESSALONIKEK 4:16

Amu chorugei Kiptaiyat inendet eng’ kipsengwet, koboto twegunet ne o, ak kutitab malaikaiyat ne o, ak iriagetab Jehovah: ak isib kong’eetos che kibek eng’ Kristo:

HEBRANIK 11:4

Kiigochi Abil Jehovah eng’ kayanet tiseiywot ne mie kosiir ne bo Kaen, ne kigibaorianjine inendet kele ki bo imanda, ak kibaorian Jehovah agobo kagochinoikyik: ak eng’ noto, agot nganda kigome ko ta kong’alali.

JOSHUA 6:16

Ak eng’ ne bo tisab, ko kiguutei tisiik igondisiek, kolenji Josua bik, Owaach anyun: amu kagogonok Jehovah nganasani.

JOSHUA 6:20

Kowaach anyun bik, ak koguut tisiik igondisiek, ak kingogas bik cheetab igondit, kowaach bik eng’ waagat ne o, ak kolul irimet kobutyi ng’ony, kot kolany bik koba nganaset orit, kwo chi tugul tai kotoorjigei ye kageerei, ak kinam nganaset.

JOSHUA 6:4

Ak koib tisiik tisabu igondisiek tisab che bo kuinoikab mengichik eng’ taitab moinget: ak eng’ betut ne bo tisab oyiem nganaset konyil tisab, koguut tisiik igondisiek.

2 PETERO 1:15

Ee, agiilige si ye tun kaame omuch obwat tuguchu tugul eng’ boroindo age tugul.

KIRUOGIK 7:19

Kiit anyun Gideon ak bichoto bogol che kimi koboto inendet, ole boch nganaset eng’ taunetab ripset ne bo kemoi kwen, ye kata kewale ripset: ak kiguut igondisiek, ak kotui terenik che kimi eunekwak.

KIRUOGIK 7:21

Ak kitonon chi tugul eng’ komostanyi ko kayiem nganaset: ak kiibokto luget tugul: ak kowaach ak koon bichoto.

1 SAMUEL 11:11

Ak kingoeech kopcheune Saul bik kweanaik somok; ak kiit kwenutab nganaset eng’ ripset ne bo karon, ak kibar Amonik kot kong’wanit asis: ak kiyesta che kiga ng’et, kot ko mata kenyorji aeng’ komosta agenge.