KIRUOGIK 6:21 - BUKUIT NE TILIL

²¹ Ak kiiyogoito malaikaiyatab Jehovah walitab kirokto ne kitinyei eng’ eunnyi, ak kotwae banyechato ak makatinichato ma kinde mermerek; ak kitogosta mat eng’ koyata, kobeel banyek ak makatinichato ma kinde mermerek; yeityo kobetito kwo malaikaiyatab Jehovah eng’ tainnyi ne mata kogeer.

Bukuit Ne Tilil

²¹ Ki iyogoito malaikaiyatap Kamuktaindet ne Toroor walitap kirokto ne ki tinyei eng' eunnyi ak kotwae panyechooto ak magatinichooto ma kinde mermereek. Ki togosta maat eng' koyata ak kobeel panyeek ak magatinichooto ma kinde mermereek. Yeityo kobetito kwo malaikaiyatap Kamuktaindet ne Toroor eng' tainnyi ne mata kogeer.

BUKUIT NE TILIIL Sireet ne Dutero Kanon

²¹ Ki iyogoito malaikaiyatap Kamuktaindet ne Toroor walitap kirokto ne ki tinyei eng' eunnyi ak kotwae panyechooto ak magatinichooto ma kinde mermereek. Ki togosta maat eng' koyata ak kobeel panyeek ak magatinichooto ma kinde mermereek. Yeityo kobetito kwo malaikaiyatap Kamuktaindet ne Toroor eng' tainnyi ne mata kogeer.

KIRUOGIK 6:21 ပူးပေါင်းရင်းမြစ်များ

1 LAITORINIK 18:38

Kochorgei anyun matab Jehovah; ak kobeel kagochinet ne kibeelei, koges, ak kwenik, ak koik, ak ng’ung’unyek, ak kobeel beek che kimi keringet kobek.

1 ATEPTAP PEETUUSYEK 21:26

Ak kiteekyi Daudi Jehovah kaptisisiet eng’ yoto, ak kiigoito kagochinoik che kibeelei ak kagochinoikab kalyet, ak kisa Jehovah; ak kiwolji inendet eng’ kipsengwet eng’ mat ne kichorjigei kaptisisiet ne bo kagochinet ne kibeelei.

2 ATEPTAP PEETUUSYEK 7:1

Ak kingoges Solomon saet, kochorgei mat eng’ kipsengwet, ak kobeel kagochinet ne kibeelei ak korosek; ak kinyi got lilindab Jehovah.

ISAIAH 38:7

Ak egu ni kaborunet eng’ inye ne bunu Jehovah, kele yaei Jehovah kii kagomwa:

ATEPTAP LAWIK 9:24

Ak kimong’ mat kobunu taitab Jehovah, ak kobeel kagochinet ne kibeelei ak mwanik eng’ kaptisisiet: ak ye kingogeer bik tugul, kowaach, ak kobutyo kot kotiiny togochikwak ng’ony.

KIRUOGIK 13:19

Kiib anyun Manoa aruanato koboto kagochinetab busiek, ak kogoito eng’ koita barak kogochi Jehovah: ak kiyai malaikaiyandanato ne kikwong’e, ak kigeerot Manoa koboto osotiondennyi.

KIRUOGIK 13:20

Amu ye kitogosta liblibenetab mat kotokyigei kipsengwet kobunei kaptisisiet, kotogostae malaikaiyatab Jehovah liblibenonato bo mat ne bo kaptisisiet: ak kigeerot Manoa koboto osotiondennyi; ak kiing’urukso ichek kot kotiiny ng’ony togochikwak.

KIRUOGIK 6:20

Ak kilenji malaikaiyatab Kamuktaindet inendet, Inemu banyek ak makatinik che ma kinde mermerek, ak inde koi, ak irong’u sutek. Ak kiyai ko u noto.