KIRUOGIK 5:23 - BUKUIT NE TILIL

²³ Kile malaikaiyatab Jehovah, Ochub Meros, Ochub eng’ chubet ne ng’wan bik che menyei oloto; Amu ma bwa kotoret Jehovah, Kotoret Jehovah agobo che kimen.

Bukuit Ne Tilil

²³ Ochup Meros, mwaei malaikaiyatap Kamuktaindet ne Toroor, ochup eng' chubeet ne ng'waan piik che menyei olooto, amu ma pwa kotoret Kamuktaindet ne Toroor, kotoret Kamuktaindet ne Toroor agobo che kiimeen.

BUKUIT NE TILIIL Sireet ne Dutero Kanon

²³ Ochup Meros, mwaei malaikaiyatap Kamuktaindet ne Toroor, ochup eng' chubeet ne ng'waan piik che menyei olooto, amu ma pwa kotoret Kamuktaindet ne Toroor, kotoret Kamuktaindet ne Toroor agobo che kiimeen.

KIRUOGIK 5:23 ပူးပေါင်းရင်းမြစ်များ

NEEMIA 3:5

Ak che kiteechei kogeny korubei ichek ko ki Tekoitik; ago ma chuuljigei bikwak che toogunotin boisietab kiptaiyandenywa.

TIENWOGIKAL 94:16

Tos ng’o ne ng’eetei kotoreta eng’ yaikab yaitio? Tos ng’o ne tononi kotoreta eng’ kiptengeginik?

JEREMIA 48:10

Chubot inendet ne machuuljingei boisietab Jehovah, ak chubot inendet ne ete rotwennyi bo chok korotik.

MATAYO 25:41

Kolenji anyun ichek che mi eutab katam, Oba eng’ ole ami, okwek che o chubotin, oba mat ne bo koigeny ne kigechopchi oindet ak malaikaisiekyik:

ROMANIK 15:18

Amu maganye ang’alal agobo tugun alak tugul kobate choto che kigoyai Kristo eng’ ane, agobo kasetab it ne bo Bororiosiek, eng’ ng’olyot ak yaet,

1 KORINTOEK 16:22

Ngot ko machamei chi age tugul Kiptaiyat, ko ingoek ne chubot. Maran-atha.

1 KORINTOEK 3:9

Amu ki kiboitinikab Jehovah che kiboisiei koboto inendet: okwek ko o mbaretab Jehovah, gotab Jehovah.

2 KORINTOEK 6:1

Kisome achek che keboisiei ak Jehovah kele amotaach mieindab Jehovah buch

KIRUOGIK 13:3

Ak kimong’ji malaikaiyatab Jehovah kwonyoto, ak kolenji, Keero, i son, ma isigisie: ago imanachi, ak isich werit.

KIRUOGIK 2:1

Ak kitogos malaikaiyatab Jehovah eng’ Gilgal konyo Bokim. Ak kile, Kiamutwak otogosu eng’ Misri, ak kiamutwak obwa emet ne kiayosiechi kwanisiekwok; ak kiamwa ale, Magoi abut kayomisennyu ne kigiarorjige ak okwek:

KIRUOGIK 21:5

Ak kile lagokab Israel, Mi ng’o eng’ ortinwek tugul che bo Israel ne ma nyo kotogos tuiyet ole mi Jehovah? Amu kiga yai kayosiet ne o agobo inendet ne ma nyo kotogos ole mi Jehovah eng’ Mispa, kole, Kibarei inendet iman.

KIRUOGIK 21:8

Ak kile ichek, Ng’o ne bo ortinwek eng’ Israel ne ma nyo kotogos ole mi Jehovah eng’ Mispa? Ak ogeero, Kima nyo chi agot agenge nganaset ne kibunu Jabes-gilead konyo tuiyet.

KIRUOGIK 4:6

Ak kiiyokto inendet kole keguur Barak weritab Abinoam eng’ Kedes-naptali, ak kinyo kolenji, Ma ng’at Jehovah Kamuktaindetab Israel kole, Ui irikyi tulwetab Tabor, ak imut murenik elfusiek taman che bo lagokab Naptali ak che bo lagokab Sebulun?

KIRUOGIK 5:13

Yeityo kochorgei che king’et eng’ bik che toogunotin eng’ bik; Kichorgei Jehovah agobo ane si kobargei ak che nyigonen.

KIRUOGIK 6:11

Ak kinyo malaikaiyatab Jehovah, ak kotebe ketit kel ne kimi Opra, ne ki bo Joas Abiesrindet: ak kituei werinnyi Gideon nganok eng’ ole kitue sabibuk, si kobiit kouny nganochoto eng’ Midianik.

KIRUOGIK 8:5

Ak kilenji bikab Sukot, Kaigai ogochi makatinik bik che isubwa; amu kagong’etyo, ak aone Seba ak Salmuna, laitorinikab Midian.

KIRUOGIK 8:6

Ak kile bounikab Sukot, Tos mi eunekab Seba ak Salmuna eung’ung’ nguno, kot kigochi makatinik lugeng’ung’?

KIRUOGIK 8:8

Kitogosta anyun eng’ oloto kwo Penuel, ak kong’alalji bichoto ko u noto: ak kiwolji inendet bikab Penuel ko u ye kiga wolji bikab Sukot.

1 SAMUEL 17:47

ak si kobiit konai tuiyoni tugul kole, masorune chi Jehovah rotwetab chok ak ng’otit: amu bo luget Jehovah ak indeok eunekyok.

1 SAMUEL 18:17

Ak kilenji Saul Daudi, Keero, cheptanyu ne o, Merab, agonin inendet itun: egu kityo nyiganennyu, ak iyai lugosiekab Jehovah. Amu kile Saul, Mamache kotwa eunekyuk inendet, ago ingobar inendet eunekab Pilistik.

1 SAMUEL 25:28

Asain ale, nyochi kaat cheptang’ung’ ne otwogindet, lelutiennyi: amu igimiti Jehovah iman gotab kiptaiyandennyu, amu yaei kiptaiyandennyu lugosiekab Jehovah; ama kinyorjinin yaitiet eng’ betusieguk tugul.

1 SAMUEL 26:19

Noto anyun, asomin ale, ingogas kiptaiyandennyu laitoriat ng’alekab otwogindennyi. Ngot ko Jehovah ne kiing’eetin iyaiywa ne ya, ko ingotaach inendet kagochinet: ago ngot ko werikab bik, ko ingoek ichek che chubotin eng’ taitab Jehovah; amu kagoona ichek rani si ma kinamge ak bororietab Jehovah, kolen, Ui iot kanamonik.