KIRUOGIK 2:17 - BUKUIT NE TILIL

¹⁷ Ago ma kas it kiruogikwak kora, amu kiisubot kanamonik koibotgei, ak kong’urukyi: kimasta kochakta kobagakta oret ne kibunei kwanisiekwak, kogas it ng’atutikab Jehovah; ago ma yai icheget ko u noto.

Bukuit Ne Tilil

¹⁷ Nga no, koma kas iit icheek kirwoogikwak kora. Ki isubot kamuktaik alak koibotkei ak kong'uruuk eng' tainnywa. Kimasta kochaakta kobagaakta ooreet ne kibunei kwanisyekwak, che kigase iit ng'atuutigap Kamuktaindet ne Toroor; ma yai icheeget ko uu nooto.

BUKUIT NE TILIIL Sireet ne Dutero Kanon

¹⁷ Nga no, koma kas iit icheek kirwoogikwak kora. Ki isubot kamuktaik alak koibotkei ak kong'uruuk eng' tainnywa. Kimasta kochaakta kobagaakta ooreet ne kibunei kwanisyekwak, che kigase iit ng'atuutigap Kamuktaindet ne Toroor; ma yai icheeget ko uu nooto.

KIRUOGIK 2:17 ပူးပေါင်းရင်းမြစ်များ

TIENWOGIKAL 106:39

Kimuruonitu anyun eng’ boisionikwak, Ak kiyai ibetab ge eng’ boisionikwak.

TIENWOGIKAL 106:43

Kisor ichek konyil che chang’; Ago kiek ngelelik eng’ ng’olyondenywa, Ak kigiyai konyeratitu eng’ tengektanywa,

TIENWOGIKAL 73:27

Amu keero, betos icheget che looen eng’ inye: Amu kiing’em ichek tugul che kiisub ibetab ge koistoenengei.

KOMONG'U 32:8

kosib komasta kometo oret ne kiga ang’atyi: kagoyachigei kanamwet ne bo moita ne kigitany, ak kogutung’ji, ak kagoeng’ji tiseiywek, ak kolen, Kanamoniguk chu, inye Israel, che kiimutun imong’une emetab Misri.

JEREMIA 3:6

Kimwawa anyun Jehovah kogeny eng’ betusiekab Josia laitoriat kolenja, Tos kiigeer noto kiyai Israel ne kigogetyigei let? Kigotogosta tulwet age tugul ne koi, ak kwo kelutab ketit age tugul ne tuon, ak kiyai kugoinatet eng’ oloto.

JEREMIA 6:16

Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

HOSEA 2:2

Ogaigai komet, ogaigai; amu inendet ko ma osotiondennyu, ama a manong’otiondennyu: ak ingometo kugoinatosiekyik che mi togennyi, ak ingometo ibetab ge ne mi tegennyi;

ATEPTAP LAWIK 17:7

Ak si mata koeng’ji oik tiseiywekwak kogeny, che kocham kosuboti koibegei tugul. Egu ng’olyondoni ng’atutiet ne bo koigeny eng’ ichek eng’ ibinwekwak tugul.

AMOS 2:4

Mwaei Jehovah ko u ni kole: Maaweechi biret ne abire Juda amu bistaosiekyik somok, ee, agot ang’wan; amu kogoesio ng’atutikab Jehovah, ama rib kayomisutikyik, ak kogogochi lembechekwak ichek komasta, che kiisubi kwanisiekwak:

GALATYEK 1:6

Akwong’e amu oistoige ochoktoi eng’ inendet ne kiguurok eng’ mieindab Kristo, obe oldab logoiywek che miach che ter;

NG'ATUTIK 31:16

Ak kilenji Jehovah Musa, Keero, irue koboto kwanisieguk; yeityo kong’eetyo bichu koibotgei ak kanamonik che bo bororiosiek alak che bo emet, ole bendi kotebe kwenunywa, ak kobagakta, ak kobut kayomisennyu, ne kigiyomisge ak ichek.

NG'ATUTIK 31:18

Ak, auny togennyu betunoto iman amu yaitwogik tugul che kiyai, amu kaweektagei koot kanamonik.

NG'ATUTIK 9:12

Ak kilenja Jehovah, Ng’eet, chortege chakte; amu kagong’emgei biguk che kiimutune Misri; kesib komasta eng’ oret ne kiang’at; kagoyachigei kanamwet ne kitanyi.

NG'ATUTIK 9:16

Ak kiageer, ogeero, kioyachi tengekto Jehovah Kamuktaindeng’wong’; kiga otang’jigei itondab moita: kiga omaste ochakte omete oret ne king’atak Jehovah.

JOSHUA 24:24

Ak kilenji bik Josua, Kiboisiechini Jehovah Kamuktaindennyo, ak kegas it kutinnyi.

JOSHUA 24:31

Ak kiboisiechi Israel Jehovah eng’ betusiek tugul che bo Josua, ak eng’ betusiek tugul che bo boisiek che kita komi ko kagome Josua, che kiingen boisiet tugul ne bo Jehovah, ne kiga koyai agobo Israel.

KIRUOGIK 2:7

Ak kiboisiechi bik Jehovah eng’ betusiek tugul che bo Josua, ak eng’ betusiek tugul che bo boisiek che kita komi ko kagome Josua, che kiga kogeer boisiet tugul ne o ne bo Jehovah, ne kiga koyai agobo Israel.

KIRUOGIK 8:33

Ak kingobata meetab Gideon, koweek kogeny lagokab Israel, koibotgei ak Baalik, ak koyai Baal-berit koek cheptalelinywa.

1 SAMUEL 12:12

Ak kingogeer Nahas laitoriab lagokab Amon, konyo obarge, olenja, Achicha, boiywech laitoriat: ago ki laitoriandeng’wong’ Jehovah Kamuktaindeng’wong’.

1 SAMUEL 12:17

Tos ma betusiekab kesisietab nganok rani? Aguure Jehovah si koyok tulet ak ropta; si onai ak ogeer ole o tengektang’wong’, ne kioyai eng’ taitab Jehovah, amu kiosomjige laitoriat.

1 SAMUEL 12:19

Ak kilenji bik tugul Samuel, Saiywech achek otwogiguk Jehovah Kamuktaindeng’ung’, si ma kibegu: amu kogetesyi tengekwogikyok tugul yaitioni, kesomjige laitoriat.