KIRUOGIK 6:13 - BUKUIT NE TILIL

¹³ Ak kilenji Gideon inendet, Bwa kiptaiyandennyu, ngot komi Jehovah kobotech, ko amu nee si kobwanjech tuguchu tugul? Ak mi ano boisionikyik tugul che bo kwong’et che kimwawech kwanisiekyok, kolenjech, Tos kima imutwech Jehovah ketogosu eng’ Misri? Ago kigobagaktech Jehovah, ak kondeech eunekab Midianik.

Bukuit Ne Tilil

¹³ Ak ki leenji `Gideon ineendet, “Ee, Kiptaiyandennyu, ngot komi Kamuktaindet ne Toroor kobootech, ko amu nee si kobwanjech tuguuchu tugul? Mi ano poisyonikyik tugul che po kwong'eet che kimwaiwech kwanisyekyok, koleenjech, ‘Tos ki ma imutwech Kamuktaindet ne Toroor ketogosu eng' Misiri?’ Ago ki kobagaktech Kamuktaindet ne Toroor ak kondaech eunegap Midianik.”

BUKUIT NE TILIIL Sireet ne Dutero Kanon

¹³ Ak ki leenji `Gideon ineendet, “Ee, Kiptaiyandennyu, ngot komi Kamuktaindet ne Toroor kobootech, ko amu nee si kobwanjech tuguuchu tugul? Mi ano poisyonikyik tugul che po kwong'eet che kimwaiwech kwanisyekyok, koleenjech, ‘Tos ki ma imutwech Kamuktaindet ne Toroor ketogosu eng' Misiri?’ Ago ki kobagaktech Kamuktaindet ne Toroor ak kondaech eunegap Midianik.”

KIRUOGIK 6:13 ပူးပေါင်းရင်းမြစ်များ

TAUNET 25:22

Ak kiibelgei lagok eng’ moennyi; ak kile, Ngot ko u noto, ko kalya si ateb ko u ni? Ak kiwa koteebe Jehovah.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

TIENWOGIKAL 27:9

Ameung’ena togeng’ung’; Ameiste kiboitiondeng’ung’ eng’ neregek: Kiiegu toretindennyu; Ameona, amemeta, ee Kamuktaindetab yetunennyu.

TIENWOGIKAL 44:1

Kigegas eng’ itikyok, ee Kamuktaindet, kigomwawech kwanisiekyok, Boisiosiek che kiiyai eng’ betusiekwak che ki bo keny.

TIENWOGIKAL 44:2

Kole, Kiion bororiosiek eng’ eung’ung’, ak kiigochi komeny oloto; Ak kiinyalil inye bik, ak kiiyeste.

TIENWOGIKAL 44:9

Ago kaibagaktech, ak kaigonech kililanse; Ama iwe inye koboto lugosiekyok.

TIENWOGIKAL 89:49

Ee, Kiptaiyat, mi ano rirenosieguk che bo keny, Che kiiyosiechi Daudi eng’ imandang’ung’?

ISAIAH 41:17

Cheng’ei beek bik che bonon ak che matinyei kiy, ago mami, ak koyaamei ng’elyepta amu melelda; awoljini, ane Jehovah, mametoi ane Kamuktaindetab Israel.

ISAIAH 63:11

Kiibwat anyun betusiek che bo keny, Musa, ak bikyik, kole, Mi ano inendet ne kiimut ichek kolong’une nyanjet koboto mestowek che bo akwennyi? Mi ano inendet ne kiinde Tamirmiriennyi ne tilil kwenunywa,

ISAIAH 63:15

Keer anyun ng’ony eng’ kipsengwet, ak igeer eng’ meng’otetab tililindang’ung’ ak ko bo torornateng’ung’. Mi ano kagiileng’ung’ bo ge ak boisioniguk che bo kamuktaet? Kaietena rirenetab muguleldang’ung’ ak rirenosieguk.

JEREMIA 23:33

Ak ye teebenen bichu, anan ko maotiot, anan ko tisiindet, kolenjin, Nee lautietab Jehovah? Imwachi anyun ilenji, Okwek lautiet! Atimdook, mwaei Jehovah.

ROMANIK 8:31

Kimwae nee anyun eng’ tuguchuto? Ngo mi Jehovah komostanyo, ko ng’o ne kirindaech?

NG'ATUTIK 29:24

ak kole bororiosiek tugul, Amu nee si koyachi Jehovah ko u ni emoni? Iboru nee mai bo neregechu ng’wonen?

NG'ATUTIK 31:17

Kolal anyun nereknatennyu eng’ betunoto agobo ichek, yeityo abagakte, ak auny togennyu, ak kiwong’ ichek, ak kobwanji yaitwogik ak nyalilwogik che chang’; ak kole eng’ betunoto, Tos mabwanjech yaitwogtichu amu mami Kamuktaindennyo kobotech?

KIRUOGIK 6:1

Ak kiyai lagokab Israel yaitiet eng’ taitab Jehovah: ak kiinde Jehovah ichek eunekab Midian kenyisiek tisab.

KIRUOGIK 6:12

Ak kimong’ji inendet malaikaiyatab Jehovah, ak kolenji, Mi Jehovah koboten, inye chito ne i kim ak ko i nyigan.