KIRUOGIK 2:18 - BUKUIT NE TILIL

¹⁸ Ak kingong’eetyi Jehovah kiruogik, ko kimi Jehovah koboto kiruogindet, ak kosor ichek eng’ eunekab bunikwak eng’ betusiek tugul che bo kiruogindonoto: kirire Jehovah amu tigenenywa amu ichek che kiinyalili ichek ak koiimi.

Bukuit Ne Tilil

¹⁸ Kingo ng'eetyi `Kamuktaindet ne Toroor kirwoogik, ko ki mi Kamuktaindet ne Toroor kobooto kirwoogindet, ak kosar icheek eng' eunegap puunikwak eng' peetuusyek tugul che po kirwoogindonooto. Ki riiree Kamuktaindet ne Toroor eng' tigenennywa ak eng' icheek che ki inyalili ak koimi.

BUKUIT NE TILIIL Sireet ne Dutero Kanon

¹⁸ Kingo ng'eetyi `Kamuktaindet ne Toroor kirwoogik, ko ki mi Kamuktaindet ne Toroor kobooto kirwoogindet, ak kosar icheek eng' eunegap puunikwak eng' peetuusyek tugul che po kirwoogindonooto. Ki riiree Kamuktaindet ne Toroor eng' tigenennywa ak eng' icheek che ki inyalili ak koimi.

KIRUOGIK 2:18 ပူးပေါင်းရင်းမြစ်များ

TAUNET 6:6

Kiibwat Jehovah kole, kima ko ta mie, koyai chi eng’ ng’ony, ak kigas ng’wanindo eng’ muguleldanyi.

2 LAITORINIK 13:4

Ak kirirji Jeoahas Jehovah, ak kigasyi Jehovah inendet: amu kigeer nyalildab Israel, ole kiinyalildoi laitoriatab Suria.

TIENWOGIKAL 12:5

Amu sastaetab kibananok, amu tigenetab che banandos, Ang’eete nguno, mwaei Jehovah; Agochini kotebi ribetab ge, noto ne machei mising’.

TIENWOGIKAL 90:13

Weeguge, ee Jehovah; tianitu? Ak irirege kiboitiniguk.

KOMONG'U 2:24

Ak kigas Kamuktaindet tigenoikwak, ak kiibwat Kamuktaindet kayomisennyi ne kiiyomisyi Abraham, ak Isak, ak Jakobo.

KOMONG'U 3:12

Ak kile Jehovah, Amu ami koboten iman; ni kaborunet ne inae ile kayokten: ye kaimoong’u bik eng’ Misri, oboisiechi Kamuktaindet eng’ tulwoni.

KOMONG'U 32:14

Ak kiwal Jehovah kabwatutikyik agobo yaitionoto kiga mwa kole yachjin bikyik.

HOSEA 11:8

Amuktoi ano ameten, inye Epraim? Amuktoi ano asorun, inye Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira mo.

JONAH 3:10

Ak kigeer Kamuktaindet boisionikwak, kole kaweek kometo orenywa ne ya; ak kiwal Kamuktaindet kabwatutikyik agobo yaitiet, ne kiga mwa kole yachin ichek; ak mata koyai.

KAITOSYEK 10:9

Ak ye obendi luget eng’ emeng’wong’, obendi obaregei ak bunyot ne usok, oguut anyun igondisiechoto bo waagat; ak kibwatak eng’ taitab Jehovah Kamuktaindeng’wong’, ak kesoruok eng’ bunikwok.

NG'ATUTIK 32:36

Amu iruokyinechin Jehovah bikyik, Ak korir mo agobo otwogikyik; Ye keer kole kagowandagei kimnatenywa, Ama mi ne kong’et ne ratat anan ne ma ratat.

JOSHUA 1:5

Mabiitu chi ne imuchi kotonon eng’ taing’ung’ betusiek tugul kote isobe: ko u ye kiami koboto Musa, ko u noto ami koboten: mametoin, anan abagakten.

KIRUOGIK 10:16

Ak kiisto kanamonik che too eng’ kwenunywa, ak koot Jehovah: ak kiarogen sobondanyi amu nyalildab Israel.

KIRUOGIK 11:32

Kilanda anyun Jepta kwo ole mi lagokab Amon, kobargei ak ichek; ak kiinde Jehovah ichek eunekyik.

KIRUOGIK 2:19

Ago kingo kagome kiruogindet, koweeigei let, ak koyai tuguk che samisen kosiir kwanisiekwak, kosubi kanamonik kootei, ak kong’urukyi; ma sisyo eng’ boisionikwak, anan eng’ oretab ngelelnatenywa.

KIRUOGIK 3:9

Ak ye kingorirji lagokab Israel Jehovah, kong’eetyi Jehovah lagokab Israel yetindet, ne kisor ichek, inendet ko Otniel weritab Kenas, ng’etab kamet ne ming’in ne bo Kaleb.

KIRUOGIK 6:12

Ak kimong’ji inendet malaikaiyatab Jehovah, ak kolenji, Mi Jehovah koboten, inye chito ne i kim ak ko i nyigan.

KIRUOGIK 6:16

Ak kilenji Jehovah, Ami koboten iman, ak ibare Midianik ko u chito agenge.