KIRUOGIK 20:1 - BUKUIT NE TILIL

¹ Kimanda anyun lagokab Israel tugul, ak kiiyumgei tuiyet koigei chichak, koboch Dan agoi Beer-seba, koboto emetab Gilead, koyumjigei Jehovah eng’ Mispa.

Bukuit Ne Tilil

¹ Ki manda anyun piigap Israel tugul, kobooch Dan agoi Beer-sheba, kobooto emetap Gilead, ak ki iyumgei tuiyet koigei chiichak, ki iyumgei eng' taitap Kamuktaindet ne Toroor eng' Mispa.

BUKUIT NE TILIIL Sireet ne Dutero Kanon

¹ Ki manda anyun piigap Israel tugul, kobooch Dan agoi Beer-sheba, kobooto emetap Gilead, ak ki iyumgei tuiyet koigei chiichak, ki iyumgei eng' taitap Kamuktaindet ne Toroor eng' Mispa.

KIRUOGIK 20:1 ပူးပေါင်းရင်းမြစ်များ

2 SAMUEL 19:14

Ak kiwelel mugulelwekab bik tugul che bo Juda, ko u ne bo chito agenge; kot koyokto kemwachi laitoriat, kolenji, Mie iweeige koboto otwogiguk tugul.

2 SAMUEL 2:9

kiinde inendet koek laitoriat koboi Gilead, ak koboi Ashurik, ak Jesreel, ak Epraim, ak Benjamin, ak koboi Israel tugul.

2 SAMUEL 24:2

Ak kilenji laitoriat Joab kiptaiyatab luget, ne kimi ak inendet, Ui bunote bororiosiek tugul che bo Israel, koboch Dan agoi Beer-seba, ak oiit bik si kobiit anai koitetab bik.

2 SAMUEL 3:10

auto bounatet eng’ gotab Saul, ak alumde ng’echeretab laitornatet ne bo Daudi koboi Israel ak Juda, koboch Dan agoi Beer-seba.

1 LAITORINIK 5:5

Ak keero, kaabegechi ateekyi got kainetab Jehovah Kamuktaindennyu, ko u ye kimwachi Jehovah baba Daudi, kolenji, Tun teekyin kainennyu got wering’ung’ ne tun andoi kotebe ng’echerennyu ne bo laitornatet, kogeerin.

2 LAITORINIK 25:23

Ak kingogas kiptainik tugul che bo lugosiek, icheget ak bikwak, kole kogoyai laitoriatab Babulon Gedalia koek bounindet, kobwa ole mi Gedalia eng’ Mispa, choto ko ki Ismael weritab Netania, ak Johanan weritab Karea, ak Seraia weritab Tanumet Netopatindet, ak Jaasania weritab Maakatindet, icheget ak bikwak.

1 ATEPTAP PEETUUSYEK 21:2

Ak kilenji Daudi Joab ak bounikab bik, Oba, oiit Israel kong’eete Beer-seba agoi Dan; ak obwa omwawa, si anai koitenywa.

2 ATEPTAP PEETUUSYEK 30:5

Kogimit anyun ng’atutiet kole kemwaita eng’ Israel tugul, koboch Beer-seba agoi Dan, kole kobwa koripchi Jehovah paska, Kamuktaindetab Israel, eng’ Jerusalem: amu kitomo koribei bik che chang’ ko u noto ko u ye kigisir.

EZRAH 3:1

Ak kingoit arawetab tisab, ye kimi lagokab Israel nganasokwak, koyumjigei bik Jerusalem ko u chichak.

NEEMIA 11:27

ak eng’ Hasar-sual, ak eng’ Beer-seba ak nganasokyik,

NEEMIA 8:1

Ak kiiyumgei bik tugul ko u chichak eng’ komosta ne baraa ne kimi taitab ormarichetab beek; ak kilenji bichoto Esra sirindet koib bukuitab Ng’atutikab Musa, che kiga kong’atyi Jehovah Israel.

JEREMIA 40:6

Kiwa anyun Jeremia oldab Gedalia weritab Aikam eng’ Mispa, ak komeng’is koboto inendet eng’ kwenutab bik che kiga ng’et eng’ emet.

KAITOSYEK 32:1

Kitinyei akwotisiek che chang’ mising’ lagokab Reuben ak lagokab Gad: ak ye kingogeer emetab Jaser, ak emetab Gilead, kole, ogeero, emet ne bo akwotisiek;

KAITOSYEK 32:40

Ak kiigochi Musa Makir weritab Manase, Gilead; ak kimeny oloto.

JOSHUA 15:38

ak Dilan, Mispe, ak Jokteel;

JOSHUA 17:1

Ak ni ko ki barbariatab bororietab Manase; amu ki taita ne bo Josep. Ko u Makir, ne ki taita ne bo Manase, kwandab Gilead, ko amu ki chi ne bo luget, ko kinyor anyun Gilead ak Basan.

JOSHUA 18:26

ak Mispe, Kepira, ak Mosa,

JOSHUA 22:12

Ak ye kingogas lagokab Israel kioto, koyumgei tuiyet komugul ne bo lagokab Israel eng’ Silo, kole koba kobargei ak bichoto.

JOSHUA 22:9

Ak kiweek lagokab Reuben ak lagokab Gad ak kebebertab bororietab Manase, koba eng’ ole mi lagokab Israel komanda eng’ Silo, ne mi emetab Kanan, koba emetab Gilead, emet ne nenywa, ne kiga konam kobunji, ko u ng’atutietab Jehovah eng’ eutab Musa.

JOSHUA 4:13

ki olo bo elfusiek artam bik che kilanda eng’ taitab Jehovah, che kilaachi karik che kiga kochobok agobo luget, agoi warengetab Jeriko.

KIRUOGIK 10:17

Kiiyumgei anyun lagokab Amon, koba koteech Gilead. Ak kiiyumgei lagokab Israel ak koteech Mispa.

KIRUOGIK 11:11

Kiwa Jepta anyun koboto boisiekab Gilead, ak kiyai bik inendet koek bounindet ak kiptaiyat ne bou ichek: ak kimwa Jepta ng’alekyik tugul eng’ taitab Jehovah eng’ Mispa.

KIRUOGIK 11:34

Ak kinyo Jepta Mispa ole mi gonnyi, ak ogeero, kimong’ cheptanyi kotorok inendet kotinyei sugutisiek che mengechen kotienonu: ki lakwennyi noto inegei; kima kotinyei werit anan chepto age kobate noto inegei.

KIRUOGIK 18:29

Ak kiguure nganasanato Dan, komwaitae Dan kwandanywa, ne kiga kisikyi Israel: ago ki kainetab nganasanato eng’ tai ko ki Lais.

KIRUOGIK 20:11

Koyumjigei anyun tugul che bo Israel nganasanato, konamgei koek agenge ko u chichak.

KIRUOGIK 20:18

Ak king’eetyo lagokab Israel kotogosta Bet-el, ak kiteebe Kamuktaindet kit ne kanyol koyai; ak kile, Ng’o ne sib kotogostoi koba kobargei ak lagokab Benjamin? Ak kile Jehovah, Juda ne indoi.

KIRUOGIK 20:2

Kiiyomechigei kiruogikab bik tugul, che choto ko bororiosiek tugul che bo Israel, tuiyetab bikab Kamuktaindet, bik elfusiek bogol ang’wan che bunei kelyek, che tinyei rotokab chok.

KIRUOGIK 20:26

Yeityo kotogosta lagok tugul che bo Israel, ak bik tugul, ak koit Bet-el, ak koririo, ak kotebi ng’ony eng’ taitab Jehovah, ak korugutgei betunoto agoi koskoleny; ak kiigoito kagochinoik che kibeelei ak kagochinoikab kalyet eng’ taitab Jehovah.

KIRUOGIK 20:8

Ak king’eetyo bik tugul koigei chichak kole, Magibendi achek, chi age tugul, emainnyi, ama kiweechige chi age tugul kowendi gonnyi.

KIRUOGIK 21:5

Ak kile lagokab Israel, Mi ng’o eng’ ortinwek tugul che bo Israel ne ma nyo kotogos tuiyet ole mi Jehovah? Amu kiga yai kayosiet ne o agobo inendet ne ma nyo kotogos ole mi Jehovah eng’ Mispa, kole, Kibarei inendet iman.

1 SAMUEL 10:17

Ak kiguur Samuel bik koyumgei eng’ taitab Jehovah eng’ Mispa;

1 SAMUEL 3:20

Ak kinai Israel tugul koboch Dan agoi Beer-seba kole kogigimit Samuel koek maotiotab Jehovah.