KIRUOGIK 5:31 - BUKUIT NE TILIL

³¹ Ingobetyo anyun buniguk tugul, ee Jehovah: Ago ingoigei che chamei inendet asista, ye choru eng’ kimnatennyi. Ak kiimuuny emet eng’ kenyisiek artam.

Bukuit Ne Tilil

³¹ Ingobek kowong'kei puuniguk tugul, ee Kamuktaindet ne Toroor! Ago ingoigei che chamei ineendet asiista, ye charu eng' kimnateennyi!” Ki piit kaalyeet anyun eng' emet kenyiisyek artam.

BUKUIT NE TILIIL Sireet ne Dutero Kanon

³¹ Ingobek kowong'kei puuniguk tugul, ee Kamuktaindet ne Toroor! Ago ingoigei che chamei ineendet asiista, ye charu eng' kimnateennyi!” Ki piit kaalyeet anyun eng' emet kenyiisyek artam.

KIRUOGIK 5:31 ပူးပေါင်းရင်းမြစ်များ

2 SAMUEL 18:31

Ak ogeero, kiit Kusindet; ak kile Kusindet, Ng’alek che bo kiptaiyandennyu laitoriat: amu kayooktoun Jehovah rani mugetut eng’ tugul che koga ng’eetyo kole obarge.

2 SAMUEL 18:32

Ak kilenji laitoriat Kusindet, Chamegei nerananato Absalom? Ak kiwolji Kusindet kole, Ingoigei bunikab kiptaiyandennyu laitoriat, ak bik tugul che ng’eetyinin kole kobarin, kit ne kaigei nerananato.

2 SAMUEL 23:4

Ko kergeitu ak lapkeiyet ne bo karon, ye choru asista, Karonet ne churat; Ye bitos suswek che ng’orng’oren, Eng’ kaluunet ne lapkei ko kamoen ropta.

TIENWOGIKAL 19:6

Itei choruennyi tabandab kipsengwet, Ak itei yiemutiennyi tabanwekab kipsengwet: Ak mami kiy ne ung’egei mannyi.

TIENWOGIKAL 20:8

Kagong’urukso ak kobutyo: Ago achek ko kageng’eetye, ketononse.

TIENWOGIKAL 37:6

Yaei imandang’ung’ kotook ko u lapkeiyet, Ak yaei kiruogutiguk koluu ko u bet kwen.

TIENWOGIKAL 89:36

Tebyei iyotennyi koigeny, Ak ng’echerennyi ne bo laitornatet ko u asista eng’ tainnyu.

TIENWOGIKAL 89:37

Kigimiti koigeny ko u arawet, Ak ko u baornatet ne bo iman ne mi barak.

TIENWOGIKAL 91:14

Amu kigochama, asoru eng’ noto anyun: Atorori inendet, amu kigonai kainennyu.

TIENWOGIKAL 92:10

Ago kiitoror kuinennyu ko u kuinetab soet: Kagiilena mwaita ne kararan.

TIENWOGIKAL 92:9

Amu, keero, ee Jehovah, buniguk, Amu, keero, lustos buniguk. Kiyestooti yaikab tengekto tugul.

TIENWOGIKAL 97:10

Ee okwek che ochame Jehovah, owech yaitiet: Ribei sobonwekab chechik che tililen; Soru ichek eng’ eutab kiptengeginik.

TIENWOGIKAL 97:8

Kigas Sion, ak kiigasgei, Ak kiboiboitu tibikab Juda; Amu kiruogutiguk, ee Jehovah.

KOMONG'U 20:6

ak arire elfusiek eng’ ichek che chama che isubi ng’atutikyuk.

KALEWANAIK 4:18

Ago oretab che bo iman ko u lapkeiyet ne iluu, Ne iluu ko tesoksei agoi betut ne igesunotgei.

DANIEL 12:3

Ak koluu che ng’omen ko u kakweng’et ne bo barak; ak koluu koigeny ak koigeny ko u kecheik ichek che imutyin che chang’ imanda.

HOSEA 6:3

Ongenai anyun, ongetes tai kenai Jehovah; mong’u iman ko u ye eechei: ak nyonjinech ko u ropta, ko u ropta ne bo let ne ibisi ng’ony.

MATAYO 13:43

Iluu anyun che bo imanda ko u asista eng’ bounatetab Kwandanywa. Inendet ne tinyei itik, kogas.

ROMANIK 8:28

Ak kingen kele, eng’ ichek che chamei Jehovah, kotuitos tuguk tugul si kobois koreu che miach eng’ ichek che kigeguur ko u magennyi.

1 KORINTOEK 8:3

ago ngo chamei chi age tugul Jehovah, ko naat chichoto eng’ inendet.

EPESOEK 6:24

Ingoteb mieindo koboto ichek tugul che chamei Kiptaiyandennyo Jesu Kristo eng’ atepto ne ma ng’emaksei.

NG'ATUTIK 6:5

ak kanyol icham Jehovah Kamuktaindeng’ung’ eng’ muguleldang’ung’ tugul, ak eng’ sobondang’ung’ tugul, ak eng’ kimnateng’ung’ tugul.

NG'ATUTIK 7:9

Nai anyun ile Jehovah Kamuktaindeng’ung’, ko Kamuktaindet; Kamuktaindet ne bo imanda, ne ribei kayomisiet ak rirenet eng’ ichek che chamei inendet ak koribei ng’atutikyik agoi ibindab elfut;

JAKOBO 1:12

Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet.

JAKOBO 2:5

Ogaso, tupchosiekyuk ak ko chamanikyuk; tos kima lewen Jehovah che bonondos eng’ ng’ony koek magorek eng’ kayanet, ak koek che nyoru bounatet ne kigoarorji ichek che chamei inendet?

1 PETERO 1:8

ne ochame nganda tom ogeer; inendet ne nganda mogeere nguno, oyani, ko oboiboi mising’ eng’ boiboiyet ne ma mwaoksei ak ko nyiitat torornatet:

NG'ANG'UTYET 1:16

Ak kitinyei kecheik tisab eng’ eunnyi ne bo tai: ak kimong’une kutinnyi rotwetab chok ne ng’atiben komoswek tuwai: ak ki u togennyi asista ne iluu eng’ kimnatennyi.

NG'ANG'UTYET 18:20

Baibaitu eng’ inendet inye kipsengwet, ak okwek che o tililen, ak okwek che kiyoktoi, ak okwek maotik; amu kagoruokyi Jehovah inendet amu okwek.

NG'ANG'UTYET 6:10

ak kimwa eng’ kutit ne o kole, Tianitu, ee Kiptaiyat, ne tilil ak ko bo iman, si iruokyi ak iyaaktoiywech mugetut agobo korotikyok eng’ ichek che menyei ng’ony?

KIRUOGIK 3:11

Ak kiimuuny emet kenyisiek artam. Ak kime Otniel weritab Kenas.

KIRUOGIK 3:30

Kigiterter anyun eng’ betunoto Moab eng’ eutab Israel. Ak kiimuuny emet eng’ kenyisiek tamanwogik sisiit.