KIRUOGIK 3:10 - BUKUIT NE TILIL

¹⁰ Ak kinyonji inendet Tamirmirietab Jehovah, ak kiiruokyi Israel; ak kiwa luget, ak kiinde Jehovah eunnyi Kusan-risataim laitoriatab Mesopotamia: ak kiiterter Otniel Kusan-risataim.

Bukuit Ne Tilil

¹⁰ Ki nyoonji ineendet Kabuuusetap Kamuktaindet ne Toroor, ak ki irwookyi Israel ak ki wo lugeet. Ki inde Kamuktaindet ne Toroor eunnyi Kusan-risataim laitoryatap Mesopotamia ak ki iterteer Othniel ineendet.

BUKUIT NE TILIIL Sireet ne Dutero Kanon

¹⁰ Ki nyoonji ineendet Kabuuusetap Kamuktaindet ne Toroor, ak ki irwookyi Israel ak ki wo lugeet. Ki inde Kamuktaindet ne Toroor eunnyi Kusan-risataim laitoryatap Mesopotamia ak ki iterteer Othniel ineendet.

KIRUOGIK 3:10 ပူးပေါင်းရင်းမြစ်များ

1 ATEPTAP PEETUUSYEK 12:18

Konyonji anyun tamirmiriet Amasai, ne ki ne o eng’ bichoto sosom, ak kole, Ki cheguk, Daudi, ak kimi komostang’ung’, inye weritab Jesii: mi kalyet, ingoteb kalyet koboten, ak ingoteb kalyet koboto toretiguk; amu toretin Kamuktaindeng’ung’. Kotaach anyun Daudi ichek, ak koyai koek kiptainikab kweanet.

2 ATEPTAP PEETUUSYEK 15:1

Ak kinyonji Tamirmirietab Jehovah Asaria weritab Obed:

2 ATEPTAP PEETUUSYEK 20:14

Kinyonji anyun Tamirmirietab Jehovah Jaasiel weritab Sekaria, weritab Benaia, weritab Jeiel, weritab Matania, Lawindet, ne bo werikab Asap, eng’ kwenutab tuiyet;

TIENWOGIKAL 51:11

Ametorta eng’ ole imi; Ameistoena Tamirmirieng’ung’ ne Tilil.

KAITOSYEK 11:17

Ak achoruge anyo keng’alal ak inye eng’ oloto: ak anemunenen kebebertab tamirmiriet ne miten, ak ande bichoto; ak kogesen ichek lautietab bik koboten, si maigeseni inyege.

KAITOSYEK 11:25

Ak kichorgei Jehovah eng’ boldet, ak kong’alalji Musa, ak kinam kebebertab tamirmiriet ne kimi inendet, konde boisiechoto tamanwogik tisab; ak ye kingotebe ichek tamirmiriet, koamda anyun ng’alek che bwanei, ago mata tun koyai ko u noto kogeny.

KAITOSYEK 11:29

Ak kilenji Musa inendet, Kaamin ng’et kong’ agobo ane? Mie nda egu maotik bik tugul che bo Jehovah, ak mie nda indoi Jehovah tamirmiriennyi kotebe ichek!

KAITOSYEK 24:2

Ak kitobendo Balaam, ak kigeer Israelik komeng’isiei ko katetgei ko u ortinwekwak; ak kinyonji Tamirmirietab Kamuktaindet inendet.

KAITOSYEK 27:18

Ak kilenji Jehovah Musa, Imutu Josua, weritab Nun, chito ne tinyei tamirmiriet, ak igonoor eung’ung’ inendet;

HEBRANIK 6:4

Amu eng’ ichek che kisib kigochi lapkeiyet ak kochamjam konunet ne bo kipsengwet, ak koek yamdoikab Tamirmiriet ne Tilil,

KIRUOGIK 11:29

Kinyonji anyun Tamirmirietab Jehovah Jepta, ak kilandae Gilead ak Manase, ak kilandae Mispa ne bo Gilead, ak kong’eete Mispa ne bo Gilead kwo kolanda kot koit ole mi lagokab Amon.

KIRUOGIK 11:32

Kilanda anyun Jepta kwo ole mi lagokab Amon, kobargei ak ichek; ak kiinde Jehovah ichek eunekyik.

KIRUOGIK 13:25

Ak kitoi Tamirmirietab Jehovah kobois eng’ inendet eng’ Maane-dan, kwenutab Sora ak Estaol.

KIRUOGIK 14:19

Ak kinyonji inendet Tamirmirietab Jehovah eng’ kimnatet, ak kichortagei kwo Askelon, ak kibar bik sosom che bo bichoto, ak koib barunenikwak ak kiigochi ngoroik che kiwalawali, ichek che kiibor tangochonoto. Ak kilalyo neregekyik, ak kitogosta kwo gotab kwandanyi.

KIRUOGIK 14:6

Ak kinyonji inendet Tamirmirietab Jehovah eng’ kimnatet, ak kigerer ng’etunyoto, ko u ye imuchi kogerer aruetab ng’oror, ak kima kotinyei kiy eng’ eut; ago ma mwachi kwanda anan ko kamet kit ne kayai.

KIRUOGIK 15:14

Kingoit Lei, kowaach Pilistik ko katuiyo ak inendet: ak kinyonji inendet Tamirmirietab Jehovah eng’ kimnatet, ak kiigei rogoosiek che kimi eunekyik katanit ne kabeel mat, ak kiibutyo eng’ eunekyik tuguk che kiga kirate.

KIRUOGIK 3:11

Ak kiimuuny emet kenyisiek artam. Ak kime Otniel weritab Kenas.

KIRUOGIK 3:8

Noto anyun kilalyo neregekab Jehovah agobo Israel, ak kialda ichek koba eunekab Kusan-risataim laitoriatab Mesopotamia: ak kiot lagokab Israel Kusan-risataim kenyisiek sisiit.

KIRUOGIK 6:34

Ago kinyonji Tamirmirietab Jehovah Gideon; ak kiguut igondit; ak kiiyumgei Abiesrik kosub inendet.

1 SAMUEL 10:10

Ak kingoit tulwet, ogeero, kotuiye inendet maotik che kigaiyumgei; ak kinyonji inendet Tamirmirietab Kamuktaindet eng’ kimnatet, ak kimaoten eng’ kwenunywa.

1 SAMUEL 10:6

ak konyonjin Tamirmirietab Jehovah eng’ kimnatet, ak imaoten koboto ichek, ak kewalin iegu chito age.

1 SAMUEL 11:6

Ak kinyonji Saul Tamirmirietab Kamuktaindet eng’ kimnatet, ye kingogas ng’alechato, ak kilalyo neregekyik kot.

1 SAMUEL 16:13

Konem anyun Samuel lalet ne mi mwaita, ak koiil inendet eng’ kwenutab tupchosiekyik: ak kinyonji Tamirmirietab Jehovah Daudi eng’ kimnatet koboch betunoto agoi. Kong’eet anyun Samuel, ak kwo Rama.