KIRUOGIK 3:7 - BUKUIT NE TILIL

⁷ Ak kiyai ne ya lagokab Israel eng’ taitab Jehovah, ak koutie Jehovah Kamuktaindenywa, ak koot Baalik ak Aserot.

Bukuit Ne Tilil

⁷ Ki yai ne ya piigap Israel eng' taitap Kamuktaindet ne Toroor, koutye ineendet kamuktaindennywa ak koot Baalik ak Aserot.

BUKUIT NE TILIIL Sireet ne Dutero Kanon

⁷ Ki yai ne ya piigap Israel eng' taitap Kamuktaindet ne Toroor, koutye ineendet kamuktaindennywa ak koot Baalik ak Aserot.

KIRUOGIK 3:7 ပူးပေါင်းရင်းမြစ်များ

1 LAITORINIK 16:33

Ak kiyai Ahab Asera; ak kiyai Ahab tuguk alak; kotes kotach Jehovah, Kamuktaindetab Israel, konerech, kosiir laitorinik tugul che bo Israel che kiindoune inendet.

1 LAITORINIK 18:19

Iyokte anyun nguno kiyumwa Israel tugul kobwa tulwetab Karmel, koboto maotikab Baal bogol ang’wan ak konom, ak maotikab Asera bogol ang’wan, che amisie mesetab Jesebel.

2 LAITORINIK 23:14

Ak kituatui tolochik, ak koeb Aserik koluul, ak kiinyiit oloto kowekab bik.

2 LAITORINIK 23:6

Ak kiib Asera komong’ eng’ gotab Jehovah, koib komanda eng’ Jerusalem, agoi kererutab Kidron, ak kobeel eng’ kererutab Kidron, ak kotuatui komengegitu koek busbusik, ak koseer koba kererisiekab bik.

2 ATEPTAP PEETUUSYEK 15:16

Ak kiisto Maaka agine, kametab Asa laitoriat, si mata koek laitoriat ne kwondo, amu kiga koyai kanamwet ne kiwechei ne bo Asera; kibut Asa kanamwennyi, ak kotui koek temburiek, ak kobeel eng’ ole negite kererutab Kidron.

2 ATEPTAP PEETUUSYEK 24:18

Kometo anyun gotab Jehovah, Kamuktaindetab kwanisiekwak, ak koot Aserik ak kanamonik: ak kinyonji neregek Juda ak Jerusalem agobo ng’ogiswechuchuak.

2 ATEPTAP PEETUUSYEK 33:19

Kigisirji agine saennyi, ak ole kigasyindo Kamuktaindet, ak tengektanyi tugul ak kachiliilutiennyi, ak komoswek ole kiteech komoswek che tororen, ak kolumda Aserik ak kanamonik che kigiwai, ye kitomo koming’ingei; ogeero, sirotin choto eng’ bukuitab ateptab betusiekab Hosai.

2 ATEPTAP PEETUUSYEK 33:3

Amu kiteech kogeny komoswek che tororen che kiga kobut kwandanyi Hesekia; kiteekyi Baalik kapkorosusiek, ak koyai Aserot, ak kigutung’ji tuguk tugul che bo kipsengwet ak koot.

2 ATEPTAP PEETUUSYEK 34:3

Amu eng’ kenyitab sisiit ne bo laitornatennyi, ye kita ko ming’in, kotoi kocheng’ Kamuktaindetab Daudi kwandanyi: ak eng’ kenyitab taman ak aeng’ kotoi kotilil Juda ak Jerusalem koisto komoswek che tororen, ak Aserik, ak kanamonik che kigiwai ak kanamonik che kigitany.

2 ATEPTAP PEETUUSYEK 34:7

Ak kibut kapkorosusiek, ak kong’a Aserik ak kanamonik che kigiwai ak kanamonik che kigitany, koek temburiek, ak koluul kanamonik tugul che bo asista eng’ emet komugul ne bo Israel, yeityo koweek Jerusalem.

TIENWOGIKAL 106:35

Ago kiburuigei koboto bororiosiek, Ak kiinetgei boisionikwak:

TIENWOGIKAL 106:36

Ak kiot kanamonikwak; Che kiek mestet eng’ ichek:

TIENWOGIKAL 106:7

Ma iguiyo kwanisiekyok kwong’utiguk eng’ Misri; Ma ibwat chang’indab rirenosieguk; Ago kiingelelso eng’ ye negit nyanjet, noto Nyanjet ne Birir.

KOMONG'U 34:13

ago obut kapkorosusiekwak, ak otuatui kanamonikwak kotonogis, ak oluul Aserikwak:

JEREMIA 23:27

che len kogochi bikyuk koutie kainennyu eng’ karuotitaosiekwak che mwachin chi tugul chitab kokwennyi, ko u ye kiutie kwanisiekwak kainennyu amu Baal?

NG'ATUTIK 16:21

Amat iminji ketit age tugul ne bo Asera ole negite kaptisisietab Jehovah Kamuktaindeng’ung’, ne tun iteekyinige.

NG'ATUTIK 4:9

Ripgei anyun, ak irib sobondang’ung’ eng’ kagiiletab ge, si meutie tuguk che kigeer konyeguk, ak si mamanda eng’ muguleldang’ung’ eng’ betusieguk tugul che bo sobeng’ung’; agoi inet lagoguk tuguchuto ak mochogoroniguk;

NG'ATUTIK 8:11

Ripgei anyun, si meutie Jehovah Kamuktaindeng’ung’, imete ng’atutikyik, ak kiruogutikyik, ak konetisiosiekyik, che kang’atin rani:

NG'ATUTIK 8:14

eng’ noto anyun imen, iutie Jehovah Kamuktaindeng’ung’, ne kiimutun imong’une emetab Misri eng’ gotab otwognatet;

NG'ATUTIK 8:18

Ago ibwat Jehovah Kamuktaindeng’ung’, amu inendet ne konin kimnatet ne inyorune magornatet: si kogimit kayomisennyi ne kiiyosiechi kwanisieguk, ko u rani.

KIRUOGIK 3:12

Ak kiyai ne ya lagokab Israel kogeny eng’ taitab Jehovah: ak kiigimit Jehovah Eglon laitoriatab Moab kobargei ak Israel, amu kiyai ne ya eng’ taitab Jehovah.

KIRUOGIK 3:8

Noto anyun kilalyo neregekab Jehovah agobo Israel, ak kialda ichek koba eunekab Kusan-risataim laitoriatab Mesopotamia: ak kiot lagokab Israel Kusan-risataim kenyisiek sisiit.

KIRUOGIK 6:25

Ak kilenji Jehovah inendet kemounoto, Kweri kirgitab kwandang’ung’, kirgitab aeng’ ne bo kenyisiek tisab, ak ibut kapkorosutab Baal ne tinyei kwandang’ung’, ak iluul Asera ne negite kapkorosunoto:

KIRUOGIK 8:33

Ak kingobata meetab Gideon, koweek kogeny lagokab Israel, koibotgei ak Baalik, ak koyai Baal-berit koek cheptalelinywa.

KIRUOGIK 8:34

Ak ma ibwat lagokab Israel Jehovah Kamuktaindenywa, ne kisor ichek eng’ eunekab bunikwak tugul che kimi komosta age tugul:

1 SAMUEL 12:10

Ak kirirji Jehovah kolenji, Kigeyai tengekto, amu kigebagakte Jehovah, ak keot Baalik ak Astarot: ago soruech nguno eng’ eutab bunikyok, si keotin.

1 SAMUEL 12:9

Ago kiutie Jehovah Kamuktaindenywa, ak kialdochi ichek eutab Sisera, kiptaiyatab lugetab Hasor, ak kialdochi eutab Pilistik, ak eutab laitoriatab Moab, ak kibargei ak ichek.