KIRUOGIK 6:12 - BUKUIT NE TILIL

¹² Ak kimong’ji inendet malaikaiyatab Jehovah, ak kolenji, Mi Jehovah koboten, inye chito ne i kim ak ko i nyigan.

Bukuit Ne Tilil

¹² Ak ki mong'ji ineendet malaikaiyatap Kamuktaindet ne Toroor ak koleenji, “Mi Kamuktaindet ne Toroor kobooten, inyee chiito ne ii kiim ak ko ii nyigan!”

BUKUIT NE TILIIL Sireet ne Dutero Kanon

¹² Ak ki mong'ji ineendet malaikaiyatap Kamuktaindet ne Toroor ak koleenji, “Mi Kamuktaindet ne Toroor kobooten, inyee chiito ne ii kiim ak ko ii nyigan!”

KIRUOGIK 6:12 ပူးပေါင်းရင်းမြစ်များ

KOMONG'U 3:12

Ak kile Jehovah, Amu ami koboten iman; ni kaborunet ne inae ile kayokten: ye kaimoong’u bik eng’ Misri, oboisiechi Kamuktaindet eng’ tulwoni.

MATAYO 1:23

Ogeero, manachi bergeiyat, ak kosich werit, ak keguure kainennyi Imanuel; ye kiweech ko ni, Mi Jehovah kobotech.

MATAYO 28:20

onet ichek kosub tuguk tugul che kaang’atak: ak ogeero, ami kobotok eng’ betusiek tugul, agoi kagesunetab ng’ony.

LUKA 1:11

Ak kimong’ji malakaiyatab Kiptaiyat kotonone komostab tai ne bo kapkorosut ne kibeele nyamdutik.

LUKA 1:28

Ak kinyo ole mi cheboto, ak kolenji, Chamge, inye ne i chamat mising’, mi Kiptaiyat koboten.

NG'ATUTIK 20:1

Ye iwe obarge ak buniguk, ak iro mbartanyisiek, ak karisiek, ak bik che chang’ kosiirok, ko mat iywei: amu mi Jehovah Kamuktaindeng’ung’ koboten, ne kiimutun imong’u eng’ emetab Misri.

JOSHUA 1:5

Mabiitu chi ne imuchi kotonon eng’ taing’ung’ betusiek tugul kote isobe: ko u ye kiami koboto Musa, ko u noto ami koboten: mametoin, anan abagakten.

JOSHUA 1:9

Tos ma ane ne kiang’atin? Kimitu ak inyiganitu mising’; ameiywei, anan itoptoben: amu mi Jehovah Kamuktaindeng’ung’ koboten eng’ ui tugul ole iwendi.

KIRUOGIK 11:1

Ki nyiganet ne kim Jepta Gileadindet, ago ki weritab chepkugoniot: ak kisich Gilead Jepta.

KIRUOGIK 13:3

Ak kimong’ji malaikaiyatab Jehovah kwonyoto, ak kolenji, Keero, i son, ma isigisie: ago imanachi, ak isich werit.

KIRUOGIK 2:18

Ak kingong’eetyi Jehovah kiruogik, ko kimi Jehovah koboto kiruogindet, ak kosor ichek eng’ eunekab bunikwak eng’ betusiek tugul che bo kiruogindonoto: kirire Jehovah amu tigenenywa amu ichek che kiinyalili ichek ak koiimi.

KIRUOGIK 6:11

Ak kinyo malaikaiyatab Jehovah, ak kotebe ketit kel ne kimi Opra, ne ki bo Joas Abiesrindet: ak kituei werinnyi Gideon nganok eng’ ole kitue sabibuk, si kobiit kouny nganochoto eng’ Midianik.

KIRUOGIK 6:13

Ak kilenji Gideon inendet, Bwa kiptaiyandennyu, ngot komi Jehovah kobotech, ko amu nee si kobwanjech tuguchu tugul? Ak mi ano boisionikyik tugul che bo kwong’et che kimwawech kwanisiekyok, kolenjech, Tos kima imutwech Jehovah ketogosu eng’ Misri? Ago kigobagaktech Jehovah, ak kondeech eunekab Midianik.

RUTH 2:4

Ak ogeero, kinyo Boas eng’ Bet-lehem, ak kolenji bik che kesisiei, Ingoteb Jehovah kobotok. Ak kiwolji ichek kolenji, Ingoberurin Jehovah.

1 SAMUEL 10:7

Ak ye bwanjin kaborunoichu, iyai ko u ye kenyoru boroindo; amu mitei Kamuktaindet koboten.