KIRUOGIK 20:6 - BUKUIT NE TILIL

⁶ Ak kianam chebaigeiyandennyu ak aton, ak ayokte keib koba emet tugul ne borotetab Israel: amu kigoyai tengekto ak abusnatet eng’ Israel.

Bukuit Ne Tilil

⁶ Ki anam chebaigeiyandennyu ak aton, ak ayookte keip koba emet tugul ne poroteetap Israel, amu ki koyai tengekto ak abusnateet eng' Israel.

BUKUIT NE TILIIL Sireet ne Dutero Kanon

⁶ Ki anam chebaigeiyandennyu ak aton, ak ayookte keip koba emet tugul ne poroteetap Israel, amu ki koyai tengekto ak abusnateet eng' Israel.

KIRUOGIK 20:6 ပူးပေါင်းရင်းမြစ်များ

TAUNET 34:7

Ak kingogas werikab Jakobo, kobwa ga kobunu kewanin: ak kigas ng’wanindo murenjoto, ak kinerekso kot, amu kiyai abusnatet eng’ Israel, amu kiruiyo ak cheptab Jakobo; kit ne magichamei keyai.

ATEPTAP LAWIK 18:24

Amat omuruonge eng’ alak tugul eng’ chuto: amu kiimuruongei eng’ choto tugul bororiosiek che kiaon eng’ taing’wong’:

ATEPTAP LAWIK 18:30

Orib anyun kotigonutikyuk amu noto, si moyai age tugul eng’ bitonwechu samis, che kigiyaei kotom oitu, si momuruonege choto: a Jehovah Kamuktaindeng’wong’.

JOSHUA 7:15

Ak inendet ne kinamjin kit ne itabanat kebeelei eng’ mat, chichoto ak tugul che tinyei: amu kobistoe kayomisetab Jehovah, amu koyai abusnatet eng’ Israel.

KIRUOGIK 19:22

Ak ye kiiboiboi mugulelwekwak, ogeero, kibwa murenikab nganasanato, werikab Belial, koyiem got, ak kobir kurget; ak king’alalji chitab kobo got, boiyondonoto, kolenji, Imoong’u chichi kanyo gong’ung’, si kobiit kesuub.

KIRUOGIK 19:23

Kimanda anyun chichoto, bounindetab got, kwo ole mi ichek, ak kolenji, Achicha, tupchosiekyuk, asomok ale, amoyai tengekto ne te ni; amu kanyo chichi gonnyu, amoyai sogornatani.

KIRUOGIK 19:29

Ak kingo kakwa gonnyi orit, konem rotwet, ak konam chebaigeiyandennyi ak kopcheapchei koek kebeberwek taman ak aeng’, ak koyokto kebeberwechoto koba komoswek tugul che bo Israel.

KIRUOGIK 20:10

ak kinemu murenik taman eng’ bogolut age tugul eng’ bororiosiek tugul che bo Israel, ak bogolut eng’ elfut age tugul ak kinemu elfut eng’ elfusiek taman, koba koipchi bik amitwogik, si ye it Gibea ne bo Benjamin koyai ko u abusnatet tugul ne kiyai ichek eng’ Israel.