KIRUOGIK 3:28 - BUKUIT NE TILIL

²⁸ Ak kilenji ichek, Osubwa: amu kagonde Jehovah eunekwok bunikwok Moabik. Ak kichortagei kosub inendet koba konam tabarwekab Jordan korebe Moabik, ama chamji chi kolanda.

Bukuit Ne Tilil

²⁸ Ki leenji icheek, “Osubwo! Amu kagonde Kamuktaindet ne Toroor eunekwok puunikwok Moabik.” Ki choortagei koosup ineendet koba konam tabarwegap Jordan korebe Moabik, ama chamji chii kolanda.

BUKUIT NE TILIIL Sireet ne Dutero Kanon

²⁸ Ki leenji icheek, “Osubwo! Amu kagonde Kamuktaindet ne Toroor eunekwok puunikwok Moabik.” Ki choortagei koosup ineendet koba konam tabarwegap Jordan korebe Moabik, ama chamji chii kolanda.

KIRUOGIK 3:28 ပူးပေါင်းရင်းမြစ်များ

1 LAITORINIK 20:21

Ak kimanda laitoriatab Israel, ak kobar mbartanyisiek ak karisiek, ak kobar Suriek eng’ baret ne o.

JOSHUA 2:7

Koba anyun bichoto kole kosub eng’ oret ne wendi ainetab Jordan kot koit tabarwek ole landoe bik: ak ne matianit ko kata kobendi bichoto kiisubi ichek, keger ormarichet.

KIRUOGIK 10:11

Ak kimwachi Jehovah lagokab Israel, kolenji, Tos kima asoruok eng’ Misrik, ak eng’ Amorik, ak eng’ lagokab Amon, ak eng’ Pilistik?

KIRUOGIK 12:5

Ak kinam Gileadik tabarwekab Jordan, korat Epraimik: ak ye mwa che kimweune Epraim, kole, Chamwa alanda, kolenji inendet bikab Gilead, I Epraimindet? Ye le, Achicha;

KIRUOGIK 3:29

Ak kibar eng’ betunoto murenik olo bo elfusiek taman che bo Moab, chito age tugul ne ki kim, ak chito age tugul ne ki nyigan; ama chilil chi agot agenge.

KIRUOGIK 4:10

Ak kiguur Barak Sebulun ak Naptali kotuiyechi Kedes; ak kitogosta murenik elfusiek tamanu kosub inendet: ak kitogosta Debora agine koboto inendet.

KIRUOGIK 7:14

Ak kiwolji choruennyi kolenji, Nito ko ma kit age kobate rotwetab chok ne bo Gideon weritab Joas, chitab Israel: kagonde Kamuktaindet Midian eunekyik, ak luget tugul.

KIRUOGIK 7:15

Ak ye kingogas Gideon mwaunetab karuotitaonoto, ak weegennyi, kong’uruk kosa; ak kwo nganasetab Israel, ak komwa kole, Ong’eetye; amu kagonde Jehovah eunekwok lugetab Midian.

KIRUOGIK 7:17

Ak kolenji, Ogeera, ak oyai ko u ye ayae, ak ogeero, ye kaait ye boch nganaset, ko u ye ayae, oyai ak okwek ko u noto.

KIRUOGIK 7:24

Ak kiiyokto Gideon bik koba emet komugul ne bo tulonokab Epraim, kolenji, Ochoruge, kebarge ak Midian, ak onam beek agoi Bet-bara, ak Jordan. Kiiyumgei anyun murenik tugul che bo Epraim, ak konam beek tugul kot koit Bet-bara, agot Jordan.

KIRUOGIK 7:9

Ak kilenji Jehovah inendet kemounoto, Ng’eet, chortege nganaset; amu kande eung’ung’.

1 SAMUEL 17:47

ak si kobiit konai tuiyoni tugul kole, masorune chi Jehovah rotwetab chok ak ng’otit: amu bo luget Jehovah ak indeok eunekyok.